2012年11月7日星期三

做人情

.
圖片來自魔術師貼文


最近有個坦白得可以的港女,帶出了個請飲做人情的論題。

其實結婚係兩個人嘅事,為甚麼要請飲呢?係請親友分享你們的喜悅,見證你們的關係。那麼親友做不做人情,做幾多人情都不是你們該諗去諗的。

這中間又涉及一個問題,若擺酒嘅心態係要揀昂貴豪華嘅場面,被請嘅就完全無 say 咁去會鈔,問題係憑甚麼由你地去決定親友今次要做幾多少人情呢?這會不會是一種軟性的人情暴力呢?

老實講,要八百一千去食一餐又貴又咸又高膽固醇的宴席,其實係傷荷包又傷身嘅。如果你介意我做幾多人情,即係我地並非交心友喇,甘拜託喇,咪鬼請我,唔該!
.
.
.
博友精點:魔術師 〈 尋人

           :羽咖啡 〈也說做人情
.
.
.

46 則留言:

卡臣 說...

結婚當生意,要賺防蝕,違反了本意

laulong 說...

對,用錢去衡量交情,以人情多寡去定迎拒,太戇居!

蝸牛 說...

好多人請飲真係冇請嘅意思,計住計住所謂賺蝕,認真難頂。收得多都唔好意思啦,我就係唔想收人人情所以唔擺酒。

做人情本來只係意思意思,好多人興睇人地喺咩野地方擺酒再俾多俾少,又係反智。

Desertfox 說...

香港,变得越来越陌生了。

laulong 說...

牛兄:

近年,婚禮愈來愈講排場,花臣也愈來愈多,我依啲老人家瞠目結舌了!

人情緊過債,對很多人黎講,飲一餐做一千幾百人情其實真不易,所以就住就住咯!

laulong 說...

Desert:

愈來愈病態喇!

naruto 說...

最近嘅領會。。。

我覺得最恐佈係佢地真係覺得自己係啱果下先得人驚

詩白爾 說...

十幾年結婚的禮金收埋係可以俾埋蜜月錢,但而家真係俾錢出黎結婚。

何小姐都係發下「窮惡」o者,大家有心o既咪一人捐一蚊禮金俾佢囉,攝多粒瑞士糖祝佢地甜甜蜜蜜!

the inner space 說...

近年去的婚宴像做一場騷
由暖場開始一項一項去做
司儀一個唔夠搵夠兩個做
一唱一和臨尾仲有安歌添
畀錢睇場無聊混吉騷之外
嗮時間外仲要捱餓捱眼瞓

eric 說...

我從來未試過去港式婚禮,在外國通常都是wedding registry,各種價錢的禮物都有;或者同事朋友間湊數買一個雪櫃焗爐之類。

我完全不知道香港婚禮「公價」如何,被人知道一定會覺得孤寒喇--同事的婚禮,至多都喺二三十鎊....

l.minor 說...

之前聽到親友說,有晚要去某六星級酒店飲宴,問他會封多少人情,他說$500啦~他擺六星是他有錢,不可能因為他擺六星而要我多給人情,哈哈~

佛爺 說...

校長:

其實都無乜唔妥架喎!做生意,唔怕你精,唔怕你呆,最怕你唔來。

那位新娘,把婚宴當成一門生意來看,合情、合理、兼而合乎道德架喎!係咪?嘻嘻!

Armadillo 說...

哈哈,呢位港女真係坦白到冇朋友呀!講真,擺酒冇人會想蝕(勁有米嗰啲除外),但係講到明要做幾多人情就傷感情啦!

說...

