2011年5月25日星期三

高官議員,誰不垃圾?

「我。我。我。我。我。我。我。我。我。我。我。我。我。我。我。我。我。我。我。我。我。我。我。我。我。我。我。我 …… 」

呵呵,一眾人等搶著回答,話音此起彼落,好熱鬧呀,好踴躍呀!但冇貪污、冇收水、冇吞 pop、冇打壟通、冇冒認專業資格、冇利用職權溝女下屬、冇公費旅遊攞著數、冇瞞報資產、冇高於市值把物業租俾黨友漁利、冇因為乜公投物公投侵吞黨產,冇偷步買車、冇僭建、冇享受延後報酬、冇喺議事堂打機、冇講粗話、冇掟蕉......

都唔代表你地唔係垃圾!

冇做以上衰嘢,就夠了嗎?你們雀躍地、自豪地說自己不是垃圾,就滿心歡喜了嗎?可見你們早就已忘記了自己該有的角色!

唉,群醜亂舞,我只是看到了群醜亂舞!
.
.
.
去年今日:哈哈,哩張掂
.

10 則留言:

新鮮人 說...

都成十年啦,
仲睇唔透咩?
一早無眼睇啦!

laulong 說...

唉,咁嘅情勢仲會繼續落去,港人治港原來真係個笑話!

largeheadboy 說...

最慘嘅係,之後都唔見得可以有乜野改善~

匿名 說...

政治嘅野,已經無跟好耐,免得越跟越傷心。

昨天面試完灰死,今天竟有得簽約,好多謝校長願意取錄,我一定會教好d學生,唔叫佢跌眼鏡。(band3,其實個心好驚)

要教中三通識,未教過,點教好?

劉高人,能指點迷津嗎?

茶少

laulong 說...

大頭哥:

正如成語所講:每下愈況。就黎係另一個成語:朱八戒照鏡,裏裏外外不是人。




茶少:

恭喜你!

我唔高呀,但Band 3 都唔駛驚,我教 Band 3 都好多年。你最緊要開始時嚴肅,唔好同班細路笑,事事跟原則做,但又不要挑剔,不要刻意找學生錯處。建立了一個不能踰越底線的形象,卻又願意包容,就事事容易了!

不知道貴校中三通識的課程內容,但萬事不離常識與推理,你緊貼時事,話題不絕,就甚麼也易了。

hollycowplanet 說...

哈哈哈哈哈哈哈哈哈哈!

朗朗:笑看風雲,最自豪係。。。我地冇做官!!!!

好似我同CM 噤,咪开心囉!

匿名 說...

賜教的迷津,已一一寫下,
定會反覆應用。
在網上偶然遇見閣下,有種出路遇貴人的感覺。
你唔做劉高人,咁,封你做劉貴人啦。:>

茶少

laulong 說...

牛牛:

你同 CM 才高八斗,要做官話咁易,只係龍鳳不走瓦路 (呵呵,哩句我作架),他人視為富貴,你視之為糞土而已!




茶少:

不要客氣。教書好在永無話同行如敵國,交流心得,於人於己於學生都好!

祝一切順利。還有這是你入職前的暑假,可要好好利用,去吓旅行都好 :)

Ebenezer 說...

一團糟,冇眼睇好耐!

laulong 說...

係呀,睇見佢地蕪穢處一單又一單,真係又失望又憤怒。