2014年5月26日星期一

地鐵剪指甲

.
有人話地鐵冇寫明唔俾人剪指甲,所以飲水唔得剪指甲得。咁地鐵都冇寫明唔俾人瞓吊床,所以瞓吊床又得;冇寫明唔俾人包雲吞 (真的包),所以包雲吞又得,洗豬肺都得!

(唉,我係諷剌班唔明事理嘅低 B 仔呀,即係班販民政棍法盲講基本法冇話公民提名唔得,所以公民提名就得一樣咁白癡!!!)

但剪指甲真係頂唔順,你話咁啱擘大口打呵欠俾佢彈咗一塊入黎點算???

咦?冇人話片段裏面嘅飲食小姐同剪甲阿毛係大陸人掛!




.
仲有哩位阿姐,已經俾人起底係一位學校嘅 Miss, 都夠激喇,榴槤陣貓屎除唔係個個頂得順,佢真係要為吓人著想。若果成個動作只三秒唔影響人嘅飲啖水都要罰 2000,咁佢要點罰呢




















.
仲有哩幾個熱褲洋妞,假如係陸客,已經俾人剷到上車頂喇!可見香港人係好護己愛西的,獨係惡中!

咦,可能係冇人夠胆講罌文喎,條脷打結分分鐘弱雞過 Tree Gun !!!





















.
仲有古墓派傳人就唔駛講喇,俾人捉就話係行為藝術,罰佢就話打壓藝術自由,咁飲啖水我都話行為藝術得唔得先!


















.
整多張今日 (27.5.2014) 晴報嘅,嗰班話港人就勝在厚多士 (好多事) 的反陸客正義之士去晒邊?


















.
都係地鐵之文:地鐵異象之這女人真臭

                        :厚多士事件的低智與反智

                        :厚多士姐的控訴
.
.
.

18 則留言:

Ebenezer 說...

在港鐵車箱內,仲有好多嘢見到都會好難頂架,但係唔知點解香港人又會好包容個播,例如:

表演打茄輪;
男女 or 男男 or 女女 攬攬抱抱摷摷;
開 speaker 聽爛果動新聞;
偷睇人家份報紙;
放屁.....

奕山 說...

關於港鐵車箱內缺德行為, 仲有就係啲人企喺隔離好大聲講電話, 其實都好難頂...

新鮮人 說...

地鐵附例雖無可能規限所有行為,
但卻在說明不可做出騷擾別人的行為,
我們是人,
人應有人格,
樣樣都要用規則來控制的話,
就如禽獸了,
如這樣都做不了,
還要在文字上鑽牛角尖,
實在可憐。

根本唔需要分什麼人,
你再糾纏在這一點上,
和那些真正歧視別人的人有何分別。

另外,
有些人"媚外",
不代表提醒內地不要做不妥當的行為的人是歧視,
不應混為一談。
錯左就要認,
不要再為那些明知故犯的人說話了,
請不要讓我失望。

佛爺 說...

校長:

幾個洋妞一邊咁多人,另一邊咁空,仲話佢地冇阻住個地球轉?

一啲香港人,將一啲不文明嘅大陸人嘅行為無限放大,其實喺要鞏固自己嘅「存在價值」。批抨土生港人或洋人的不文化所為,無助他們「增值」,所以就無人出聲囉。

匿名 說...

新鮮人:

你真係以為版主認為在地鐵內洗豬肺都得?他是反話你唔明?

版主又為那些明知故犯的人說話了?剪指甲的人?飲食的人?睡吊床的人?

新鮮人 說...

匿名,
我只是希望劉君不要再糾纏在"人的身份上" 而已,
人無分中外,
只在人格和行為對錯,
若在花時間討論這點,
這不是庸人自擾嗎?

the inner space 說...

最怕是 “電動樓梯” 上一級的長髮女洗完頭未乾趕返工不同用手撥弄頭髮滴滴水珠飛來逼到堪又冇得走 。。。。硬食!!!

嗚嗚嗚 。。。。。!


又有頭皮男在 “電動樓梯” 上一級,攞把梳子出來梳靚個頭髮,攪到頭屑飛揚,企喺下一級的 嗜悲 慘被逼到實冇碇走開 。。。。又要硬啃一劑!!!

嗚嗚嗚嗚嗚 。。。。悲鳴!!!

匿名 說...

我是經常在街上或巴士上用手撥乾頭髮的女人啊, 如果同人保持一定距離, 應該唔太討厭吧.

佛爺 說...

新鮮人:

人的任何行為必有「動機」的,胡亂濫殺的狂徒也有動機.

校長這篇帖子想講什麼呢?地鐵很多人犯小規,為何只針對厚多士姐?

動物保護下一代是天性,否則整個族群會純種.一個沒有文化的女人,她只知道要餵飽子女,這是女人的本能天性.她的行為受到阻止而發惡,是因為她文化水平低落.但不代表可以拿她出來公審,這是不當的所為.

將厚多士姐設計漫畫來諷刺,「動機」是什麼呢?公正?對與錯?

以我所知,香港地鐵是不可以拍攝的.拍攝厚多士姐的人,有沒有犯規呢?他或她,是否也要被拿出來公審?

laulong 說...

bingo!

