買咩靚仔？

一到街市，入眼就是那最企理最多嘢賣的生果檔。

我由檔的一邊目掃到檔中間，瞄到有位阿姐向著我說：「買咩靚仔？」

開心嗎？梗唔會喇，明知佢稱呼任何人都加個靚字，但無癮嘅係佢視綫分明冇對準我個頭，射咗去我個頭右邊起碼一呎外，咁即係冇交足戲喇！

我知，喺買賣勸銷環境中，叫人靚仔靚女根本就係毫無底線，又全不足信的套語泛話，但所謂做戲做全套，俾少少誠意，望住我講嘛！

要我幫你買梳蕉，幾隻橙，望一下我哩個老樣好辛苦咩。所謂天下何處無阿姐 (我講果檔的)，此地不冧人，自有冧人處。我閃，即刻走去第二檔！

.

.