2012年9月7日星期五

非黑 . 衣白

.

 今天素白衣裝,去哀悼理性死亡。


哩個梗唔係我喇 XDDD
.
.
.
去年今日:他們都是飛來的
.
.
.

21 則留言:

Coffee 說...

我不贊同開多一科,但適當的國民教育怎麼就成了洪水猛獸呢?我咁樣講預咗俾人鬧,但而家在漫延的白色恐怖氣氛,根本是因假設而臆想出來的。

匿名 說...

哈哈哈! 有位女同事穿薄薄的白衣,內配黑 Bra 喎!


sPace

蝸牛 說...

如果在FB,必定Share。

新鮮人 說...

我没有看新聞,
根本唔知發生什麼事,
後來睇吓有人講開,
才大約估到是什麼事!

我没有穿黑衣,
也不會穿白衣打對台,
爭來爭去,
任何一方都無理智,
件事根本唔係去到咁大,
兩邊人何必要搞到咁激動呢?
小事化大,
實在是當初政府錯誤估計民意,
後來才不肯認真坐下來和人家談,
到政府想談時,
市民都個個火遮眼,
鬼再會理政府咩,
哩樣嘢就係政府自以為是所致,
一早廣泛認真收集民意和解釋清楚,
也不應該資助親人仕處理教材,
無自知之明,
才會搞到今日咁樣,
自己攞黎衰,
我都唔知佢點收科!

Armadillo 說...

哈哈,香港嘅理性死咗好耐架喇,而家啲人只有感性(不過係假嘅)同獸性(呢樣就真嘞)囉!話時話,校長你唔會輸俾趙又廷喎!

Quality Alchemist 說...

我今天是白衣黑褲,不是要黑白分明,而是要理性邏輯。

魔術師 說...

年前已經寫過呢篇:


關於社會公義(三)之雞蛋和牆

http://magician__yang.mysinablog.com/index.php?op=ViewArticle&articleId=2221015

匿名 說...

理性死亡是傳媒做成的,但仍有一批人理性沉默低調活著!

匿名 說...

By the way, 好彩果條木嘴唔係你喇,我唔likeee 嗰种小白臉的!:))))))

匿名 說...

蝸牛兄:利用 Google + 就可以 share 出去的!


sPace

L L 說...

Coffee:

不用担心,來我哩道撒嘢,包括插我的朋友是要付出代價的,理性討論,就直說無妨!

看到那些家長惶惶不可終日,只能笑世上怎會有如此無知的人!




inner:

呵呵,我最鍾意咁慷慨嘅女生,介紹我識 ^^




牛兄:

FB 有不少我那些的徒有激情,卻仍生澀的學生仔女,我不想傷害他們的感情。但我會在適當的課堂跟他們理性討論。




新鮮:

我穿白衣無理智?我係話佢地無理性噃!差佬話賊佬犯罪即係差佬都犯埋罪?

但我很同意你講根本係小事,有乜可能咁易洗腦!國內推國民教育多年,批評政府的大有人做,根本班友就係借啲倚搞大龍鳳,想癱瘓特區政府管治!

國教好多年前已提出,連陳淑莊個戲子婆都曾經贊成過,諮詢做晒,依家黎反對,又係今天的我打倒昨天的我!




Arma:

假感性,病激情,就俾啲賣港者利用咯!

至於趙又廷,佢腹上係排朱古力,我就只係一舊馬拉糕!

L L 說...

QA:

對!只恨班友冇邏輯,冇理性,冇血性!




魘術師:

你這篇我有睇過,但村上春樹喎,聽個名就嚇死人,所以我都唔敢留言。

高牆唔會買佢嘅書,雞蛋會,佢梗係撐雞蛋喇!不過今次同高牆一樣睇法的雞蛋都唔少,咁該撐边批雞蛋呢?真係暈!




牛牛:

我理性架,幾大都話自己,我願意同班後生仔老師辯論,但班友好似怕咗我,唉!

