2008年6月27日星期五

死水微瀾

.
這兩天常聽張信哲:


.
.
.

2008年6月25日星期三

仲要返學?

.
八號風球還未落,已披風戴雨,坐乘客寥落的巴士回校。是有點自虐嗎?不,很多東西需要跟進,考量復課後的活動安排、重整交分時間表等等。

巴士衝進東隧,走一程很短、風雨不入、甚至有點溫暖感覺的路。衝出來,又是風雨交加的世界。這短暫的安然,怎麼如此熟識!

學校除了住校管工,更無一人。也好,我可以靜靜的思考,靜靜的工作!
.
.
.

2008年6月24日星期二

2008年6月18日星期三

我這樣想

.

承上文的幾個條目,我會這樣想:

愛妳,除了開會寫文章改卷過馬路看電視購物打波睡覺,只要我靜下來,都會想著妳。

和妳一起,我不會對其他女生行注目禮,因為這是對妳的尊重。

我會好留意妳穿戴甚麽,我會用眼睛去欣賞,用說話去讚美。

不用妳開腔,我都會讚美妳,因為妳實在漂亮。

上班小休時,我仍會給你電話,只是想知道妳工作是否順利。妳太辛苦的話,我希望能開解妳。

我少食垃圾食物,我要保持狀態,我不俊,但我仍希望能向妳展示最好的我。

.

又是男女

.

永遠的話題!一位舊生在 Facebook 的貼文,當然不代表我也是一樣的看法:


《50個男生要女生知道的心事》

01)「喊」即是威脅我。
02)我唔會每秒鐘都掛住你,你要接受這事實。
03)我見到靚女一定會望,這是天生的。
04)我係鍾意 SEX 和有性幻想的。
05)不過胸太大或胸圍太硬都幾得人驚。
06)我唔講野唔等於我唔愛你。
07)你最好都有自己的目標和理想。
08)你著乜都好睇,真的(因為我未必有留意)!
09)唔好問我覺得你靚唔靚。
10)我對你用甚麼化妝,護膚品無興趣。
11)唔好迫我塗潤唇膏。
12)唔好期望我會在返工或上堂時間 CALL 或 SMS 你。
13)好多時答 YES 或 NO 就夠了。
14)「唔知呀,你話啦!」唔係答案。
15)如果你日日都因為 M 而情緒波動,唔該你去睇醫生。
16)如果我講d野令你覺得有兩個解釋,其中一個會令你好傷心,我地其實係想表達另一個意思。
17)唔好無病呻吟,你最好相信《狼來了》的故事。
18)你一係就話俾我知你想我幫你做咩,或者點樣可以完成。唔好又叫我幫你做又要教我點做。
19)十二歲以下的女孩才有權扮 CUTIE。
20)可以的話,自己換麥當勞送的公仔。
21)手袋可唔可以唔掛「啷啷」,毛公仔?
22)可唔可以唔同我討論電視劇同 HELLO KITTY?
23)唔好叫我幫你挽手袋。
24)唔好批評我的兄弟老友。
25)大庭廣眾怕醜、唔出聲不叫斯文。
26)唔好成日話「我d friend話咁咁咁」,你d friend 點諗,關我咩事。
27)盡量不要將我地拍拖的細節亳無保留地話俾你d friend 知。我都想有私隱權。
28)除左我,你還有其他興趣或嗜好嗎?
29)有無一樣運動你懂的呢?
30)你可以唔識打機,不過最好俾我打。
31)我唔使減肥,所以唔好阻止我食 JUNK FOOD。
32)唔好要求我做道明寺。
33)溫柔不等於依賴。
34)爽朗不等於無禮貌。
35)腌尖聲悶不等於高貴。
36)無主見不等於尊重我。
37)遲到不等於多人追。
38)你打扮得太誇同我去街我會驚。
39)不要偷偷在我的文件或功課上貼 CUTIE 貼紙。
40)雖然我未必睇到,但內衣最好光鮮乾淨。
41)最好不要日日作 OVERSIZE 的 HIP HOP 的打扮。
42)無必要不用穿得太性感。
43)是不是任何時候任何場合都需要化妝?
44)唔好三句唔埋又話要減肥。
45)不要在公眾場合怪叫或大驚小怪。
46)不要 CHECK 我電話的來電顯示。
47)我都會有女性朋友。
48)我唔想知你同你舊男友的事。
49)你都最好也不想知道我和我舊女友的事。
50)我想講 I LOVE U 的時候自然會同你講。



