2008年6月25日星期三

仲要返學?

.
八號風球還未落,已披風戴雨,坐乘客寥落的巴士回校。是有點自虐嗎?不,很多東西需要跟進,考量復課後的活動安排、重整交分時間表等等。

巴士衝進東隧,走一程很短、風雨不入、甚至有點溫暖感覺的路。衝出來,又是風雨交加的世界。這短暫的安然,怎麼如此熟識!

學校除了住校管工,更無一人。也好,我可以靜靜的思考,靜靜的工作!
.
.
.

23 則留言:

卡臣 說...

啊~~啊~~相思風雨中

laulong 說...

卡卡:

首歌要遲啲先至再有機會唱啦!

Desertfox 說...

在挪威, 看到阳光普照, 天朗气清. 但温度计写着十五度. 出外还是要穿外衣. 别忘了现在是六月底, 应是一年最热的时候.

冷得我腾..腾震啊.

laulong 說...

咦,Fox, 回到挪威啦!代問候嫂夫人安好。

這裏天氣就認真麻麻,剛落了八號波。

F.E.L.I.X. 說...

我妹1點時搖醒我,說要回公司。。。這是甚麼世界丫 -.-

laulong 說...

Filex:

令妹還是兼職罷,凌晨一時還要返公司?如此苛刻?

F.E.L.I.X. 說...

她是學分實習,中午一時公司要她回去工作

F.E.L.I.X. 說...

我剛看完 DVD,賴在床上 :P

laulong 說...

哦,中午一時已落了八號波,都 O.K.嘅!

翼 說...

三歲果d都要課後活動呀?
唔係喇掛!

laulong 說...

易公子:

三歲嗰個走鬼咗啦,嫌我老卦。我依家揾緊個三十歲樓上嘅,定性啲嘛。有無好介紹?

mona 說...

oh,當天是交分的deadline,只欠一班的平均分未入也要在八號除下三號頂上的情況下回去呢~
但原來也不只我一人!

P.S.但後來被通知deadline順延了..

laulong 說...

Mona:

所以話你係盡責嘅老師。如果我校有多啲你這些老師,掂啦!

逆來順受 說...

>有無好介紹?

靠害咩?
我介紹比你咪即係爆響口人地既年齡!
會比人追殺架!

匿名 說...

Norman,轉好了啊,可喜!

laulong 說...

哈,都係易公子!你仲可以用逆水行舟啦,逆三角函數啦,逆方向思考啦....

有啲嘢講明,佢唔介意就得啦!

唔受咪算,唔會追殺係咪呀!

laulong 說...

吾兄:

好多了,但尚有微瀾,畢竟是深深投入過。之前說不開心不會超過一天,那可能呢!

mona 說...

貴校有參加內地老師交流嗎?

laulong 說...

Mona:

大概四、五年前,我校常做內地交流,這幾年少做了。

我記得近十年前我帶一班中七同學上中山,去孫中山先生故居、海戰博物館,及兩間中學作師生交流,行程豐富,收穫良多。

反而後來的全校老師北上交流印象粗淺,所得寥寥。

你要北上嗎?

mona 說...

OH,我地參加的內地老師交流係有D內地既老師過係學校觀課呀共同備課呀搞活動呀..咁樣.有中文科及數學科,為期一年囉~

因為中文科比較搶手,想8下姐.^^

laulong 說...

Mona:

你教中文的嗎(睇落唔係好似)?那裏畢業?會不會又是我的師妹?

(哈,網絡上我從沒緣份遇上我的師兄師姐,我想我永遠是最老大的那個。)

對這類計劃,我一半認同,一半存疑。觀課絕對贊成;共同備課我最反對,門面野,徒然浪費時間而已。

放假啦,你一定好開心啦!

mona 說...

唔係中文啦~睇我打D野就知我沒那種素質,哈哈~

是會計啦~肯定不是你的師妹吧,大學學位在遙遠的他方取得的.

哎..至弊觀課個個禮拜都有..人都癲~間唔中一兩次就話ok姐~不過共同備課其實對我們新人是有好處的,可以吸收前輩的經驗~

放假要補課啊,又要預備新一年的課程,將會非常忙碌~不過至少可以睡至日上三竿才起床..hehe

laulong 說...

吸收經驗其實都係睇佢點教好啲!

為甚麼共同備課無乜用,因為班班學生程度唔同,每課節反應各異,共同備課所定策略便未能因事制宜。