2011年7月10日星期日

拼咳啖荔

斷斷續續的咳了個多月,喉頭癢癢的,嚴重的時候咳聲學校裏幾層樓可聞。我知道那是我的發炎排毒過程,以前多是牙痛,現在則在喉頭。

我的咳是不帶發燒的,也不覺累,所以我也沒看醫生,更不曾請假,只是吃些成藥、枇杷膏之類。個多星期前基本上已好了,只是又碰上荔枝季節,糯米糍未上市時,我還可以忍,但上週糯米糍當造,又愈賣愈平,還是忍不住了,吃了幾次,咳又來了。

人們拼死食河豚,我則是拼咳啖荔枝,又像雄蜘蛛看見黑寡婦,終究耐不著了,還是一步一步的爬上了她羅織的網和吸引的身體上。

幸好吃荔枝只引來咳嗽,不會被茘枝吃掉。我想要等荔枝過造了,我才能乖乖的戒口(其實是沒得吃),那咳才可以真正好起來罷!


.
.
.

13 則留言:

naruto 說...

呢樣每次只可以食三粒左右,多幾粒條脷即損,會泌血,唔敢食得多

L L 說...

哇,你反應仲勁過我!

我一食就+幾粒架喇,所以咳係抵我嘅!

韻味熊貓 說...

校長:

我諗荔枝的魅力大過黑寡婦,食到腎虧都抵呀!嘻嘻!

Quality Alchemist 說...

我喜歡龍眼多D.

eric 說...

我寒底,所以喺點食都冇所謂嘅!
不過我都有十幾年冇食過糯米糍囉唉。

L L 說...

佛爺:

唔係架,如果揾黑寡婦唔駛死,我就點都樁個頭埋去架 :p




QA:

龍眼正氣啲,但茘枝真係似一個冶艷女郎,甘心,咳也甘心。




Eric:

為甚么糯米糍不在英國賣哩,真是!

若不,你就可以一嘗佳味咯!

l.minor 說...

我都是近年才愛上荔枝的味道

匿名 說...

校長:

我食到生暗瘡,不過食左先算!

自由

L L 說...

minor:

嗯,真係好正,可能係最中國的生果!




小行:

haha, 同師傅一樣,話之佢,見到就流口水嘅食物,冇得忍,唔駛忍!

Armadillo 說...

唔知邊條友話「日啖荔枝三百顆,不辭長作嶺南人」,我最多都係一日食兩磅,如果食成三百粒,睇怕會死人都似!

L L 說...

「日啖荔枝三百顆,不辭長作嶺南人」

係蘇東坡呀,當時佢被貶惠州,食荔枝食得忘晒形!

你一日食兩磅都好多喇,我兩磅分三日食,仲頂得住!

Jessica Chan 說...

咁你今年可以盡情食喇!

L L 說...

今年節制咗,因為荔枝始終濕熱,我嘅自我約制小宇宙又發揮喇 XDD