以前鄉下地方請飲因為左右都喺熟人,所以會好熱鬧。香港7/80年代起飛時人人生活穩定,啲人唔多轉工,來來去去嗰班親友同事,所以同鄉下地方分別不大。去飲都飲得開開心心。

到今時今日人嘅活動多咗,朋友呢度一堆,嗰度又一群,轉得工多又一班舊同事。去飲經常都喺39唔識7咁坐埋一堆。對新人又要做show咁chit chur咁轉,又難為班兄弟姐妹搞盡腦汁玩埋啲低B無謂嘅遊戲搞氣氛。好多時去飲都真喺好無謂咁食一餐都唔知飲咗乜嘅嘢。所謂"鄧"新人開心,就喺到嗰陣同佢飲吓相,中場飲幾杯,走嗰陣握吓手咁。就算你真喺有心,對新人都忙到甩"look"感受唔到。唯一感受到嘅,就喺份所謂嘅人情。

再加上酒樓/酒店為搵錢,巧立名目咁吊高嚟賣,憑嘅就喺睇死班愛充大頭鬼兼夾貪慕虚榮嘅港人心態。其實真喺有心要同親友分享喜悅嘅,倒不如各班朋友分開約食飯。包一兩圍關埋房門都喺食嗰啲咁嘅嘢,不單止平一半左右,關埋門氣氛仲好好多。一話俾人聽喺擺酒就即刻俾人劏到一頸血㩒住嚟搶,漁人得利有乜為呢?

所以成件事唯一得益嘅就喺靠呢啲搵錢嘅酒樓/店同連帶新興嘅行業。基本上,去飲10單,有一單真喺感受到一絲感動嘅真喺好難能可貴,多數都喺流水作業嘅指定做作。既浪費時間亦唔環保。

如果真喺要咁一班3唔識7嘅人堆埋一堆嚟食飯叫有心嘅,咁不如新年都請晒親友同事一人夾返份人情(其實都喺AA制)聚首一堂擺返幾廿圍,好過去完呢度又去嗰度咁煩喇。嘿嘿,正常啲親戚都一年見一次(當然有例外),請來赴宴都仲講得過去。有啲人請飲叫嘅朋友就真喺可能上次見都喺咸豐年前嘅事,又唔喺好熟無端端咁俾人dum心口,咁嘅請帖收到都當收唔到。

新鮮人 說...

哩d係人黎咩?
遞張帖過黎都叫佢死開,
做普通朋友都費事 ,
垃圾人渣一個,
入堆田區好了。

the inner space 說...

借劉朗兄地盤回應佛爺

佛爺兄:小弟有幸幾次去GTO探親,有三次被邀請婚宴,但香港做騷方式,經已流行楓葉國華人圈子。 我臨急封了100呅利是仔兩次,又其中一次剛巧收帖,但辦婚禮個日,我訂了團旅遊,都照封利是仔,唔知是否合理價格呢?

Jessica Chan 說...

話明係請飲請飲,點解仲要做人情,既然人地做得人情就唔好計較咁多,否則,變相是一種交易,失去了擺酒原來的意義。

Coffee 說...

校長,我原本在此回應,點知越寫越多,停唔到,所以便在我處另貼文了,請校長移步到俺部落,有說得不到的,還請給意見,先行謝過。

laulong 說...

naruto:

我諗起電視劇裏專做壞人嘅温兆倫,佢就係真心認為自己無錯,人地錯晒!




小詩:

哇,一蚊禮金,攝多粒瑞士糖,全香港人人咁做佢就發,但若去飲嘅人係咁,我諗當晚拆禮封就氣死了,跟住做喪禮 XDDD




inner:

哩啲就係新興行業婚禮統籌師嘅作用喇 XDDD




Eric:

香港係乜都用錢去衡量,乜嘢都有個價嘛,kakaka!

laulong 說...

minor:

>>他擺六星是他有錢,不可能因為他擺六星而要我多給人情….

呵呵, 哩個就係真道理!




佛爺:

哈哈,做生意賺蝕就係睇吓邊個揾边個笨,我封一舊,食佢一餐,等佢蝕本,佢冇理由即時拆禮同我反面掛 XDDDD




Arma:

個港女擺明就係重婚輕友喇,以後有老公,冇朋友。遲啲一個不幸離咗婚,就冇老公、冇朋友,哈哈!




易公子:

好到位的分析呀!依家去飲,如果係舊同事請,得嗰兩三個熟人,就真係痴痴呆呆,坐埋一台!

尋日啱啱同朋友講開,佢話試過去Four季飲,啲嘢真係唔好食,但据知成兩皮嘢一圍,佢做一千文人情已經頂晒壠,冇理由做兩千架,你估真係揾錢容易咩?

laulong 說...

