2009年3月4日星期三

C+ 要 double

.
[抱三吻四做三] 說要婚姻保鮮,起碼要每天說一次我愛你,擁抱三次,親吻四次,每週做愛三次。



C+同小瓶都嫌少,要 double.



講我愛你、擁抱、親吻 double 都不是問題,手作口作而已,但做愛要 double, 即是每週六次,是不是正常數字呢?



老人家於是去找資料,結果如下:


港人每月做愛三次滿足感低 

一項全球大型的性愛調查發現,港人每月平均做愛 3.55次,遠低於全球人士平均每月做愛 6.5次的水平,較印尼、新加坡、泰國人都要少;而且港人在性愛樂趣中“尾二”,只有27%的香港被訪者表示在性愛中得到滿足感。香港泌尿科專科醫生相信,因為港人生活壓力太大影響性趣。


香港經濟日報報道,該項調查由生產壯陽藥“威而鋼”的輝瑞藥廠進行,訪問了27個國家或地方共1.3萬人,平均每月做愛6.5次,5成被訪者表示享受性愛樂趣。  


調查發現,法國人做愛次數最頻密,每月達7.7次,其次為每月6.45次的德國人和6.4次的英國人。     


相比之下,東南亞地區人士做愛次數遠低於平均水平,其中印尼人每月做愛5.75次,已是最接近“國際水平”,新加坡人則每月做愛4.55次,泰國人只有4.3次,香港人更低至3.55次。      

不過該調查強調,做愛次數和享受得到的性趣並無直接關係,其中馬來西亞人每月只做愛3.5次,卻是東南亞地區中,最能享受性愛樂趣的一族,其中42%的被訪者都表示在性愛中感到滿足。



韓國人則成為性愛中最不快樂的一族,只有8%的被訪者表示在性愛中有滿足感;而香港和印尼亦排在榜尾,兩地人均只有27%表示享受性愛,顯示他們在性愛中大多得不到滿足感。      

新加坡醫院高級泌尿科醫生Peter Lim回應今次調查指出,亞洲人在經濟起飛下生活倍感壓力,不健康的飲食習慣都可令性愛表現較差,其中香港人和新加坡人都面對類似的城市壓力,影響他們在床上的表現。他強調:“那些行政人員壓力爆煲,是他們床上表現差的主要原因。”



至於泰國和亞洲其他生活較悠閒的地方,Peter Lim指當地人性愛樂趣偏低,則主要因為男性不舉的問題。



全球做愛統計


每月做愛次數    法國:7.7次  德國:6.45次  英國:6.4次  印尼:5.75次  新加坡:4.55次  泰國:4.3次  香港:3.55次  馬來西亞:3.5次  

滿足感  墨西哥:74.5%  巴西:64.5%  西班牙:56.6%  馬來西亞:42%  新加坡:38%  泰國:32%  印尼:27%  香港:27%  韓國:8%



[ 資料來自:中國評論新聞網 ]



哈哈,原來 C+要 double 係超合理(超過合理)嘅!
.
.
.
.

31 則留言:

Desertfox 說...

double......
six sex a week.....

that means under the case of no sex during M, people have to do it every day......

amazing

C+ 說...

哈哈哈哈哈哈哈哈哈

我.好.Likely.呢.個.Post!

雖然一星期得七日...但六次好難咩?應該好似食藥咁,需要時服,但有時係一日一次,或者早晚服,八個鐘服...又無人規定每次淨係準食一粒,你有時食Panadol都打孖食啦係咪? =)

篤篤篤撐 說...

six sex a week.....
>>>年青果陣都唔得la

C+ 說...

又又,我份人好易話為,年結拉返個Mean到六得架啦!唔洗個個星期做report架!

市場維京人 說...

香港人本身已經好忙,double 可能真係冇乜時間瞓覺!!

小瓶子 說...

视乎嗰男仔 hold 到几耐啦, 如果只有5分种, 加埋前前十几二十分种, 一日做两次都唔驶一个种.

所以我话行政人员都系拣唔过, 律师/医生/会计师呢D 要避开啦.

