2012年11月13日星期二

那一次對望

.
很用力,以前未試過的,像要穿透你目光後的靈魂。然後,在瞬秒之間,我生起了人生的一絲憾意。



文章轉錄:   Virgo Boy 網誌 


網上圖片
「爱情如果说最伤人之处,不是她不爱你,或者,你不爱他。是明明相爱了,她却爱不了你,或者,你却爱不了他。望着,却不可以拥抱;想着,却不可以拥有;走着,却不可以同步;说着,却不可以对望。哪怕用尽了一生的力气,透支了一辈子的幸运,一直都无法靠近。还要面对一天一天的淡忘。。。 


当你真的非常非常喜欢一个女孩,当她有人疼有人爱,你会真心真意的祝福她,永远幸福快乐。」
.
.
.





.
今晚夜機去韓國玩幾天,若能上網那邊見。
.
.
.

去年今日:11.11.11 婚禮進行曲
.
.
.

57 則留言:

佛爺 說...

校長:

首爾機場有免費上網,酒店要付費上網。

巴黎旅客 Voyageuse de Paris 說...

愛情有時候便是這麽吊詭。。。

匿名 說...

當我在山頂遇到那個男人的時候, 真的有點傷感, 原來想淡忘, 卻原來還是那麼強烈, 那聲音那輪廓, 一切依然.

匿名 說...

校長:

咁疏乾去韓國,唔通校長去整容同跳騎馬舞?
玩得開心d!

自由

laulong 說...

佛爺:

最好免費喇,乜嘢都計錢,好傷感情 XDDD




巴黎:

所以你和老爺的神仙眷屬,如何令人欣羡!




匿名:

有感人生,總還是好過心如死灰啊!

laulong 說...

小行:

師傅真係有諗過整容架,哈哈,整吓個鼻,最好拉長隻腳!

謝謝!師傅好out 呀,未睇過騎馬舞><

Coffee 說...

以前未興WIFI無線上網時,韓國有酒店係大堂設置電腦,免費任用。

SKII 說...

Enjoy your trip, 返來分享艷遇 ... ^_^

laulong 說...

Coffee:

呵呵,知道!





S:

Thanks!

哈哈,那有艶遇?或者去老人院才有!

laulong 說...

要起飛喇,韓國聯絡 :-)

新鮮人 說...

一路順風呀!

佛爺 說...

校長:

A380空中巴士,降落好穩定,好過波音777添。

南大門D野好抵買,東大門太雜。百貨公司,唔洗入,好鬼貴。

說...

>未睇過騎馬舞><

我好耐之前睇過一次,都喺咁無咩特別。後來出咗炫雅版之後就中咗招。其實啲鬼佬喺網上面話都喺睇條女啫,鬼喺睇麻甩佬咩。至於原本首歌講嘅貧福問題,離開咗韓國就冇人知佢噏乜春喇。

BTW一路順風呀,艷遇呢啲嘢通常喺你最唔expect佢發生嘅時候出現嘅。你keep住呢個以為冇可能嘅心態就啱架喇。

the inner space 說...

咁好有學校假期可以偷閒幾天去漢城(首爾)風流快活!
謹祝:校長沿途愉快!

Armadillo 說...

「还要面对一天一天的淡忘」,可以淡忘就即係冇事啦,其實最大問題係好多人成日迫自己記住啲唔開心嘅嘢囉!另,祝旅途愉快!

hollycowplanet 說...

一天一天的淡忘。。。

就是這樣!

Jessica Chan 說...

盡情享受你的旅程吧!

laulong 說...

新鮮:

So far 還不錯喇,幫人賣吓廣告,今次跟星晨!




佛爺:

唔係坐 A380 呀,我都唔知乜機仔。

我依家喺雪嶽山,韓國啲嘢真唔平,我今朝喺 food court 食碗面,一隻蛋加幾件泡菜都要廿幾文,仲已經係最平嗰種。




易公子:

謝謝!啱啱喺旅遊巴視頻睇到騎馬舞,啲女粉絲真係好性感啊 ^^

>>艷遇呢啲嘢通常喺你最唔expect佢發生嘅時候出現嘅……反問即係,好多嘢想佢發生卻一直唔發生,人生就係咁!

laulong 說...

inner:

多謝呀,so farso good喇, 那是十幾年前我諗出來的假期,全香港僅有,傳統大假放短的,就可以喺十一月放幾日,同事學生都 buy!




