2013年2月9日星期六

蛇年三戒

.

三樣都曾經是我喜歡的,但利口不利腹,打算都戒了。

午餐肉事實上已冇食半年了,因為實在很咸,塩份同鈉都過高,常食對身體實在有害。

即食麵家裏尚有存貨,但油炸,調味包太咸都是我逐漸抗拒的原因。昨天吃了一個,竟感覺像塞了一些化學物落肚,鼓脹脹的很不舒服。吃完了家中存貨就不買了,餓嗎?弄個蝦子麵,手打麵線就可以了。

 至於 炸魚皮,真是又愛又恨,那滋味,就像個風情萬種的艷女,是叫你心癢難耐的,但你又知沉溺下去,必死無疑。所以還是要戒的,起碼戒買罷!我已沒主動買好幾個月,入了蛇年,想來都不會再買。但要是同事買了,嚐一兩塊還是會的,這叫念念不忘,必有回響罷!

另外還有一樣東西我已經盡量少用的,就是微波爐。我買了一個電蒸爐,盡可能把東西蒸熟,譬如蕃薯。也買了個電爐放學校,吃不完的飯放冰箱,第二天放在不鏽鋼碗內,加點熱水,就放到發熱板上,用低火暖一會,味道和軟淑都重回了。若熱度恰好,還有飯焦香呢!

蛇年咯,祝各位健健康康,如靈蛇舞動,生機勃勃,如意吉祥!
.
.
.
.
.
.

43 則留言:

2chanze 說...

有云 Warren Buffett鐘意食麥記漢堡,我則認為紅色出前一丁是天下美食之一,不能戒!

naruto 說...

出前一丁對我嚟講戒唔到

匿名 說...

年廿九, 吃了一個細漢堡, 一杯朱古力雪糕筒.
今日戒咗薯條.
紅色出前一丁都幾好, 年中都會食一兩個的.

新鮮人 說...

看完這篇後,
原來你的飲食習慣真係好鹹吓喎,
午餐肉,公仔餐我都有食,
一季食一次半次,
應該没有大問題,
不用特登去戒了!

至於炸魚片.....
我完全唔喜歡,
一生人食唔超過五次,
無問題!

不過你的意思我明白,
這三樣都只是例子而已,
人到中年,
要注意飲食健康,
少鹽少油少量.....
唔為自己都要為家人好,
想健康快樂真係要付出一點代價! =)

卡臣 說...

祝身體健康

我也盡量少吃午餐肉,防腐剤太多。

Desertfox 說...

校长,

新一年我也想戒掉即食面,吃完家里的就不买了(刚刚吃了两包,还剩四包)

也祝校长,身体健康,万事如意。

匿名 說...

我屋企好似食粉紅色罐裝果只, 好似係梅林牌喎.

我D親戚今年好似訂咗一條好好的規矩, 就係大家拜年都折現送利是, 不送禮品. (想起那些擺幾個月都消化唔完既曲奇包魚面朱古力都覺浪費.)

世純 說...

校長不如趁過年一次過滿足自己三個願望喇,order番個煎餐肉丁、炸魚皮再加多杯凍檸茶吖 :p

the inner space 說...

餐肉丁麵我的至愛,
寧願少吃但不會戒,
會買Less Sodium
的 SPAM 午餐肉,
microwave 少用,
但暫時不打算棄掉。

蝸牛 說...

不用戒啦,控制次數和食量就好。

佛爺 說...

校長:

出前一丁麵,有雪藏的,全日文,無炸過,貴少少而已!無得頂!

炸魚皮,一個星期食一包,無事架!炸魚皮,緊要過艷女.艷女可暫時不看,炸魚皮,不可不吃.

祝你蛇年艷事滾滾而來!

魔術師 說...

祝 蛇腰獻身, 生機勃勃!

蝸牛 說...

祝有心有力,蛇年進步(更進一步)!,

嘿嘿 說...

与蛇俱进!

the inner space 說...

蛇年
年滿
順利
利是

Jessica Chan 說...

校長:

恭喜發財!祝您蛇年迎新春!

laulong 說...

2chanze:

哈哈,紅一丁真係好多捧場客 ^^




naruto:

有心頭好其實好好,總之唔一日三餐就可以咯




6:27匿名:

頭三位都讚紅一丁,真厲害!

麥記薯條我唔食喇,但豪大薯條,實在好味!

laulong 說...