Singer/ 歌手 說...

一日做两次都唔驶一个种.
<===嘩, 真係好慳時間咁喎!!

我都好鐘意呢個POST呀!!!!!

Desertfox 說...

校长,
顺便做个调查...做一次要多久, 让我们可以预留时间嘛.

肥貓 說...

只看回應已經覺得好好笑..... he he

逍遙小妹 說...

男仔hold5分鐘似乎短咗D喎,平均都有10-20分鐘掛.....
hold5分鐘似乎早洩呢.....:P

laulong 說...

Desert:

Six sex a week ? 原來最勁嘅法國佬都係 7.7 / month, 睇嚟 3 / week 嘅婚姻保鮮真係有難度。




C+:

你講得啱嘅,赴巫山,朝為行雲暮為行兩,一日都兩次喇起碼!

一個星期六次都得嘅,跟住收工潛水兩星期,keep 番相近嘅 mean 咯,制唔制吖?

吓?仲要年結?老舉埋年(算X 數)我就聽過啫,哇依家連老公都要埋年,慘呀,做男人真係慘!




篤篤:

係咯,我哩個老師兄都好似未試過。

得唔得係一個問題,隔離嗰個 like 唔 like 係另一個問題,

佢會話: Eeeee, 又嚟?唔係嘛?

laulong 說...

維仔:

係咯,所以我一聽到:「嚟個 double 呀 」我即刻腳軟呀!




小瓶:

男仔 hold 幾耐?我又做吓 research 先。

哇,行政人員唔揀,医生律師會計師都唔揀。哩啲係香港女人嘅理想老公職業喎。




歌手:

話唔駛一個鐘啫,事前調吓情,鋪好張床,預備好啲架生。

事後食番支煙,攬住傾吓偈,做番個檢討報告。前前後後一次都粒幾鐘架。兩次就成三個鐘,都咪話唔 time- consuming.

laulong 說...

Desert:

正想做!等我嚟做個問卷調查。拿,被抽中嘅 blog 友冇得支吾以對架!




貓姐:

哈哈,做嘢嘛,唔做边有得食,恆久話題呀。




小妹:

5 分鐘係咪早洩呢等我查吓。甲洩唔好,有時遲洩,甚至洩唔到都好橙架!

C+ 說...

嗯...我終於解開謎底...扯,呢個Research sample population 係結婚人士既...唔作得準囉.

你試下做過包括非固定伴侶Research丫拿,我肯定numbers 即刻Double囉.

搞到我重以為我有病要食藥添呢...

另,老舉埋年,我笑左出聲!我會開始Loop呢個gag 嘩卡卡卡

eric 說...

好老套好老套個句,量喺緊要,質都唔可以少。做咁多,好易變例行公事。

篤篤篤撐 說...

C+
未結婚都唔得la, 要回氣ka...

自由行 說...

>>>預備好啲架生。
下...架生?? 嘩哈哈~~~

>>>事後食番支煙,攬住傾吓偈,做番個檢討報告。
你~都~好~忙~o者~!!!!

小瓶子 說...

校长, 通常你开亲呢D topic, 都会有好踊跃的留言...哈哈哈!!!

laulong 說...

C+:

老舉埋年係一個不知名嘅前前前輩講架,分分鐘有百幾年歷史。

有時又未必結咗婚就次數下降嘅。但未結婚就次數過 six, 又都嚇人架。




Eric:

係呀,質與量俱佳梗 perfect 喇,若兩者不可共得,重質都係啱數!

laulong 說...

篤篤:

講到回氣,後生嗰陣回氣真係快架,依家就要閉目盤腿,運氣行轉十二大小周天至得咯。




小行:

喂,做乜都要架生個噃,攞枝阿仔用完用剩嘅大白雲都係架生呀!

好忙架,係,騎騎,絕不欺場嘛。做得唔好都攞個誠意分!




小瓶:

人生大欲呀,個個都有興趣!

自由行 說...

師傳:

hehe~~ 誠意分??? 咁要問2夢小姐呀!! hehe~~

laulong 說...

