2009年8月15日星期六

小鞋子

.
小兒子喜歡籃球(有些我的影子),常在我面前自吹自擂,說甚麼跟同校的中六同學打也不輸蝕。個多星期前他發功了,旁敲側擊,半請半氹,說要買一對正式的籃球鞋。我慣例總跟他磨蹭一下,弄得他心癢癢的。

前幾天他跟我回校,完成工作後父子兩到太古城閒逛,竟然看到一對款式價錢都很吸引的鞋子。試過了,看他一臉渴望的,便買給他了。

回家後,我拿了相機,習慣為新鞋子留個紀錄。他穿了鞋,滿心歡喜的走了幾個運球步,跟著拿了球在試玩,哈哈,有板有眼,便成一景。

其實這鞋也不小啊,我也合穿。

孩子,投向光輝的目標!
.

21 則留言:

肥貓 說...

laulong,

鞋(孩)子不小啊?!

第二張相看他好像很高, 我天生細粒, 對高人有點敬畏, 嘻嘻!

the8 說...

鎖碎家庭事...但好溫馨!

eric 說...

我老竇都好鍾意打籃球,細個都有一齊打下㗎。而家佢就唔敢囉驚扭親腰骨。

佚名 說...

爺爺既仔仔都幾似爺爺個樣hee
兩父子梗係似啦:P

Betty 說...

哗...我都想买对波鞋打波.

但系唔知点解大部分波鞋都系白色既, 我唔想要白波鞋.

聶秀康 說...

laulong
你倆個仔仔都跟你住嗎?
好高大啊!

篤篤篤撐 說...

對鞋有鬆wor~

L L 說...

貓姐:

佢仲係細,未算好高。鞋倒不小啊,美國碼 10號半。




the8:

就是了,留低紀錄,他日我會讓他看我這個 blog, 重温往事。




Eric:

我依家都冇乜打 lu. 怕那種喘氣的感覺。不過少年時多做運動,老大後身體也容易 keep 得好。世伯當很壯健!




小佚:

kekee, 佢個樣好似樸實(薯? XD )咗啲,冇你爺爺咁飛!

L L 說...

小瓶:

什色籃球鞋,一定有架喎!依家運動鋪都減價,去逛吓吖!




3妹妹:

係呀,跟我住。

麻麻地喇,過兩年可能仲會高啲。




篤篤:

kekee, 我似我阿媽咯,買鞋買衫都買大啲,襟著啲嘛!

巴黎旅客 Voyageuse de Paris 說...

一位父親對兒子的愛,
温馨地表露了....

自由行 說...

同舊年d相相比, 你個仔大個左好多. 側面似你呀!
喂喂..波鞋太大, 打波好易拗柴!

L L 說...

巴黎:

我覺得我愛佢仲欠一啲,也許就是完整的家庭之愛。




小行:

我諗再大啲會更似我多一啲,我頭先同佢玩,近距離望住佢,眉目真係愈來愈似。

其實,佢都係大脚八黎架!

eric 說...

佢身體真喺保持得唔錯。除了遺傳性的高血壓外,只是腰骨有啲痛。

而家佢多數打太極拳/劍。嘩,把劍都幾重下(鐵造㗎),又要舞得慢。我都舞唔郁!

自由行 說...

>>其實,佢都係大脚八黎架!

哈哈!! 我都係!! 著39 or 40號!!

Ebenezer 說...

父子情深,令人羨慕:)

L L 說...

Eric:

重劍而舞得慢,真係好難。

睇你身型,世伯該是高大矍鑠的長者,為世伯喝采呀!




小行:

US10號半等於44號喇,而且佢應該腳仲有得大人仲有得高。

哈哈,都好,我老咗有個高大嘅保標。




Ebenezer:

我覺得我和父親(即他的爺爺)情感深厚得多。可能那時候社會引力沒現在的多,我和父親相依相存,緊密無間!

i.c. 說...

對鞋一啲都唔“小”,應該叫大鞋子,呵~

我雖然唔細粒,但係鞋碼好細,平底鞋我要著34-_-"

L L 說...

係呀,Ingrid, 我都係著43號。

你小碼足踝,買鞋子又多了優勢。

佚名 說...

因為爺爺管教嚴,所以仔仔都好乖

篤篤篤撐 說...

波鞋大, 可以著多對socks

L L 說...

小佚:

佢兩個算純咯,冇你爺爺嘅邪氣,所以做唔到飛哥!




篤篤:

多對襪要洗多對。由佢喇,對鞋暫時有前後房出租,鬆動啲咯。