《50個女生要男生知道的心事》

01)我「喊」,無論是否你的錯,你都一定要哄我。
02)我都唔會每秒鐘都掛住你,大家咁話。
03)我見到靚仔都會望,這也是天生的。
04)我「哦」你都是因為我關心你和緊張你。
05)你唔使係有錢仔,但最好都有比較遠大的目標和理想,在未來有成為一個有錢佬的可能。
06)同我出街時,可唔可以梳番個頭同剃鬚?
07)我知我唔係全世界最靚,但我希望你覺得我係,時不時要讚我人靚歌甜樣靚身材正可愛溫柔同得意。
08)當我剪了兩吋頭髮打了少少眼影穿了對新鞋時希望你會留意到。
09)所有大時大節紀念日同生日,你必須全部都記得。
10)我所有濕濕碎碎野都好想同你分享,例如我用咩化妝品同護膚品,雖然你未必會明,但希望你會扮聽。
11)當你滔滔不絕地發表你對工作細節電腦軟件NBA英國足球聯賽等等的意見時,我其實也是在唯唯諾諾地扮聽。
12)得閒做下磨砂同黑頭鼻貼,否則我會在凝望你時不自覺地望住你鼻上的黑頭同粗大的毛孔。
13)你臨訓前可唔可以刷牙?
14)你唔需要好靚仔,但一定要乾淨。
15)我 M 時係大哂,可以大條道理發脾氣,你最好一個月忍我幾日就哂我。
16)我會假設你懂得操控及修理任何電器,包括電腦相機電視機錄影機及HI-FI等等。
17)有很多事我並不是不懂得做,只是不想做就扮唔識。
18)每日去任何地方時都要 CALL 話比我知你位置及同邊個一齊,比我清楚哂你的行蹤。
19)同一個笑話同話題,可唔可以盡量唔講得多過廿次?
20)我發脾氣CUT你線,其實係想你即刻打番電話來再哄我。
21)如果迷路時,可唔可以快快趣趣向途人問路,唔好逞強拉住我走來走去行好多冤枉路?
22)我唔介意你有少少肚腩,但盡量唔好太肥,亦唔好比我瘦。
23)太大隻既肌肉型男人一D都唔MAN,係好驚。
24)我會好介意你有一D有不良嗜好的「兄弟老友」,認為佢地一定會帶壞你。
25)在我的朋友面前,我希望你可以表現得比平時更錫我同緊張我。
26)我煮飯比你食時,你唔可以覺得係奉旨,一定要「話」好食。
27)琴棋書畫各類運動唱歌寫文章當中,希望你最少會有一樣好叻(打機唔算),其他最好樣樣都識少少。
28)你要欣賞我的工作。
29)大男人唔等於霸道。
30)溫柔唔等於無主見。
31)瀟洒唔等於無交帶。
32)不羈唔等於烏where。
33)我鍾意你努力工作,但都要盡量抽時間陪我。
34)唔好成日問你約會去邊度好都話「是旦」,咁唔叫就哂我只係表示你無心思。
35)如果我有朱茵的身型,我唔介意穿得像個性感尤物。
36)如果我同你講話要減肥,其實最想聽到你同我講:「你一D都唔肥,唔使減啦,我鍾意咪得囉。」
37)我跟你說話的時候,唔知點解聲音會比平時嬌嗲同低B。
38)CHECK你電話的來電顯示是我的嗜好之一。
39)你最好唔好有任何女性朋友、紅顏知己或契姐契妹之類的物體。
40)我有男性朋友係好正常。
41)我希望你的女同事全部都是師奶呀嬸醜女或肥婆。
42)我好有興趣去知道你同你舊女友的事,愈詳盡愈好。
43)我有時都會掛住舊男朋友、以前暗戀過的男生、華dee梁朝偉同藤木直人。
44)無論拍左拖幾耐,我都渴望你時不時比D驚喜我。
45)你要時不時對我講「我愛你」,否則我會假設你唔愛我。
46)大庭廣眾粗口爛舌唔係叫有型。
47)你完全唔打扮同我去街我仲驚。
48)發脾氣時要即時哄番,唔好比時間我冷靜下,其實我完全唔需要時間冷靜。
49)雖然已經有左你,但如果有人追我都會沾沾自喜。
50)購物是女人的天性,請不要阻止或對我的購物行動有甚麼意見,最好間唔中資助下我。

.

2008年6月16日星期一

朗識天下貼文:因為隔

.
http://laulaulong.blogspot.com/2008/06/blog-post.html
.
.
.

亂七八糟

.

怎麼博界最近鬧哄哄的,這邊廂有人隔空開戰,炮火連天。硝煙未散,那邊廂又來個陣地戰,像日俄在東北打個開花,結果是要狂刪留言 .....

發生甚麼事呢?今年真不是好時年?愈近八月人心愈不穩,果真是金星凌日,昌貪居命?

各位,以柔化剛,去惡為祥啊!

.

2008年6月11日星期三

遲到

.

昨晚忘了校鬧鐘,今天遲到了。


六時三十分被敲門聲弄醒。匆匆梳洗後,還是趕不上安全線的那班車。在巴士站呆著,人還沒有醒過來,腦子裏盡是零碎的思緒在竄動:事實與假如、愛與怨、忘情與記恨 ……


唉,還是恕罷,今日之日,本就是前生之所種。


世界特別緩慢,相差兩分鐘便是謬以千里。班次疏落,人群擁擠。巴士在上坡路艱難喘氣,看著手錶,今天是遲定了,該是今年的第一次罷。


回到工作處,簽到紙上已劃上了紅線。很正常,已遲了九分鐘,但書記小姐一臉歉仄的說線才剛劃上,她等了很久,捨不得劃。


啊!我能說甚麽?這雖然不是嚴謹的工作對應,但我還是感激。這世界,對我好的人不人少,不忿我的人卻也多。然而我只會對善待我的人感恩,他們才是值得佔去我思維空間,值得我去感激存念的人。

.
.
.

2008年6月3日星期二

戀愛的錯步

.
情是結是不結很講緣份,起步遇著不起步,慢步遇上快步,快步過了頭,方向偏了角,中間有人超前,有人橫越,有人堵塞,結果都會不同。


當我站在線上時,你在那裏?當我蓄勁展步,為何你還在遲疑?當我升火待發,為何你仍在好整以暇?當我緊緊看著你的時候,為何你只愛看四周的風景?


是了,緣份錯過,就像飛星背馳,參商作別。在這凡塵俗世,只添上,一個毫不起眼,很快便會被遺忘的故事!

.