新鮮:

對!我愈來愈怕吃咸的,吃後超口渴,塩份積聚,眼袋都大啲。

少鹽少油少甜少食,健康王道!




卡卡:

你有天然防腐劑喇,體健不老,風采勝昔,迷死女!




Desert:

也祝你工作如意,家旺興隆 :)

laulong 說...

9:57匿名:

嗯,有道理,惟若知道親人喜歡甚麼,送禮物也好,尤其老人家,氹氹歡喜,無以尚之 :)




世純:

食完唔再食?唔得架,等如啲艷女,一掂就會不能自拔 :)




inner:

微波爐用黎整番熱啲茶最方便,我都仲有用。

也祝你蛇年吉慶,心想事成 ^^

laulong 說...

牛兄:

其實都係自然少食,逐漸歸零 :)

也祝牛兄蛇年大吉,萬事如意!




佛爺:

有唔炸的一丁?愛丁的博友又有新亮點了^^

至於艷事,一件足矣;艷人一位,足矣!




魔術師:

你都係,活如騰蛇,工作投資愛情全高陞 :)

laulong 說...

嘿嘿:

驕健如龍 ^^




J:

迎新春?呵呵,係呀 ^^

也祝你蛇年吉慶,心想事成!

卡臣 說...

多謝校長美言,你也是keep得非常好,仍大有市場。

laulong 說...

卡卡,我的微小市場,只望她垂顧,我就滿足到瀉了:)

匿名 說...

老人家多喜愛煎炸熱毒, 那些蛋卷看得令人心寒. 而且我覺得對抗自由行的最佳方法就是不爭, 免得被商家魚肉.(這裡沒有詆毀自由行的意思.)

匿名 說...

白豬仔、紅麵是至愛
怎辦?

^oo^

匿名 說...

校長:

恭喜發財、身體健康!
戒乜鬼,樣樣食小小,適量就得。
有時太節制,人生無樂趣!

自由

l.minor 說...

祝蛇年快樂,心想事年!

五珍 說...

這三樣食物,真係少食多滋味。
微波爐有問題,好像是傳的,沒有真憑實據,但感覺上叮出來的食物,還是少吃為妙。
蒸的肯定比叮的好。

Hana 說...

㳟喜發財!萬事如意!心想事成!

匿名 說...

之前都毫無跡象, 沒有特別的腫脹, 也沒有發炎, 這麼快, 就爆傷口了, 要等到初五才覆診呢.這個年要過得特別忐忑.

eric 說...

恭喜恭喜,身體健康,心想事成!

largeheadboy 說...

弊!全部都係賣飛佛添。
唔緊要喇,唔成日食應該無乜大礙啩~

順祝校長龍精虎猛,今年更勝舊年!

匿名 說...

啱啱樓下好多消防車同救傷車啊, 咩事呢???

laulong 說...

2:25匿名:

多年來我都係買海味呀,乾貨代替糖果餅乾,老人家都喜歡!




^00^:

我唔食啫,唔代表你要戒,食少啲咯 ^^




小行:

恭喜發財,萬事勝意!

應該係我開始唔鍾意食,都唔係勉強嘅 :)

laulong 說...

minor:

大家咁話 ^^




珍:

係呀,叮啲食物會乾身,蒸就完全冇問題,所以我都係愛蒸!




花花:

恭喜發財,祝你蛇年大賺,萬事勝意 ^^

laulong 說...

9:19匿名:

吓?乜事?




Eric:

你都係,更祝蛇年吉慶,福澤常臨!




大頭:

少食都滋味嘅!

你都係呀,蛇年旺相,去多啲好地方 ^^

laulong 說...

11:18匿名:

?????

hollycowplanet 說...

蛇年咯,祝各位健健康康,如靈蛇舞動,生機勃勃,如意吉祥!

laulong 說...

牛牛:

更祝你蛇年順景,萬事如意!

Zui YanHong 說...

恭喜恭喜,蛇来运转。
午餐肉确实好吃,不过多吃对身体无益。

匿名 說...

新年依始, 萬象更新, 我足足肥了6磅!

laulong 說...

樓主:

午餐肉,我是戒定了^^

祝你蛇年興旺,萬事勝意呀 :)




匿名:

哇,才幾天,6磅好勁喇!

匿名 說...

食埋今天, 可以休矣!