2008年9月26日星期五

2008年9月24日星期三

誰問了

.

如霧起時是鄭愁予寫給一個漂亮女孩的詩歌。詩人曾當海員,腦裏盡是海上美麗珍奇的事物,但當擁著女友,再美麗的東西不已都在戀人身上嗎?



我在網上找到一段分析,稍加增刪修訂如下:



海上的景色與女孩的面容豔態互為虛實,相映成趣,其中意象的交射互補,靈活而生動。例如首段,就航海而言,耳環是虛,它所暗示的 船上鳴號是實;髮叢、睫毛、噓息也都是虛,所暗示的霧與風才是實。你甚至可以想象詩人擁著女孩,輕輕呵吻她的眼簾。



中段用赤道之橫與子午線之縱來引出女孩的的紅唇,及因思念而下的淚。末段的編貝、晚雲當然是指女孩的皓齒與臉上紅暈。不敢輕易近航的珊瑚 的礁區則借喻女孩的心,甚或形容更性感地帶...



所有珍奇女孩都有了,所以當她問到海上的事兒,詩人仰天笑了!
.
.
.

2008年9月21日星期日

交通差之二

.
有個星期六,揸部車去中環郵政總局接個女人。上落客區停滿晒車,無位,硬住頭皮要兜喇,但要兜個圈大到無倫,出番干諾道中,上紅棉道天橋,落番皇后大道中,畢打街,入番康樂廣場道,哇,你話唔煩就假。

兜咗兩個圈,個人都吽吽地咯。第三個圈終於見到個女人喇,都係無位噃,咪駛入少少,諗住個轆責住條雙黃線,個女人上咗車就走人喇。蓬一聲車門閂咗喇,我昅一昅睹後鏡,咪鬆 brake扭軚走人咯。就喺哩個時候,我喺睹後鏡見到隻鐵馬啱啱轉入康樂廣場道,距離我架車五六十米左右。

當時諗,其實個轆有冇責住條雙黃線我都唔知個喎,不過唔理喇,都走人咯。慢車去到康樂廣場道干諾道中燈位,紅燈咪停車咯,排頭位。哩個時候架鐵馬駛到喇。

佢停咗喺我右手邊,示意我按低車窗,我先至知道係個差婆。

我問咩嘢事呀 Madam?佢話先生,剛才你喺雙黃線外停車上落客喎。我話唔係呀 Madam, 我駛咗入去個喎。唔係個轆入咗就得嘅咩?

佢話見到個轆無入噃。我話唔係呀,我揸車咁耐唔知個轆有無入?而且我喺睹後鏡見到你啱啱轉入嚟,幾十米遠,你睇得咁清楚,唔係呀?

佢一時語塞,無聲出噃。我細意睇吓佢個樣,姿色麻麻,我心諗,靚啲就話同你嗲多兩句啫,而且個女人又坐喺身邊。哩個時候轉黄燈喇,我問 madam 咁我依家點呀,開唔開得車呀(後邊成排車)?

哈,你估佢點答我?我聽到都打個突 .........

佢話,好,你以後唔好喺中環灣仔比我見到你!

吓,玩威脅牙?警務人員威脅良好市民?我頂呀,不過見後邊成排車,咪費事玩佢咯!

嘿嘿,我喺灣仔住咗、蒲咗幾十年,叫我唔好落灣仔?不過打後都見唔到哩個差婆 lu. 其實我唔想贏架,假如佢靚啲 !
.
.
.

2008年9月19日星期五

聽吓歌先

.
送給妳 ....



There's A Kind of Hush



.
.
.

2008年9月18日星期四

交通差之一

.
揸車十幾年,同啲白蚱交過幾次手。

有一次啱啱同個女人鬧完交,帶個仔去兜風。駛到灣仔,諗住泊低架車食啲野。駛過謝菲道柯布連道十字路口,眼見到前面有個位,咪過咯。其實嗰時車速已很慢,我也有先左望才過。就在這時候,一部平治由告士打道轉入,我見到咪 dup 停部車咯,嗰部車都 dup 一 dup. 其實情況一啲都唔危險,但咁啱兩部白蚱剛駛過,見到喇咪叫兩部車駛埋一邊講耶穌咯。

個白咋話嗰部平治投訴喎。我話佢高速啫,我有睇至過架,我投訴佢就真。條白蚱話我哩邊虛線要讓,咁情況就係我唔啱!

我頂呀,真係扯火,咁啱又同個女人嘈完,正係慶個火屎,咪同佢兩條友抝囉。最惡頂係個平治佬駛走時仲瞄我一眼!我諗你個死仔呀,揸 Benz 大晒牙!

我繼續同個高大衰白蚱抝,我話你唔駛咁大聲,我都有同你地啲伙記一齊做嘢嘅。咁我又無講大話喎,我同X區警民關係組有合作嘛。嗰條友聽到就話咁就有偈傾喇,問我識邊個呀,我話識邊個就唔想講喇。其實我警司都識喇,我都費事撻!

哈,嗰兩條友見我咁講,竟然鬆晒口面話呵呵,咁得喇,走得喇。

其實,我諗係佢兩條友見我企硬掛,我話識人佢地咪順勢落台囉!

.......................


嘿嘿,下次講同個女白蚱嘅!

.
.
.

痛心不已

.

可以讓孩子們健康成長嗎?

.

2008年9月17日星期三

2008年9月11日星期四

讓歌聲飄遠

.
IF by Bread


.
.
.

2008年9月10日星期三

入會

.

德福 MCL 重開,現在可以 100元入會(原價135),送三張戲票贈券,一份爆谷汽水。打後購票九折!

入喇喂!好似優惠到 9.21。

..
.
.

好悶

.

衝了一輪,好悶,好 Dry, 好想週圍逛逛,德福也好,APM 也好 ...

Woo, 去 lu !
.
.
.

2008年9月9日星期二

童趣

.
各位哥哥姐姐,唔好笑咁大聲喔!


.
.
.

小孖膶腸


.
.
.

2008年9月8日星期一

承與傳

.



總覺得,我之於他們,仍不及父親之於我!
.
.
.

2008年9月6日星期六

懷念父親一世紀


昨晚翻箱倒篋,都找不到二十多年前寫的那篇〈橋〉。

那是一篇記念父親的文章,有幸獲八一年崇基學院玉鑾室創作獎。遺失了?湮滅了?

沒有電腦儲存的年代,原來,一切都如此容易失去!

唯有鉤沉另一小段文字,情與貌,與文章的其中一段,略相似:


小時候,父親常帶我回鄉下玩,總要到入夜才回家。鄉間路黑,我都怕,尤其是過橋的時候,父親便把我抱起,我頭挨在他肩上,望著河水上像在移動的月影,他帶我走過人生的一段又一段......
.

2008年9月2日星期二