2014年9月27日星期六

從衝擊政總看香港大學排名

.
一個被判終身坐牢的監躉話:做乜個倉啲鐵欄咁硬架,唔公道呀

一個俾敵兵打中,瀕死的士兵說:做乜你粒子彈咁爆架,唔人道呀

一個俾敵對幫派斬到甩皮甩骨的黑社會話:做乜你把西瓜刀咁利架,我要投訴呀
.
.
.
香港的大學生則是這樣的:

我要投訴警察近距離用胡椒噴霧,做乜咁近喎 (狠狠然的說)。

咁即係話噴胡椒噴霧要喺一百米外才公義!
.
.

我要投訴警察用太多胡椒噴霧,駛乜咁多喎 (眼泛淚光的說)。

咁即係話警察用幾多胡椒噴霧,要由示威者決定!
.
.
.
唉,真係讀屎片,點解啲香港大學生智慧低成咁?
.
.
香港嘅大學排名焉能不跌!.
.
.
.

17 則留言:

Quality Alchemist 說...

一句:「又要威又要戴頭盔。」

laulong 說...

香港大學雞,從此出晒名 XDDD

eric 說...

又要唔付出又要有回報,就喺好多學生嘅走精面心態。
最搞笑喺佔中(施施然地)出嚟學生就話騎劫抽水,真醜死怪兼笑死人。難怪「阿爺」當你哋冇到喇。

laulong 說...

香港大學入學率係 18%, 該是全球低水平,啲大學生都低成咁,真難以想象那些入學率六七十% 的。

又或者,嗰兩條大學雞根本就係 18% 排最尾的,仲只係攪學運出風頭,根本冇注重學業。

總之就係雞喇 XDDD

佛爺 說...

校長:

我的英語水平,若果認做尾二,應該無人可以認做包尾。今日見到學聯在推特的一條推文,我的英文水平,應該低處未見低。

「學聯 HKFS @HKFS1958 • 24 小時
Joseph Zen, and Occupy Central initiators Chan Kin-man and Benny Tai has already arrived to support citizens. #hkclassboycott」

Joseph Zen, 「and」Occupy Central initiators Chan Kin-man and Benny Tai 「has」already arrived to support citizens. #hkclassboycott

以我的九流英語水平,我就不明白為何會有個「and」在Joseph Zen, 之後。而且,三位仁兄一起光臨,為何會用「has」呢?我就只想到用「have」字。那麼,They是用has,還是用have呢?

學聯的推文全以英語書寫,英文水平當然天下第一。我無資格質疑。校長,你這裡高人甚多,是否有人可以教一下我英文呢?

世純 說...

仲有呀,佢哋中文嘅水平都下降咗,連「輯拿」、「和平」呢d咁簡單嘅詞語都解錯晒。

嚴嶺鋒 說...

D學生咁有正義,警員一定要完成他們求仁得仁的宏願。

laulong 說...

佛爺:

我冇做大佬.....不,我冇用英文好耐喇 :p




世純:

香港大學生係兩文三語 ..... 俱廢 XDDD




嚴:

扑緊喇,不過仲係就住黎扑!

奕山 說...

根據英國泰晤士報今年全球大學排名,香港大學已經由上年第35位下跌至今年第43位,唔知佢地有乜感覺…… 其實我都唔想長他人志氣,不過新加坡大學就由上年第29位上升至今年第26位,都唔好講韓國、日本,再講都唔知係可憐定可悲。

另一方面關於香港,如果睇埋世銀報告就仲無奈,而家香港經濟年度增長率只得2%左右,而內地一線城市的增長率都有超過7%以上,就算東協各國平均大約都有5.5%...... 按此推算只需大約五年之後,你話香港會係亞太區淪為乜嘢位置?中國沿海地區二線城市都咪話無可能…… 如果你有危機感的話。

今晚睇新聞,金鐘好似暴動咁款,之前佔中啲人又話會和平,又話非暴力,咁唔知點解又搞成咁呢…… 又賴政府?唔好啦掛!而家政府叫呢班人去暴動架?其實佔鐘同佔中加埋有幾多人呢?十萬八萬好唔好?全香港七百萬人的生活,就係比呢班人搞亂,再咁搞落去香港會變成點?唉……真係唔想再講咯。

如果痛苦可以令人成長,香港人應該係時候反省吓成長的意義。劉兄,這留言或者太長篇,請見諒。

不敗的魔術師 說...

我寫左好多篇,講左會有今日架啦。

不過人地有70萬票支持,吹咩?

校長,你地罷唔罷課先?

laulong 說...

奕山:

剛才答咗你,怎麼冇咗?奇怪!

佔中的少數人根本未得到社會大多數人授權,根本是個虛假和錯誤的社會運動。




魔術師:

作為老師我梗唔罷,我啲學生上星期五如常學習,提都冇人提過要罷課。

世純 說...

要答吓口先 :)

學生懂得獨立思考,選擇照常上課,唔做羊群,真係難得,要畀個LIKE呀,香港嘅未來靠晒佢哋喇。

laulong 說...

但願如此,舉世混濁,貪腐的政棍在鏡頭前大義凜然,傳媒上下其手,怕佢地最終被污染!

HoLLyCoW 說...

"香港警察太斯文了,呢班暴徒口口聲聲話要自由民主,香港警察應該向自由民主大國美國警察學習點樣暴力對付示威暴徒."
https://www.youtube.com/watch?v=6AdDLhPwpp4

laulong 說...

我想警察係受命而為,政府處理得太窩囊。

chinesehumanist 說...

最令我失望的其實是教授們(尤其到罷課集會開講的)也說不了甚麼有用的話,都屬冠冕堂皇丶令學生增加認同感的話。到底甚麼是審議式民主, 沒有人講得出, 亦沒有教授分析香港的抗爭運動是怎樣達到目標, 或至少發起討論。現時社會主流只會說「只是學生」「手無寸鐵」「暴力驅散」全部都沒在說對的事。


(陽劍文)

laulong 說...

文兄:

他們的所謂民主只是懸在笨驢前的紅蘿蔔,仲要裏面已經發臭腐爛中。

手無寸鐵?一把雨傘可以殺死人!