2009年7月29日星期三

謀人寺

.
芙蓉鎮本叫王村,本是一處不太起眼的小鎮,卻因劉曉慶與姜文的電影而紅熱起來。去訪鳳凰,多會順道兼遊芙蓉。

鎮不大,老街保留了古鎮特色,售賣品與鳳凰古城沒有多大分別,但價格便宜得多。我在鳳凰買的苗族娃娃,在這裏可以便宜一半,由此可知鳳凰那邊如何開天殺價!

我沿老街而下,經過一間觀音寺,門口寫著 [免票參觀] 幾個大字。對佛教一直有好感的我信步而入,便有一個年輕和尚引領參拜。點了線香,拜過後還未插在香爐,和尚已急不及待叫我去偏殿去。原來是供奉財神。

財神?佛教該沒有這神祉罷!裏面的另一位和尚在我参拜後,即叫我把姓名,出生年份,來自何地等資料寫在簿冊上。我以為留個字咋,原來寫了就要奉獻。我想簽香油也應該,他卻開大口要 99 之數。我見前面的老襯有寫 599, 399 的,我這個老襯最窮,結果寫了99 就想走人!

被和尚說得暈頭轉向的,結果從荷包裏誤抽了張一百元港幣放到箱裏,嘿,總算慳了匯水十多元。回香港後,小賭連場皆北,證明給人謀了財,幸好沒害命!

.
.
.

21 則留言:

自由行 說...

校長:

一直覺得你醒, 無諗過俾祈福黨攪掂o左!
老貓燒鬚!!
哈哈~

肥貓 說...

laulong,

去大陸旅行被不同程度的騙錢是很難免, 所以我去大陸會特別機警, 而且會比平日兇惡百倍, 認真唔係講笑架!!

C.M. 說...

嘩,好彩校長你講出黎提醒下,等小弟去旅行都醒定d。

Denzel Leung 說...

嘩!小心,小心... 真係要學肥貓咁...去大陸要比平日兇惡百倍-.-!

佚名 說...

爺爺真係唔小心啦>< 被和尚騙了

上一次我去大陸旅遊團買茶葉,那些人說是幫雲南的兒童,那些茶葉,好像要百五多塊
在香港買才是八十多塊錢
已然她說是幫人,我和姐姐就算啦,就當幫人沒所謂啦
同行的團友也買了很多茶葉

最貴那瓶茶葉要六百元0.0!當然沒有人買

聶秀康 說...

我等小女子在國內都人微言輕都常都被「河蟹」掉 ... 錢!!!拿去吧...所以盡量不到慣常熱鬧景點.

佛爺 說...

施主,財可通神呀!阿彌陀佛!哈哈!

Ingrid 說...

係大陸好容易被人厄錢(好聽啲-搵笨),祈福黨呀、洗頭黨、facial黨,咩都有得厄,我自從中過facial黨之後就好醒水,經驗得知,大陸啲野平係假象,尤其手信~~

laulong 說...

小行:

冇辦法喇,雙拳難敵四手,據我觀察,謀人寺內最少有四個和尚,我落單一人,實唔夠砌。




貓姐:

哇,啲呃錢茅招層出不窮,我廿幾年前所見的質樸都冇セ點淨咯!




CM:

係呀,小心啲好。名寺不妨看看,因為有規管,像我剛領嘢的小寺廟,又冇嘢睇,又藏騙機,不看也罷。




Denzel:

我個樣都算惡架,過入到寺廟,對住菩薩,惡唔起上來,結果被斬。

laulong 說...

小佚:

應該係呃人架喇,唉,天下烏鴉一樣黑,香港,羅馬都喺咁,不過好似日本好啲!




3妹妹:

係咯,依家鳳凰大部分店鋪甚至棟個牌話謝絕講價,ha, 但佢又標個超高價喎!




佛爺:

唔通喇今次,番黎買嗰樣輸嗰樣!




Ingrid:

依家買嘢都謹慎好多喇,最緊要就係忍得手。同時唔怕獅子開大口,一還價就超過五成,還唔啱就走人。

天涯何處無芳草呢!

佚名 說...

爺爺:
算啦,就當真係用來幫人啦
而且d茶真係幾甘甜

richmapoorma 說...

到大陸旅行, 最令人累的就是不住的防人.

laulong 說...

小佚:

真係幫到人幾貴都有價值。助雲南兒童入學最緊要係事實。




Richma:

所以廿多年前我去大陸旅遊,才是黃金時間呀。

只是,都已過了!

佚名 說...

爺爺都係架,大陸真係有好多兒童好需要幫助

laulong 說...

乖孫:

係真嘅就一千個值得!

Singer/ 歌手 說...

果然呃錢喎...
去日本買野放心多了~~~仲買左正野添~

laulong 說...

你去旅行黎?

正喎,買咗乜嘢正嘢?

Singer/ 歌手 說...

我去東京黎呀! 買左樂器, 平香港一大截!!!

laulong 說...

咁正?

外遊買到平靚正嘅嘢,真係好開心架!

Jessica Chan 說...

我看不見這間觀音寺呢

laulong 說...

證明你時運高,好運過我,唔係又破財架喇 ^^