2009年6月17日星期三

積石

.
倏忽一載,又是謝師時候。

千百個日漸成熟的臉,一批一批的逐漸移上生活的前線;為師的,卻逐漸要退到幕後,然後是眼前,一級級迥旋而下的台階。

人生沒有回歸線,我知道。

看著你們,我便想到少年時的自己。如果日累一石,早已巍然成塔。

那年中六
.
.
.

30 則留言:

雪山飛狐 說...

真的越看我觉得你越像吾尔开希, 你去中国的时候会被盘问吗?

L L 說...

haha, Desert, 冇事呀。

其實有好多人都咁講過,但我六四之後回國無數次,過關時啲友眼尾稍下就放人喇。查我都係懷疑我走私掛!

篤篤篤撐 說...

我反而覺得校長年青時o甘俊俏, 一定溝死唔少女。

校長, 可以分別透露下讀大學時及畢業後10年溝死過幾多女嗎 ?

自由行 說...

你有排都未退呀!!
現在既吾爾開希同你....爭好遠喎...個身型!

自由行 說...

>>校長, 可以分別透露下讀大學時及畢業後10年溝死過幾多女嗎 ?

我只知亞校長溝左2夢小姐, 仲要好鬼似陳慧琳喎!

L L 說...

篤篤,小行:

我嗰家嘢其實好失敗,依家出發喇,一陣喺地鉄靜坐常思己過,諗吓自己少年時的戇居嘢,唉,話唔定會眼濕濕架!

聶秀康 說...

大學的師兄風頭躉應該係的女仔排隊來約校長,校長一出現校園就是一道校園風景...
係呢校長那時參加了那個學社呢?攝影,爬山?

Ebenezer 說...

點解會眼濕濕?

後悔從前做得太少?

the8 說...

唉...型得嚟又 cute ! 點解我身邊無男性朋友係咁既 style 咖?

巴黎旅客 Voyageuse de Paris 說...

年輕歲月
仿如昨日....
好俊朗呀!

火女 說...

讚~!

佚名 說...

爺爺個時好瘦wow
原來個期興緊喇叭褲!

richmapoor ma 說...

我認為中五六的歲月, 其實是難得的純真歲月. 以幻想和無知, 走向一無所知的未來.
令人懷念.

HoLLyCoW 說...

哈哈哈,人到中年喜歡炫耀自己年輕的照片。

阿湯 說...

中六的honeymoon日子,惹人懷念!

肥貓 說...

Laulong,

Long time no see, 你去左邊呀!

作為老師的你, 對於謝師宴一定很感觸, 現在同學仔還流行寫記念冊嗎?

Midnight Singer/ 午夜歌手 說...

謝師宴呀...下年輪不到我了...
反正不讓我教中五

Mag Yip 說...

laulong..

果然係大好年青喎!!!
一睇就知啦!!

L L 說...

篤篤,小行:

其實邊有咁好景呀!讀書時我係怕醜仔,見到女仔會口窒,愈靚就愈口窒,再靚啲我淨係夠膽匿埋裝架咋。結果咪得嗰睇,冇得駛咁滯。所以讀男校真係唔好,太少同女仔交際喇,冇技巧,唔進取,認真输蝕。

話時話,大學都唔係冇。個師妹同我行通宵校園,我都唔夠膽拖佢手,你話我幾失敗吖!




3妹妹:

我大學嘅情史真係接近空白,有喜歡過嘅人,但真係衰細胆。我真係羨慕啲男同學架,鍥而不捨,唔怕瘀,就最終追到手喇!我淨識坐埋一角搓手!唉!

我大學玩遠足囉,香港山都行得七七八八咯,行山唔行人,都遺憾架!




Ebenezer:

講中晒,真係做得太少。最青葱的時候等閒度,依家諗番咪眼濕濕咯!

L L 說...

the8:

俾你講到我鬆毛鬆翼。

嗰的喺接近呂奇年代嘅陳年老物,依家唔興架喇,咪冇哩种 style 咯!依家興飛輪海、棒棒堂嘛!




巴黎:

昨日唔係喇。我依家留意嘅係保健產品,仲要老人家用嗰啲,幾慘幾落寞呀!

俊朗嘅係老爺呢!




女女:

Kekee, 做女兒嘅讚爸爸都應該!




小佚:

我有啲喇叭褲闊到廿幾吋,倒轉穿都得。仲有四吋高嘅鬆糕鞋,可惜冇留低。

L L 說...

Richma:

所以 those were the good old days 咯!

我真係懷念,尤其中六嗰年,基本上是扭轉生命路途的一年。




Holly:

喺你嗰边用 hotmail 留咗言,個真名自然出咗黎,嚇得我吖!

我地老人家,去日苦多,所以咪常想當年咯。你地就來日方長,所以相對少回望。




湯記:

係呀,我仲要由五年和尚寺去番男女校,好鬼 high 呢!

L L 說...

貓姐:

我忙死咯,又壞埋電腦,所以冇上 blog 幾日咯。

依家佢地會印製畢業班刊架,而且水準唔錯!




歌手:

慢慢黎,教到也未必好,因為會考班始終有壓力。相對上我反而喜歡教低班。




Mag:

Kekee, 讚得我呀。我都冇乜好咯,揾錢唔多,又冇乜成就,但幸好心境平靜。其實平靜仲好過激越的快樂。

自由行 說...

校長:

>>個師妹同我行通宵校園,我都唔夠膽拖佢手

唔係亞化, 行成晚都得個桔, 不過唔緊要, 上天而家補償(特)晒俾你呀!!

HoLLyCoW 說...

你真樣都唔怕出街,点会怕真名出街呀?
可以改MySpace/MSN个名做NoName嘛!

HoLLyCoW 說...

仲有,我是千年女妖!

L L 說...

小行:

Kekee, 係嘅,當日唔知今日事。

人生路途,得到了,失去了,面貌又豈得知!

你咁讚新師母,佢實錫到你燶呢!




Holly:

我係 IT 低 B 男,電腦愚公,等我開過另一個 hotmail 咪得咯!

千年女妖?哈哈,我係萬世魔王!我勁啲!

佚名 說...

爺爺:
我有啲喇叭褲闊到廿幾吋,倒轉穿都得。仲有四吋高嘅鬆糕鞋,可惜冇留低。
--->倒轉著但唔可以當褲著wow...
成廿幾吋咪好似條裙咁!
著住四吋鬆糕鞋咪好難行路,我著兩吋高爭鞋就唔識行路啦!

HoLLyCoW 說...

好吧,等萬世魔王來過招。
暫時替你轉載。

L L 說...

小佚:

你爺爺仲可以著住鬆糕鞋黎跑,犀唔犀利?

喇叭褲嘅相仲有留低嘅,有機會貼出黎。




Holly:

kekee, 我哩個萬世魔王仲係摩王,摩陀陀呀!

佚名 說...

爺爺:
你爺爺仲可以著住鬆糕鞋黎跑,犀唔犀利?
-->犀利ar!我企都企唔掂ar >< !

喇叭褲嘅相仲有留低嘅,有機會貼出黎。
-->可能可以好似小鳳姐條裙咁"呢"個人ar!