已整整一週沒寫博，竟有一種虧負了的感覺。
最近很困，已五天沒有上學校圖書館讀報。無休止的會議，永遠有死線的工作，昨天就連開三個會議，由早上八時半直到四時多，過後又要整理文件，思維那容半點空間？
到現在可以喘息一下了，然而接著又是接踵而來的私務。考試後縱然因豬流感停課，但紛至沓來的會議，像平面框框上彈出來的小丑頭，此上彼落，真是不好玩不好笑的奔命，有時覺得恆常性的時間表反而叫人舒服。
最近生活又起了一些變化，需要時間去化解處理。然而月中打後該會北上，去甚麼地方都好，我想只要能看到天空，就該看到日蝕，最重要是那時間不要在車上。
最近一次小小型謝師宴.
.
.
21 則留言:
忙還忙, 記緊要小心身體!
有時工作的確悶人, 只要離開一下, 去邊都好, 心情會舒暢好多.
Laulong,
這個年頭有人連對父母不好都沒有半點感覺, 你的 "虧負" 實在有點言重, 但卻令愛看你blog的人(如我)有點受寵若驚的感覺.
忙困幾乎是每個有能力之人在工作上都會感受過的, 沒有忙困怎知道閒逸的可貴, 當然如果是為一些無聊無謂事而忙就另計.
北上? 是旅遊嗎? 不過國內天氣很熱要小心.
若果將要的北上是為旅遊,那現在雖然忙碌,仍滿有盼望!
虧負...真言重了.
開心的寫隋意的答.
工作巳夠忙的時候就休息...再上路...再工作...非常悶蛋的循環...但這是人生...暑假快到你又可旅行去,想想都開心啊!
同意肥貓所言,現在很多人都覺得父母對自己好是應份,幸福是必然~
朗...北上遠一點看到明亮星空大大草原的話,欣賞之餘請記緊拍下照片分享分享~
relax 在望!
What a nice colourful and beautiful Hong Kong night view.
該休息時就休息!
開會真的很痛苦,
但會議是永無休止的
我呢邊都好多會
仲發生左d奇事
有空致電相告
日全食真的是很奇妙的，我有幸看了兩次，兩次都很震撼。難怪古人將它神化。
小行：
有心喇，師傅命硬，頂得順架！
暑假真係要抖吓氣！
貓姐：
每一個用心寫的博都有獨特的生命，你們的都是。
所以我對自己的博，要負責咯！
Ebenezer：
係玈遊呀，錯過了今次日全蝕，要看將來的中國日全蝕要等到2034年及2035年。
哇，我唔死都老 at at 喇！
3味妹：
除咗公務，私人俗務也多，所以有困的感覺。
暑假來了，可真要休息吓！
the8：
最佳的觀日蝕地點在江南，大漠只能看到偏蝕，可能真會三上黃山，或者三下杭州！
Holly：
你講 [透], 那是在灣仔會展新翼影的，那晚參加一位舊生的婚宴。
女女：
網爸一到學期尾，行政事務多到無倫，另外飯局、酬酢也特別多，肚腩肥咗，眼袋深咗，到七月中打後才可以鬆鬆喇。
歌手：
我生平最憎開會，根本就係做秀，俾時間大家做嘢仲好喇！
Eric：
所以今年不想錯過。
laulong..
咁岩既...我呢排都好忙呢!!
有時忙下都好既時間快過嘛!!
不過就唔係成日都係咁,
真係好辛苦0家!!!
係咪講黎緊本月22號既日偏食呀??
唔知係邊道可以睇到呢!!
>> 三上黃山，或者三下杭州
去杭州是個不錯的選擇, 漫步蘇堤, 泛舟西湖, 嘆龍井, 還有 "樓外樓" 的美食. 如果時間許可可以再去黃山, 讀書時就是先到杭州, 再坐一整天車到黃山山腳的小村莊.
Mag：
係呀，喺香港睇嘅係偏食，如果喺長江流域睇，就係日全食呀！
我試吓喺網上揾多啲資料。
貓姐：
我第一次去杭州應是 83年，再去該是 87, 兩次都是上埋黄山。
其實好想再去張家界，但在那裏該只能看到日偏食，會有點不足。
爺爺親暑假俾自己放下假都好架~
點會虧負呢？^^
小佚：
下星期該會好啲，爺爺最近直頭忙到甩褲。
忘到甩褲0.0！咁爺爺記得攬腰帶啊！
唔係會俾學生睇晒ga！
哈哈，老人家冇人睇架！
laulong兄，原來學校到七月都咁忙架？
至於寫博，我都開始變成每周才update到，但也要求自己不要丟空．
係呀，湯記。
七月中以前搞各級升留班，搞編班，結業禮，大小會議起碼半打。跟住中一收生編班，家長講座。八月上旬就會考放榜，中六收生。八月下旬就開各級會議。做到頭暈，我好橙架！
發佈留言