新鮮:

所以最終佢真係冇朋友架,不過更弊係佢咁鬼勢利,將來有仔女就教壞細路咯!




inner:

100文加紙?唔少喇 ^^




J:

係呀,我記得以前喺鄉下擺酒,大鑊飯,有興致就來熱鬧一下,人情不人情,毫不在意!




Coffee:

好呀,等陣過去呀 :)

eric 說...

聽講已經被起晒底,原來嗰自助餐喺五百文多啲啲㗎咋!

佛爺 說...

the inner space:

哈哈!100元人情,無去食,新娘子有沒有送你一個香吻呀?

若干年前的公價,冇去食,30元。有去吃,50元。

這裡的無稅日是七月一日。即是說,頭半年的收入,全是用來交稅的。人們不可能好似香港那麼樣大排場的。你見到好似香港如此大規模的婚禮,是男家或女家,有一條「大水喉」從香港供住的。

匿名 說...

啱啱琴日飲結婚喜酒, 喺酒樓擺, 其實賓客真係唔會因為埸地係酒樓抑或5星級酒店而開心D, 都係"鄧"主家高興吓啫.
唔知係咪而家真係地產拖累, 連酒樓擺酒都迫迫喼喼轉身都冇位呀.
香港人真慘呀.

laulong 說...

Eric:

婚宴採自助餐,其實格調不太配合,鬧哄哄的,人人顧住食而更缺交流。

想來那港女係都要酒店,但酒店圍菜冇一萬唔駛諗,就用此死翹,真係羞家。




佛爺:

仲要食剩嘅乜都搦走嘛,合理合情合通德呀!




匿名:

香港人都逼字有緣架,逼車逼住逼食,係全世界最逼嘅族群 XDDD

the inner space 說...

佛爺兄:三次的飲宴分別有去列治文山某著名海鮮酒家,某西式酒店開拓華人市場,將個大ballroom 改做宴會廳,還有就是某著名高爾夫球會的 club house,也開放給華人攪中式宴會。

SKII 說...

我作晚重貼那篇“結婚筆數幾時清?”其實就是聽聞這個港女
的狂言,只是最近非常丶非常的忙,現在才有時間上網看看,哈哈,打開網誌,就看到你這個!

laulong 說...

kekee, 我地都睇得通近咯,那港女,唉,真有點活該!

佛爺 說...

校長:

聖誕聚會就快到,不少公司的派對,人們衣冠楚楚。席散,實會有人去爭奪「剩餘物資」的,這是稅收高國家的特色。不過有一個好處,就是沒有浪費食物這回事。

佛爺 說...

the inner space:

我昨天要完成自己的新帖子,所以無暇跟你講,現在可以噴多一點口水了。

你是香港人的思維方式,人家在高級地方擺酒,當然要做多一點人情了。但若果在這裡工作和賺錢,就不可能用這種思維的方法去做人情。

我認識一位香港富二代,結婚在加國、香港、男家鄉下和女家鄉下擺酒,中、港、加,擺了四次酒。我去他的婚宴,就做50元人情,無可能維持他擺酒的成本。況且,他絕不稀罕人情多少。老實說,我自己出外用膳,從未吃過50元一餐的。

這裡的洋人公司宴會,聖誕聚會,不少也在高爾夫球會,或高級食堂舉行,是平常事。因高爾夫球在地大人稀的地方,不如香港般矜貴。高爾夫球在北美州不是高級玩意,周圍也是高爾夫球會,經營並不容易啊!

你所說的列治文山海鮮酒家,是君悅,或君臨天下吧!上個月有人去過聚會,連送禮給主人家,每人只付了60元而已。

現在已有新的「釣魚台國宴」和「國金軒」等,做了龍頭酒樓了。不過咁,我從來未入過去。

算喇!你從香港來,100元人情,主人家也覺得是應該的。嘻嘻!

不過咁,我都係要口臭講一句,100元人情,無去食,呵!呵!呵!

the inner space 說...