新鮮人 說...

佛爺,

人和動物的分別是有理性,
可以控制自已守規則,
明白故犯還替她用天性找借口是強詞奪理。

歧視是不對,
你只可以說只針對某類人批評的人不妥,
但不可以話提醒她那女子的行為是不對,
她的確是犯規,
若果人人 當視而不見,
將來車箱會變成點?

至於點解咁多香港人針對內地人,
係咪全因為歧視呢?
係咪只有香港人"歧視"呢?
內地遊客係外國的名聲又如何呢?
大家心照,
我們都相信不會所有內地人都無禮不文明的,
但一粒老鼠屎可以弄糟一煲粥,
何況點只一粒咁少!

如其係度話別人歧視,
不如叫佢地自我反省下啦,
中國遊客個朵仲唔夠臭咩?
人必自侮而人侮之,
雖然含意有別,
但套用落去,
一樣可用。

匿名 說...

想當年改革開放,你估香港人係深圳個朵好好咩?因為當年返上去大都係揸貨櫃車司機,個時佢地有幾樣衰你又知唔知?,個時人地窮就當人地成街全都係雞成街都係賊,但至少人地而家都唔會好似你大條道理咩老鼠屎咩一煲粥,呢度成條村d人都拎d野黎比較咁樣係唔啱,就係得你一個至"醒",我唔係怕你係香港歧視大陸人,我係怕你呢種人係香港多左惹起中港矛盾,個d要返大陸搵食旅行退休就比你d咁既人連累,比人歧視打壓,你唔知有幾香港人要返上去,你就上網查下,唔好話你唔洗就代表哂全香港人呀!靠!!!(本來今日睇完都唔想留言,就係頂你唔順先反留)

新鮮人 說...

驚俾人歧視返轉頭,
所以明知有問題都閉口不言,
這是什麼歪理,
可悲可笑的人。

人多就可以打橫行嗎?
中國點解發展咁耐都唔夠文明,
就係哩種歪理養成,
唔怪得成世俾外人睇小,
隱惡揚善,
惡習難改!!

為免引起爭吵,
不再留言了。
總之,
中外平等,
錯就提醒,
人家硬要扯到歧視去,
我辦法了。

佛爺 說...

新鮮人:

法律假設人是理性,其實人不是理性的,這是社會科學研究的共識.老實說,你、我、他,無一個人可以是理性的.

「明白故犯還替她用天性找借口是強詞奪理。」
我只是以一些基本剖析行為的方法去解釋她的惡言,這並不是強詞奪理.天性是本能,守規則是社會價值觀,中間有自我來平衡.很多女人視生育為人生最大成就,一位文化水平低落的女人,只看到子女是最重要,是不足為奇的.我沒有說她的行為是恰當,但把她變成「標靶」來侮辱,這是「理性」嗎?這是「文明」嗎?這種侮辱無知女人的行為,在世界其他地方也受到表揚嗎?

至於你說大陸遊客如何不是,以我沒有「理性」的思維,我認為與校長這篇帖子扯不上關係.

佛爺 說...

校長:

我在古今中外回覆了你的留言.倘若你有空閒時間,不妨去那裡看一下.

匿名 說...

佛爺,
你那段中""但把她變成「標靶」來侮辱""
真係令我五體投地!一矢中的!
突然想起應該大約在77年係加拿大玩那段時間,
沒記錯應該是一個夏天早晨,
在一間drugstore門口,見到趟著一大班好似死左既印地安人,問當地朋友何解,他說係加政府政策,每月派錢唔洗佢地做都可以生活,令到個班土著"醉生夢死"唔會搞事,班印地安人又係不思進取無救,那刻我慢慢開始懷疑自小睇西部牛仔電視劇係唔係洗腦呢,沒記錯個套劇可能叫"班尼沙",太久遠忘了!明明講好d紅蕃係壞份子黎嘛!d白人點會咁禍害一個族群,靠!!!
沒記錯見到這情況係ALBERTA既EDMONTON.
太長希望你明我意思!(乾脆叫"少留言"吧^^)

匿名 說...

生活在被監視底下是那麼糟糕的!為什麼有人總喜歡監視着別人的生活!

佛爺 說...

少留言:

一個人跟一個群體是一樣的。一個人會精神失常,一個群體也會發神經的。那群人花盡精神和才智去侮辱一個沒有文化的鄉下女人,沾沾自喜之餘,還在互相「發酵」,互相鼓勵,不違餘力去發揚「港式文明」,從而取得自豪感。這是一個「群體」發瘋的好例子。

加拿大每年投放數十億加元到原住民社區,他們還嘈到未停過,動輒就佔據公路或鐵路。無他,有免費午餐食,當然最好還有免費晚餐供應了。問長毛、陳偉業和陳志全,他們就最精通這種心理狀態的。

中部加拿大有較多原住民,所以你在愛民頓的藥房門前會見到他們。原住民是有不同種族的,不是只有印第安人。而且,有二萬多「原住民」,是數百年前法國的皮草商人,跟原住民女人所生的後代,他們其實是混血的。