2014年2月26日星期三

何俊仁議事堂上睇艷照

.

蘋果網站消息:

財政司司長曾俊華今日到立法會宣讀新年度財政預算案,這項關乎全港市民福祉、涉及四千多億公帑運用的重大議題,民主黨立法會議員何俊仁卻無心聆聽,被記者發現開會期間埋首透過 iPad 瀏覽多幅索女性感照片,似乎關心靚女「事業線」更甚於港人未來。

何俊仁會後承認「自己會議上分咗心」,並指自己不應於開會時做與立法會無關事務,予人不認真感覺,「我係非常抱歉,大家都知我好少咁樣,可能因為近排有啲太累,做咗啲唔應該做嘅嘢,我就呢樣係要致歉。」他承諾以後會避免出現同樣情況。

何俊仁因貌似一位日本色情電影男角,因而被網民戲稱「AV仁」,被問到性感照片是否「鹹相」,這位「AV仁」說:「我諗好多你地都睇到,都係少女啲相,喺啲網站嘅album度嚟,咁好多我相信可能係一啲模特兒嘅相,唔係一啲色情嘅相。」

何俊仁形容事件令自己「非常尷尬」,又指今次事件「好不幸」,「我係有誠意致歉,就算幾累都應集中精神睇返同議會有關的嘢」。問到平日有否觀看類似相片,何俊仁就指,「乜嘢都會有睇,我唔會話完全無睇,不過今日呢個場合就唔應該咁睇」。

立法會主席曾鈺成則笑著拒評事件,民建聯主席譚耀宗聞言後則「陰陰嘴笑」;民建聯葉國謙被問到會否觀看類似相片時,則說「平日有無望過下就肯定會有,但肯定唔會喺立法會會議上睇」。

*
*
*
*
*


係眼火爆,連津貼成廿幾皮一個月,竟然大庭廣眾喺議事堂上睇艷照,垃圾真係捨你其誰?

係,條廢柴財爺啲嘢係悶係三幅被,但你曾經貴為黨主席,都自重一下吖,一唔係你就好似爛鬼長毛咁,嗌幾聲剷一下胡鬚曾就俾人趕走,名正言順返自己辧公室印印腳,煲煙上網打機甚至做埋炮兵都冇人知喇,真係又要咸又要做碧咸!

你解畫話「可能因為近排有啲太累,做咗啲唔應該做嘅嘢 」,十足強姦犯嘅辯解咁咯!

香港乜都輸俾星加坡,今次終於爬番星加坡頭咯,講議員夠爛,仲唔第一!
.
.
.

27 則留言:

xiao zhu 說...

「但你曾經貴為黨主席」點只呀,佢曾經參選過特首添呀!

laulong 說...

係噃!

我唔歧視矮人,好似晏嬰拿破崙鄧小平,一係叻人一係徫人,但這隻肥龜望之不似人君,言行虛偽,心腸惡毒,成為政治人物純粹係香港之病!

奕山 說...

吓?可能因為近排有啲太累... 乜嘢邏輯?乜嘢思維?
或者佢啲語言偽術太高深,我真係聽唔明>.<!

laulong 說...

近排太累咪即係強姦非禮影人裙底啲咸蟲咁咯,話壓力大,所以犯案。

佢又唔係寡佬,要減壓咪揾老婆咯,講講下哩個矮冬瓜又多條罪:不尊重老婆,仲曲缐揶揄老婆又醜又老又唔性感唔吸引,佢老婆應該閹咗佢洩憤喇!

largeheadboy 說...

仲要睇得好入神
開會又唔見佢咁精神喎

Quality Alchemist 說...

「AV仁」教懂我們一件事,睇艷照真的可以提神。 ;p

魔術師 說...

天下烏鴉...

http://cablenews.i-cable.com/webapps/news_video/index.php?news_id=427360

西班牙議員會議中看雜誌風月版 2014/02/26 22:39
西班牙一名地區議員被揭發在會議途中偷看雜誌色情版。
這名 71 歲地方議員被記者發現,把雜誌放在官方文件夾內,翻到有半裸女郎特寫的一頁。該議員解釋,其實是打算翻閱一篇有關馬德里儲蓄銀行前總裁的報道,碰巧被記者拍下這一幕。

l.minor 說...

