2013年10月26日星期六

消化風景線之百鳥歸巢

.
               博友 naruto 之照
在博友 naruto 處看了一篇貼文,說有個阿伯在垃圾筒執煙頭,就勾起了我的一些回憶。

在我十歲八歲時,有好多人買唔起煙就隨街執人丟下的煙頭,佢地唔會就咁啜,而係番去拆開,把剩餘的煙絲收集,放在一張小白紙上,再捲成一支香煙,當時我們叫這做「百鳥歸巢」。隨著經濟發達,執煙屁股這現像逐漸消失了,想不到今日又再重現。

阿伯將煙頭收集缸的水倒去,是不想煙頭弄濕了,執番去又要做弄乾煙絲的功夫。

香港真的在倒退了!


.
.
.

18 則留言:

Ebenezer 說...

所以,香港已變得很悲哀。

laulong 說...

那是條逐漸走向黯淡之路!

卡臣 說...

快餐店吃人留下的「二手飯」

匿名 說...

呢D老香港故事我都未過既???

新鮮人 說...

其實在舊區如觀塘,深水 埗等,
一路都有人拾煙屁股和造百鳥歸巢,
只是人們沒留意和關心而已,
貧窮從來都存在在我們社會中,
根本沒有消失過。

匿名 說...

如果過50以上都話未見過呢d香港老故事,睇黎你應該住係半山區的高級華人了!還有,不是香港變得如何差,係煙稅加得如何狠,狠到連我呢個幾十年煙鏟,都唔捨得比咁貴,戒左兩年肥左40磅,宜家日日做sit up,死得!

laulong 說...

卡卡:

有天我在深圳清真麵館食完麵,竟然有個男人入黎攞我吃剩啲湯水,很俐落地倒在自己帶來的碗上,唉!




10:01

你一定好後生喇,聽我哩個老嘢講多啲舊事 :p





新鮮:

貧窮當然不缺,但相對於六十年代路旁仲有餓餒而死之人,現在叫做好啲喇!




11:21

煙稅係咁加,煙仔就係咁貴喇,你戒煙梗係好喇,慳錢又健康,仲做埋運動!

the inner space 說...

2003期間咪傳過有人專在女生們吃飯的地點等一些細食的OL把三分二的碟頭飯放棄當廚餘前趕快搶走!

匿名 說...

說起吃二手飯,我真的在大家樂見過。那天午飯,有個男人走進來吃一個剩飯,之後又去第二張抬吃,連續吃完幾個飯後,便快快的離開快餐店....

當時我被嚇了一跳,之後在想,有頭髮,誰想做禿子呢?!


可可

laulong 說...

inner:

2003, 香港的低谷,很多人的噩夢!

laulong 說...

可可:

對,那人也可以說是充分利用了廚餘剩食。大抵人生有起伏,只望那些人都能脫離困境!

naruto 說...

二手飯唔同呀,飯唔食會餓死,煙唔食只會癮起

佛爺 說...

校長:

我雖然成長在香港的舊區,但就從無留意有人執煙頭,可能是我從不抽煙之故。但我初到加拿大讀英語時,那個男教師在課餘時,取出一些煙絲和一張細少的白紙捲起,然後點火抽煙。他跟著和我閒聊,我簡直覺得奇怪。

加拿大的快餐店不會有廚餘的,因稅收高,啲人食唔哂都會攞走㗎!

巴黎旅客 Voyageuse de Paris 說...

原來我們都幸福。。。

laulong 說...

naruto:

對煙民黎講,吊煙龜慘過油刑!




佛爺:

香港都係,六七十年代係有人自己捲煙架,同你老師一樣。




巴黎:

七十後開始都可以喇,他們的成長過程中,香港已算富。

匿名 說...

你講得啱, 我仲未到50喎. 點鬼知道.

匿名 說...

幾年前我親眼見過人食2手飯,嗰刻真係o咀

自由

laulong 說...

858:

咁大把青春咯!




小行:

唉,馬死落地行,但有二手飯的社會已好過冇二手飯嘅!