.
哩條十九專家真係語不笑瓜人死不休，早前祿泉樓有小型爆發，條友又孖埋其他專家去睇屎渠坑渠，ok 喎，冇乜嘢喎，咁好大可能係電梯傳毒喇。事實其實好簡單，但條友發覺，咦，我冇嘢講靠邊站咪好雞，於是就爆喇：可能係信箱播毒呀，話幾個中招嘅住户信箱好近。
我頂呀，信箱一排過，上下打横，梗係近喇，唔通一個信箱要隔 1.5 米才設置一個？問題係住户去攞信會用手掃過晒隔籬信箱才攞嗎？或者用條脷去舐完隔籬嗰啲才去開自己信箱？正常人根本唔會去掂其他住户信箱，咁傳播何來哉！就算係郵差叔叔，都係派完信就走喇，會用手周圍摸，去感受信箱嘅唔同曲線同温度？
Umm, 我知喇，阿袁大教授可能爆咗佢一啲奇特嘅攞信私隱行為出黎，不得了，不得了，哩個肯定爆過全人類有共識後，佢發表話屎可以播毒，口罩可以隔毒嘅驚世發現，山邊嘅野豬蠢鳥一定會話 yeah, 信服得五體投地！
講開講，啲記者仲低智，聽到佢廢噏又唔會發覺有問題咁奇怪嘅。可見香港記者鈍感低智，同地底泥同科。
.
.
