妓女尚且知恥，林鄭卻不

好難想象一個地方長官可以廢爛如此。香港染疫人數破萬，以一彈丸之地計，真的是無與倫比，冠絕四地！我常想，林鄭你有冇慈悲心的呢？平白看著百多條人命消逝，大量港人失業，更多的人為收入與前景發愁，你卻無動於衷，還陶醉於自己廢噏的精準抗疫，滴水不漏皇帝新衣。妓女都尚且知恥，不以出賣色相自矜，你治港一塌糊塗，搞得天怒人怨，卻還在沾沾自喜，真不知你的腦是怎樣的構造！

你封鎖小區，有人會逃檢的。若全港封城，人就走不了，乖乖的在家耽兩三周，來個一了百了。旨望疫苗？一來港人的接種意欲低，就算是打，都要上大半年才能達到七成群體免疫，這半年，又不知要死幾多人，商業又要重創多少。而且有醫療業界人士說，即使是打開的流感疫苗，有效率也只是三幾十%，以為疫苗可以立即打救全港，真係想多了！

冇架喇，香港就係衰在這無知的婆娘手上，掃把星，劏豬凳，仲有甚麽可以形容呢？

.

.

又中

人始終是愛認叻的，老朽如我亦是。早前鬧爆林鄭事先張揚，話四條被 DQ 的議員可以過渡，結果中央虛幌一招後摑這婆娘一巴，立馬封殺哩四條友。林鄭又唔知衰，又事先張揚要中央放寬疫情下通關門檻，我直斥其非，結果係中央睬你都有味。後來香港疫情因林鄭不作為而惡化，通關更唔駛講喇！

又有施永青話特朗普會連任，我指出四點反駁，結果我又說對了。

新近政府話取消花市，我又話佢地冇腦，指出街市可買菜，花墟可賣花，卻獨禁年宵花市，於理不合。後來又指出分散各區球場賣花的建議白痴，認為應原花市舊址擺賣。結果政府又轉軚，做法完全跟我的一樣。

哈哈，我咁準，今晚啲馬係咪咁呢？ 

.

.

官怯為廢，官廢為賊

為官避事平生恥，固是。我更認為，官怯為廢，官廢為賊！

做得官，你怯乜呢？怕俾人鬧就唔做，返屋企做你個小女人去喇，唔好累死社會累死市民！

這種賊，是為港賊，民賊。

講完。

.

.

唔好咁蠢喇，好冇？

尋日至 baan 完政府取消花市，剛又收到消息，話可以喺各區球場舉辦濕貨市集。即係可以賣花喇，俾花農一條生路，唔駛佢地血本無歸，也不用年花零落成泥碾作塵。但廢官點解事先冇一個周詳而深入的論證呢？只要有基本的邏輯思維，就唔會犯上街市可以買餸，花墟可以賣花，但就係唔俾年宵賣花的傻行！

不過唔好以為政府係覺今是而昨非，而係又一次顯示這政府的膠。分散各區搞，那麽邊個花農去邊區呢？邊區可能好銷啲，邊區大概會食西北風，肯定又成了一個問題。

大家都知道買海味去西環，因為集中，你可以慢慢揀，貨比三家都已係樂趣。於是大把人去，海味舖成行成市反而不會分薄盈利。

依家打散做，美其名為各地開花，實際上係降低了吸引力。乾脆在維園及其他一直有辦開的區份復行花市罷，唔駛講咁多。做好體温檢測同人流管制，多設酒精搓手點，花市，播疫風險真係唔會比街市買菜高！

.

.