Arma:

多謝!好多人成日迫自己記住啲唔開心嘅嘢,冇你咁好氣,就最叻遺忘,若不是,那有空間容納新的!




牛牛:

都係我回俾 Arma嗰句,遺忘是我的強項。我相信,人人在那個位,該如此!

laulong 說...

J:

謝謝 :)

匿名 說...

我在山頂凝望他的時候, 想着其實他樣貎身材都很普通 (給XSIR比下去了), 然而, 他那種儒雅的氣息和聲音的確是他吸引別人的獨特的地方.

魔術師 說...

祝順風!

laulong 說...

匿名:

儒雅的氣息和聲音才是真正的男人的美!




魔術帥:

謝謝 :)

hollycowplanet 說...

噢! 我天生過目不忘!慘嗎?

匿名 說...

可惜沒樣貎沒身材!

"匿名:

儒雅的氣息和聲音才是真正的男人的美!"

匿名 說...

不過, 我承認聲音很重要.
尤其係女子, 張柏芝係靚但冇氣質, 把又粗又沙既聲線累事.還有張曼玉鍾楚紅周麗琪等, 佢地D嗓音都太鈍了.

佛爺 說...

校長:

韓國的街頭小食和7/11便利店,價錢尚可以接受。食店就要視乎在那裡,便宜的人蔘雞粥也有。但商場的食肆,就貴到飛起。樂天那些大型商場,貨品貴到離譜,主要顧客是內地人,不時聽到講國語。

韓國人飲咖啡好似飲水咁,由五毫美金一杯到六元美金一杯都有,價錢上落很大。那裡生活並不容易,好多男人吸煙。

laulong 說...

牛牛:

唉,你的天賦不要用在這裏嘛,或者像我,要忘記撳一個遺忘的制就可以!




匿名:

內外俱美梗好喇,我也得承認,美麗是通行,但進了大門,能否登堂入室,還要看內在美!




佛爺:

謝謝提供,明晚到首爾了。在韓國東海岸人煙較少,啲韓國人好似匿晒喺屋企唔出街咁,但所見的韓國男人大多吸煙。

飲咖啡好似飲水咁是因為淡罷,導遊都有這樣說!



匿名 說...

心地邪惡就靚極都冇人鍾意!

佛爺 說...

校長:

7/11便利店的紙杯咖啡,相當濃,味道很好,不妨一試。

你從首爾回港,可能會坐A380空中巨無霸。座椅前的電視,可看到飛機的前、後、下方的。在香港泊橋時,選擇前面鏡頭,會見到工作人員雙手舉起,導向機師泊位。

Ebenezer 說...

一個佬去韓國,玩孤身走遠路?

the inner space 說...

佛爺兄劉朗兄:
哈哈哈哈哈!

恕我多口插嘴,不用搭 A380播,
好多航機都有機底的 view cam !!!

佛爺 說...

the inner space:

咁我真係大鄉里出城,因我坐A380才見過,以為係新機種才有。因我在飛機降落前,用下方的鏡頭看住。

有一次在晚上降落,我轉了看機前鏡頭。原來在很遠的距離,已經可以清晰看見機場跑道的導航燈,但也要經歷一段飛行時間,才降落跑道。我以為A380要走很長的路才可慢下。誰料倒噴引擎開啟不久,機體已經慢下來,還要走一小節路才到轉彎的位置。

肥貓 說...

妹妹剛好也是去韓國! 上次去首爾,發覺那裡很多free WIFI, 上網很方便。Enjoy your trip.

laulong 說...

匿名:

咁當然喇,美而邪惡會更邪惡!





佛爺:

去麥記飲都 ok ,1000 win 杯,平過香港咯,呵呵,今日飲咗兩杯!




Eben :

唔係逃情呀,係去睇吓韓楓 ^^




Inner ,佛爺:

唔係搭 A380 呀,哈哈,下次若去星加坡可以試吓!




貓姐:


謝謝!

我依家就喺 kfc 用緊喇,繁華區都易啲!

匿名 說...

朵玫瑰開到荼開到荼蘼喇!

laulong 說...