小行:

haha, 阿2夢小姐話唔方便答喎!

肥貓 說...

laulong,

張相好 "ya" 呀! 我諗起 "溫拿" 樂隊!

Singer/ 歌手 說...

TO LAULONG

事後食番支煙,攬住傾吓偈,做番個檢討報告。前前後後一次都粒幾鐘架。兩次就成三個鐘,都咪話唔 time- consuming.

<===嘩咁我同我老公咪好耐..
旅行先有MOOD呀依家

laulong 說...

貓姐:

係呀,嗰時溫拿紅到呢,自自然然咁學咗喇!




歌手:

哇,你地真係好 happy 喎!羨慕羨慕!

易風 說...

哈哈~唔係掛!呢d咁既所謂調查邊可以作準呀?

你去調查落club果d夜夜笙歌既專業人士呀中學生呀果d起碼隔日執一劑、一劑幾云喇!

至於能否滿足呢個問題全在於被訪人士既取向同生活環境

1. 膽敢玩自拍呀花式呀果d相信十個著左七八個都唔敢公開(公開左就會落得陳生既下場囉),無他主流香港文化始終未能夠公開接受d咁激烈既玩法(講真人地關埋門中意點玩關其他人鬼事咩?不過佢唔好彩囉)。既然如此大部份人都係傳統模式仲要交功課咁,咁又邊有樂趣可言呢?冇樂趣更遑論滿足喇。尤其結婚多年老夫老妻。

2.再者係香港咁擠逼既環境中,屋企就算唔係上有高堂下面有一兩隻化骨龍,真係想玩都玩唔到咩出樣喇!

3.至於工作壓力呀、力有不逮呢d大家都知道既問題就不必重覆喇。不過呢一般而言,女性比較保守而拒絕男性求歡既比率會比力有不逮呢個數字多d。由此引伸quality 定 quantity既問題,技巧係經驗累積而來,冇quantity又何來quality呢?

我讚成要 double, 即係 6 / week。不過好似小妹咁講「食得多都會滯啦!!!!」所以情趣好緊要。不時轉換新鮮方式環境等係必需。然而一般港人普遍忽略呢方面既需要,更遑論學習技巧。到另一半欲求不滿而不能避免地受到外面身心靈引誘時,一般只會著眼批判男方花心好色或者女方水性楊花而唔會自省自己餓左對方咁耐既責任。

laulong 說...

邪王:

卓見卓見!

不過話時話,我後生時有冇試過 6/week, 都好似有噃!

24小時內執兩劑就梗有,晚一劑早一劑,出街前一劑番屋企一劑又有。

但唔係時時咯!

Desertfox 說...

坦白说, 最过分的时候试过一晚八次. 好像只想挑战最高纪录. 过了二十一之后都不能这样疯了.

信不信由你.

laulong 說...

吓?一晚八次?

犀利呀犀利!你早啲講,等啲 blog 友知道你係性愛超人嘛!

易風 說...

>一晚八次?

對d可以每日至少一次咁熱情既人黎講
一晚八次都唔係好出奇遮

再者撇開信唔信呢d咁冇意義既問題
(一陣d人又要研究時間長短呀、點先算叫做一次呀等等)
呢d野係好互動既

如果咁o岩對手係隻野馬或者野貓
可以引發你潛能熱情完全發揮
有本事化腐杇為神奇
將你渣乾渣淨
你想欲罷都不能
次數多寡完全唔係一個問題

反之如果對手毫無反應
完全不好此道
莫講話梅開二度
就算超過5分鐘佢都唔中意
而你又真係愛錫佢既
一個禮拜你都未必會惦佢一次喇

laulong 說...

>>反之如果對手毫無反應
完全不好此道
莫講話梅開二度
就算超過5分鐘佢都唔中意
而你又真係愛錫佢既
一個禮拜你都未必會惦佢一次喇

咁係慘架,愛與性的落差,難以填補的憾。我也曾有一個愛性的伴,如魚得水,但郤去不到深愛。

一個我曾深愛的人,但卻不太愛性,結果分途。

人生,不是太惆悵嗎!