食屎陳師奶與無能娥特首

活了一甲子，才真見識到如此低能的政府與管治。沒抗疫概念，缺前瞻性，與民為敵的白痴政策卻層出不窮！

減少人群聚集的最好方法就是封城，短痛兩三周，找出帶病者集中治療，就可以重啟九成幾以上的商業活動。依家政府同做美容嘅，年宵賣花嘅好似有仇，ben 你就 ben 你，唔駛講咁多。其實剪髮就得，做面就唔得，街市買餸就得，花墟賣花都得，但年宵賣花就唔得，係乜嘢道理同心態呢？

廢官無常識，唔俾美容復業，影響嘅唔只業界，仲有買咗幾萬，甚至十幾萬超前消費 coupon 的人，一旦店鋪倒閉，受影響人士真係渣都冇！

取消年宵各式小賣，尤可說也，但何不保留花檔，無咗其他攤檔，人流必定大幅減少，仲可以做埋人流管制，花農就可以賣花，唔駛成年心血付諸東流！

仲有出現爆疫嘅大廈就檢測，美其名是定點式，實際上係被動抗疫，頭痛醫頭。前瞻性嘅就係全面封城，香港才能走出泥沼。

防疫滴水不漏喎，難得食屎同無能講得出，面不紅氣不喘，其實就係應對無方，短視龜縮，應禁不禁，不應禁卻去禁，無恥果然是無敵的，看官大開眼界了罷！

.

.

林病政府打造不公平競爭

這政府明顯有病，更病者係林鄭仲係自我感覺良好，仲以為自己好打得，以為自己抗疫已做得不差，因為同美國比。佢從來唔睇吓社會情況同香港相近的澳門，人地早已滴水不漏成年喇，香港漏到成地水，死百五人你仲恬不知恥沾沾自喜話滴水不漏 ? 香港俾個自以為是豬油蒙晒心的人做阿頭，只會戕害蒼生。叫你全民檢測有難度，咁封城喇，何難之有，連西方自我中心到爆的社群都做到，你林鄭做唔到？若林鄭早期果斷封城，找出染疫者，防患於萌芽，再嚴防外地輸入，則後來的百多個死者根本不用染疫而亡，你林鄭苟且等運到，不是兇手是甚麼！

吱牙膏式的抗疫，話係張弛有道簡直笑死人。最近嗌救命的美容業界，真係睇見都可憐。哩個政府係咁，好醜不辨，無情情恩主心態寬鬆外交人員海員免檢入境造成大爆發。佢又會板起面孔耍官威，揀一啲業界開刀，證明自己有 power，美容業界就俾佢玩死！

其實喺疫情爆發初段，去年二三月間封城，疫情就不會惡化。一刀切，所有行業都停頓兩至三周，所有人，所有行業都相同付出，搞掂個市面社會就可以全部恢復。唔駛好似依家咁，有啲已然執笠閂門，有啲吊緊鹽水嗌救命，有啲可以喘吓氣，有啲反而因賣防疫物而賺錢。

公平商業競爭，無差別的市民安全感至為重要，政府就係要打造一個這樣的城市。林鄭無能，下面的把手無用，香港就咁樣被搞死，成為兩岸四地，最弱雞醜怪之城！

.

.

比皇帝更皇帝的特朗普

任用親人，女兒女婿都因為特朗普而進了管治核心，你認為這樣冇問題？哦，如果係咁，若中國領導人也有相同行為，你又會唔會嘈？

特朗普可以在卸任前大舉特赦親信，踐踏法治，相信如果佢可以特赦自己上任前案件的法律責任，佢都會流晒口水咁做。若中國領導人又可以咁，你又會唔會嘈？

你一定會話，中美不同，美國總統是民選出來的。係咯，選了一個任內講了二萬幾個謊言，抗疫無力令三十幾萬國民平白喪命，隨意推翻或退出國家以前訂立或參與的條約，掀打貿戰令美國人自己埋單關稅，任內不斷任意開除逆意官員的瘋癲總統！ 

早在福山質疑自己的信念前，我已對西式民主制度嗤之以鼻，那是把貪婪，自私，卑劣人性無限放大，又是被無良政客上下其手，竊國害民的制度。其中美國的更是白痴無倫，特朗普就是把傲慢，濫權，荒謬發揮到極致的人板。

美國的走低，又豈會無因！

.

.