今次佢唔只廢,重蠢啦~大庭廣眾

新鮮人 說...

我相信唔係個個政客都係正人君子,
就算鹹濕佬都可以做到事,
不過明知係公眾場合就檢點下,
明知大把政敵傳媒睇實就小心啦,
都做左幾廿年政客啦,
邊有人豬咁笨架,
正豬嘜。

佛爺 說...

校長:

可能何俊仁要睇住啲AV女,先至可以「心性合一」,耳聰腦靈,分析財政預算的內裡乾坤。嘻嘻!

the inner space 說...

物先腐而後蟲生 。。。。

民主黨 的 張炳樑 馮煒光(金鐘仁)入政府當官

上次國泰涂謹申何俊仁衰左喇

今次專登畀傳媒捉着又预備去當官!?

糜爛!

匿名 說...

俾人鬧咸虫, 呢個傷害比俾人斬仲大!
講到底, 偽君子一名.

南蠻人 說...

不如辯解睇呢D相能刺激思維(再加一兩個科學例證),我反而覺得佢有D水準。太累,真是太低水準的辯解。

laulong 說...

大頭:

直頭神馳喇,爭在未流口水,真係醜態畢露!




QA:

咁我唔反對,但佢真係喉急得緊要咯,大庭廣眾仲要喺神聖嘅議事堂。




魔術師:

老外都算喇,但哩條友時時扮曬大義凜然,更令人反胃!




Minor:

急色到唔知分寸,爛人一名而已。

laulong 說...

新鮮:

食色性也,聖人都要,但要睇場合,何盡淫真係淫到離哂譜!




佛爺:

嗰條矮冬瓜,浄識嘩眾取寵,販民以自肥,佢只懂分析女生的事業缐有幾長 XDDD




Inner:

民主黨犯色戒者輩出喇,何偉途,陳家徫,甘乃威,依家仲有何盡滛,真係誰可比擬!




匿名:

偽君子一名,絕對係,仲係有老婆嘅咸蟲一名!

蝸牛 說...

做豬𠒇,襯番個樣啫!

laulong 說...

南蠻:

俾人踼爆喺咁神聖嚴肅嘅議事堂衰咸濕,佢方寸大亂了,只是強作鎮定而已。

又可能佢幫人打得官司多,風化犯通常都咁辯解的。




牛兄:

講中喇 XDDD

the inner space 說...

”何盡滛” 改得好貼切!

不知佛爺兄會否寫篇短篇諷刺諷刺

佛爺 說...

the inner space:

我近日修身冇性,唔好喇。而且,仲有不少人撐何盡淫,話佢被人發春宮電郵陷害,佢唔會睇啲咁嘅嘢。又話個個男人都犯咗同樣嘅錯,開工睇淫照喺男人都會,簡直喺小事。

宜家連多倫多廣東話電台都搵咗何盡淫嚟開玩笑,認真搞笑。

CowCow 說...

「我唔歧視矮人」哈哈!!! 好在我高。
大蕃薯真失礼!!!!

牛牛向各位問好, long time no see!

hollycowplanet 說...

佛爺
多倫多廣東話電台无野講, 乜你有聽? 我不聽的, 无聊低水準闷死!

佛爺 說...

牛牛:

你水準高,我水平低吖嘛。嘻嘻!

laulong 說...

大番薯直頭醜死怪 >.<

hollycowplanet 說...

佛爺 說...
牛牛:你水準高,我水平低吖嘛。嘻嘻!

你答得好鬼虚偽夾行货! %^$*&#%^&

佛爺 說...

牛牛:

你真喺抵錫,話我比你戴嘅高帽喺虛偽兼行貨,真喺講得好精準。我留咗言之後,都覺得毛管動。嘻嘻!

止凡 說...

其實不明白有什麼趕急要在會議廰內看這些東西呢?可悲。

laulong 說...

急色,不尊重場所,不尊重自己的工作,根本上就係無誠無德之人!