喺囉!佛爺兄:做100呅加紙人情冇去食,收返張餅卡,仲要張羅去攞餅,最後又要加錢換來個蛋糕! 不過,三次都是新娘新郎我都識得嘅!

the inner space 說...


佛爺兄:
過去兩年也有友人在 GTA 擺酒,
雖未能附會電郵加相片地點有:
紫京盛宴,鑽石宴會廳 。。。。。



多謝劉朗兄讓我們繼續吹水!

laulong 說...

haha, 歡迎,歡迎,我只是愧無旨酒宴嘉賓!

佛爺 說...

the inner space:

我估你是講「紫爵金宴」和「名門金宴」,它們連豉油都無,用XO醬代替。一碟只有八片的涼瓜釀豬肉,30元。有人食完出來,罵足一個星期,我才知道咁物無所值。這裡的華人消費市場,跟洋人的脫了節,因有中、港、台的「大水喉」撐住。所以洋人高爾夫球會和酒店等,也瞄準只佔人口3%的華人消費市場。

海外華人,不再是清末,民初,無刻苦耐勞和節儉這回事,而是揮霍到令不少洋人側目。

我去過一個富二代家裡,嚇一跳,以為自己入了六星級酒店。他家族在尖沙咀經營一家著名的高級酒樓,和在內地設有廠房。富二代反而待人十分客氣,但他那位清貧出身的妻子,把口賤到無人有。每次聚會,將所有窮二代的朋友全部踐踏一番。

the inner space 說...

多謝佛爺兄:無去兩年GTA華人社會又增添了幾間超高級食店。我親戚多帶我去,萬錦的君皇茶坊,貪近!

佛爺 說...

the inner space:

「君皇茶坊」從七號公路南邊,搬去了北邊的一個小商場,我不知你是去那一處。它雖然面積不太,卻有不少常客幫襯。我也去過一次。

the inner space 說...

北方果間 woodbine 夾 apple creek,隔離有間“大黑天”和食,有冇試過?

佛爺 說...

the inner space:

「大黑天」是大黑店,當然無入過。因有人入了去,被斬到一頸血出來,所以,我才幸免於難。嘻嘻!

匿名 說...

講開做人情,最近有位n年無見既舊同學whatsapp 我,佢第一句唔係問我做幾多人情/黎唔黎,係一hi完我,下一句就話「想約你出黎敘舊順便派帖」我問「你幾時擺酒?」佢答:「約左時間地 點再通 知你。」
我即時囧左!

自由

laulong 說...

哈哈,哩個就真係人情緊過債咯!

匿名 說...

真係俾佢吹脹!e...分分鍾你都中招!哈哈!

自由

laulong 說...

哈哈,叫佢忘記我:-P

文少 說...

呢鑊野﹐我只會話條女唔識人情世故
講真﹐有邊個擺酒想倒貼呢﹖

掉轉頭﹐如果真係同你熟的話﹐知你酒店擺﹐做得幾十年人﹐又有邊個介意比多些少人情﹖
同樣道理﹐若果你唔算熟但又收到你張帖﹐有邊個唔覺得係紅色炸彈呢﹖
再講﹐我既然唔去﹐照道理點解仲要封三舊人情比你呢﹐但又有邊個以此為由唔比﹖

好多呢類事﹐係唔會人講出來的﹐事關講錢就傷感情啦﹖

laulong 說...

世界好多潛規則,好多人跟,較少人唔跟,唔跟嗰啲最多俾人背後講兩句,但再見仲可以係朋友。條傻妹講出黎,擺明重錢多過重義,哈哈,再見就冇朋友咯!

所以話,好多人好腦殘!

文少 說...

嗯﹐有時候或者會比人覺得虛偽﹐但正所謂多個朋友好過多個敵人﹐好多事唔洗講出面呀嘛﹖
你係得酒店擺﹐普通人都會諗到要比多些少人情gala
調轉來諗﹐如果對方真係比5舊﹐咪仲好﹖幾舊水就睇清一個人係咪度縮囉﹖

laulong 說...

對,廿年後睇番今日嗰幾舊水差異,真係微少到不得了。唉,太多人用錢去衡量價值輕重,是太過不智了!