趙又廷,都唔算小白臉喇,而我個老人臉已經唔掂喇!

L L 說...

inner:

好呀,去片無妨 :)

蝸牛 說...

sPace:謝謝,不過太遲了!Share其實也無用,只是發洩。

版主:我也一樣,不想在FB傷害親友感情。我只覺得,小小事個個就大義凜然,言行不一,好Q虛偽。

魔術師 說...

村上春樹係小說家唔係哲古華拉,唔係社會運動家,quote村上個大名來支持社運,等於quote愛因斯坦講生物學,呢種謬誤就叫「訴諸權威」.

L L 說...

牛兄:

正義上身,卻誤用激情,班友恐共是完全沒理由的,只能說背後的那幅隱形高牆好厲害,洗腦超成功!




魔術師:

時人對權威,對名人趨之若鶩,好明顯是因為自己內裏真空,要崇拜權威好充實自己。空心、蒼白卻嘗試左右世界,禍患之源!

蝸牛 說...

好多香港人個腦係膠波嚟嘅啫,隨波逐流偏偏主導咗社會。

匿名 說...

港人不抗爭, 在思歪領導下, 惡法陸續來! 謝謝[學民思潮]的效應, 起碼[一簽多行]都暫時擱置; 否則黑工, 水貨, 有害食物, 娼妓, 拐帶,搶劫等等應有盡有! 現住在新界東北區的香港人連飲茶都迫到沒有位, 再有個[新界東北發展區]計劃, 相信將來由大陸來的民工睡滿火車和地鐵站! 不是洗腦不洗腦的問題, 而是現在的政府只是服務中央, 沒有為香港人設想! 明白嗎? Without their voice, Hong Kong is dying! 絕對不是失去理智!

韻味熊貓 說...

校長:

鬼佬有一句諺語,風吹得勁,火雞也會飛。西方不少垃圾政黨上台前,得票率爆燈咁高。咁多人反對國民教育,是否風吹得勁?

1895年,德國人「倫琴」發明X光,教人類醫療科技跨進了一大步。納粹黨上台,「倫琴」等尖端科學家,是重要支持者。一些香港頂尖學者出來撐「反國民教育」,那麼這種行為就是對的嗎?

我見過不少成長在基督教義家庭的鬼仔鬼妹,鬧到教會「眼眉跳」,我也感到好詫異,因基督教義是西方的價值觀。一科國民教育就可洗腦?

Quality Alchemist 說...

如何避免被人洗腦 C觀點 - 施永青 (2012年08月01日)
文中說:...要防止被人洗腦,關鍵是要養成獨立思考的習慣,並有能力對自己的見解進行反思。很明顯,參加群眾集會與示威遊行,對獨立思考與進行自我反思都沒有好處。因為人最容易被群眾的行為所影響,在眾口一詞的口號聲中,人最容易失去獨立思考的能力;並很容易把自己既有的成見變得更鞏固。捷克作家米蘭.昆德拉(《生命中不能承受之輕》的作者),就視此為最媚俗的行為,他對遊行示威最為厭惡。
http://www.am730.com.hk/article.php?article=114905

L L 說...

牛兄:

哩啲香港人,不明事理,對歷史現實茫無所知,卻叻唔切正義上身,結果催害社會。




1:46匿名:

嘿嘿,你講嗰啲全部都係貪曾政府埋下的政治地雷,全部入晒 CY 數,唔公平喎!




佛爺:

你的引例實在令人茅塞頓開,可恨那些目光如豆的港人,實在太不明事理。很多香港人底子都是很自悲的,一聽到律師喎,就以為好嘢勁嘢,實際上裏面豺狼又有,爛鬼又有,攪屎棍一大批!




QA:

遊行,同羊群去放草冇乜分別,所以就有所謂羊群效應!那些甚麼都反的香港人混身羊群裏,既安全(因為香港警察係全世界最斯文嘅)又過癮又自我肯定,真係好過揼錢去旅行!