呀,荼靡都叫做開過吖, ok 喇,花開花落總有時,又有一句叫做化作春泥更護花!

the inner space 說...

佛爺兄太謙了! 小弟還未搭過巨無霸 A380,才是大大大鄉里呢!

不過講開搭機,有個理論是等等才試新嘢,目前大型機種最穩定還是 boeing 747-400!其他的 747型號太殘舊也有風險,其他的如此類推 。。。。。至於 by 穩定按安全指數,較能令人安心。

匿名 說...

唔搭最安全!

laulong 說...

唔搭都唔一定安全,除非唔出街,但唔出街都只係相對安全…… 地球真係好危險呀!

the inner space 說...

對勒! 劉朗兄所言正是大道理 。。。。。所有都是 relatively speaking 相對而論 !!!


hey welcome back 劉朗兄,遊記見聞錄相片幾時有得看???

laulong 說...

要幾天咯,執吓相,化吓妝,唔係真係見唔到人 :)

佛爺 說...

the inner space:

我坐過波音777多次,覺得它也十分穩定。其實季節風與高空氣流,影響著飛機的穩定性。我不知你是否有坐過72人的螺旋槳飛機,它只飛在雲層高少少,但完全沒有噴射機的震動和搖晃。

佛爺 說...

匿名9:58:

飛機意外率,低過汽車交通意外率很多。坐車,危險過坐飛機。

匿名 說...

我贊成校長好整容, 成個人執吓佢, 反正都老咯, 俾人講吓都冇所謂啦, 起碼唔使面對老殘既現實.

匿名 說...

校長:

有無艷遇先?快d講黎聽下

自由

laulong 說...

佛爺:

螺旋槳我都好似從過,1980 由廣州飛桂林,機艙仲滴水,好搞笑!




11:23匿名:

我真係想整呀,但養仔養到窮晒,籌旗咯,你第一個捐? XDDDD




小行:

艷鬼艷馬,第三晚仲換左同 cam cam 哋嘅導遊同房,嚇到我瞓唔著,佢仲要鼻鼾聲超勁,搞到我成晚冇得瞓,好彩第四晚佢要番屋企,唔係我死俾佢睇!

匿名 說...

校長:

我試過一次同舊同事同房,成晚開轟炸機,我直情想兜腳踢醒佢。XDD

自由

laulong 說...

haha, 你起碼喺心裏面已經踢咗佢,我就又瞓唔到又顧忌佢走過來要我搞佢,真大鑊!

匿名 說...

校長:

你大鑊d! 一陣轉身有人飛撲過黎擒住你都唔知點算!XDDD

自由

匿名 說...

校長唔係跟團嘛!/?
其實導遊仲怕啦
我稔佢情願訓大堂都唔同客訓呀.

laulong 說...

直頭喇,佢十二點幾返黎時,我瞓在床上裝睡,大氣都不敢透一下,唉,慘!

laulong 說...

匿名:

一般情況只會安排領隊同單獨去的團友夾房,好少同導遊夾,不過哩個導遊係長期喺韓國生活嘅香港人,可能係咁破例罷!

另外,個導遊係男人黎,怕我乜?哈哈,你唔係當我.... XDDD

the inner space 說...

佛爺兄 劉朗兄:
螺旋槳搭過一次咁大把,至於 777 我倒搭過幾次,CX 和 AC 都有呢! 787 和 A380 就未試過勒!

要和領隊同房? 單身不是給一人房嗎?有沒有和其他單客同房的呢?

匿名 說...

我係導遊我都唔中意同客同一間房, 即使大家都係女. 你估做咗成日真係唔使休息, 對住個客唔通可以換個臉孔以真我視人咩.

佛爺 說...

校長:

哈哈!唔洗驚喎!Cam Cam地,望你搞佢,佢唔會搞你架。最多係挑逗你架咋!嘻嘻!

laulong 說...

inner:

錢作怪咯,要省成本。若有單客,若夾唔到同團嘅另一單客,一般都同領隊夾房。

至於客人若要單人房,則要俾附加費,今次係團費嘅 2/3, 我梗唔制喇。




匿名:

答左你喇,省成本,而且導遊在旅遊公司眼中,牛馬而已,點會被關顧!




佛爺:

挑逗都死喇,我諗起都毛管棟!