2012年11月1日星期四

贏咗等如輸咗

.
網上圖片
燒鵝世家的股權官司告一段落,誰勝誰負,誰理直誰氣屈,外人也沒有甚麼好說。只慨歎在利益面前,親情是何其脆弱!

兄弟鬩牆,大哥官司未了就撒手人寰,真有出師未捷身先死的慨歎。看見今日報章上得勝者喜氣洋洋的樣子,手足去世,分分鐘就是喜樂之源!

報章說第一代掌舵人把秘製腐乳免費贈予食客享用,到大哥接手,傳統依舊,最近管理權變化,連腐乳都要收三十文了!

又聽說這店的燒鵝質素已走下坡,大哥後人又說要另起爐灶,想來挖去店中能手是正常的了。沒了食物質素,沒了體己服務,沒了大哥廣結的客源人脈,官司勝利者憑甚麼去保住金漆招牌呢?

所以你可以預見,老店將會沒落,新 記將會取而代之。最終,贏了官司的輸了,輸了官司的倒贏了,世情何其吊詭!

簡單的理解輸與贏,勝利者的笑,從來只是緣於無知而已!
.
.
.
去年今日:花暈
.
.
.

27 則留言:

新鮮人 說...

好仔不要爺田地,
只有無能者才會死爭爛爭,
爭到又如何,
守得住嗎?
守得到又如何?
咪又係下代爭產嘅開始,
可笑!

the inner space 說...

唔記得有曰:XXX不過三代嘛!

一代創業,二代守業,第三代一出就散業!

Quality Alchemist 說...

親情不及金錢,又一例子。可悲!

Jessica Chan 說...

常見的家族爭產風波,可見錢的威力無比!

阿湯 說...

樹倒猢猻散,咁搞法鏞記個招牌唔知撐得幾耐……

匿名 說...

我估二房會引入資金, 或甚至賣盤俾財雄勢大的集團, 純粹用鏞記品牌賺錢, 譬如開連鎖店或出售特許經營權. 佢地既理念同而家既股份制市場好似相近D. 你睇周大福, 點會有錢唔賺咗先呀.

肥貓 說...

有錢又煩, 無錢又煩, 唉!!

卡臣 說...

邊個話我傻~傻~傻~

韻味熊貓 說...

校長:

一條船有兩名船長,就算隻船無觸礁,也會自動斷開兩截。嘻嘻!

匿名 說...

係咪觀點與角度的問題呢? 你睇刑李源都賣咗自己開創既思捷啦? 呢個世代, 個人主義高漲, 人情紙薄, 市場變幻莫測, 個個都追求最大利益和自己的最大享樂, 守業再唔係美德, 企業家亦唔再死抱家傳祖業呢個概念. 試想, 現代人會不會放棄眼前利益以為自己的第四代, 甚至第三代留鋪路? 他們連自己的兒女也信不過, 不如安安穩穩的養他們過世便是了.

L L 說...

新鮮:

一切都係錢作怪,貪之過!




inner:

依家第二代就搞出危機,守業都難!




QA:

要到甚麼時候,爭奪者才知道錢財身外物,不正確看錢用錢,就是萬惡之源!




J:

但破壞力也無比,唉!




阿湯:

要睇新鏞記咯,看來老二咁搞會得失好多老客户及生意夥伴。

L L 說...

11:32 匿名:

將品牌發大都係正常,但坊間有賣燒味的茶餐廳不少,哩條路未必走得容易!




貓姐:

所以錢夠用,可以讓自己自由選擇生活就夠了,太多未必好事,因為只要身邊的人貪,煩惱就來了!




卡卡:

你唔傻呀,你請我食燒鵝 ^^




佛爺:

啱呀,愛黎形容婚姻仲啱!




11:32 匿名:

所以好鬼可悲!不過算喇,1221 世界末日咯,一切愛惡情仇,金銀錢債,都會灰飛煙滅!

匿名 說...

我反而喜歡推倒重來呢種企業文化, 所有人都可以重新開始, 自己事自己了, 潚潚酒酒走一回. 不要旨望下一代光宗耀祖, 或把自己的心願成為下一代的包袱. 如果我係成功的實業家, 我也希望自己的兒女憑自己的本事開創一番事業. 不過, 鏞記呢單CASE好明顯係錢作怪, 其實, 成咗家的男人就好難有兄弟情講, 就算大哥贏了官司, 都一樣有人為二房不平鳴的. 總之, 老父分家不清留下這種惡果.
我而家都為老豆果塊爛地惆悵啦, 每個人心中都有自己一把秤, 好難取得平衡架.

匿名 說...

"您或許對這些文章有興趣:

有一種愛叫不愛, 情人菊,等待重來,變調情人菊....."

校長, 呢個係你克意編排架嗎? 點樣整架?

L L 說...

1:46匿名:

幾廿年前我老豆留低幾塊瘦田,但因為寫咗我大媽名,結果那邊大佬佔十分九,我地哩边五兄妹佔十分一,哈哈,仲唔睇化咩,嘿,人性!




4:27匿名:

唔係我整架,你 click 入去嗰四張圖右下邊 LinkWithin, 就會去到個網站,跟住做就可以架喇!

匿名 說...

呢d事情,日日都不停發生,都係錢作怪!

自由

eric 說...

所謂贏粒糖輸間廠是也。

the inner space 說...

依我見就是第三代的新思維和第二代的守思維衝突終於弄到如斯田地!

L L 說...

小行:

人類製造出財富,財富卻成了人類的累,諷刺!




Eric:

簡單地理解輸贏,睇見贏嗰一家人就覺得好可笑!




inner:

三代的新思維未必掂,怕賺不到大錢就把家族事業的聲譽敗了!

the inner space 說...

the inner space 提到... 一代創業,二代守業,第三代一出就散業!

laulong 提到... 依家第二代就搞出危機,守業都難!


the inner space 提到... 依我見就是第三代的新思維和第二代的守思維衝突終於弄到如斯田地!


laulong 提到... 三代的新思維未必掂,怕賺不到大錢就把家族事業的聲譽敗了!


the inner space 提到... 「そうですね・・・!」

L L 說...

そうですね!

呵呵,我去 igoogle 才查到 :)

Armadillo 說...

哈哈,少擔心喎,相信仍然會有好多食客慕名而來嘅!跑馬地街市嗰檔嘢夠難食啦,咪一樣鬼死咁旺,因為出名囉!

L L 說...

有了新Y記打對台可能就唔同喇,事實上Y記大哥人緣幾好,而且會人性化管理,相反老二嗰边冷酷無情咯!

the inner space 說...

そうですね 可以在不同情況作解!

麻煩了大哥,依今次 scenario そうですね 大致可解曰:that's right

L L 說...

嗯嗯,that's right :)

嘿嘿 說...

这一趟我倒没上“镛记”吃烧鹅烧鸭!不过,还是吃了乳鸽。正!!!

L L 說...

乳鴿都正,若有機會,去中山石歧吃,好鬼正架 ^^