很激烈的七月。
公私兩忙，繁雜的事情可以把空間擠壓得不留一線。到今天可空閒一點了，但也不代表沒有工作與任務，只是可以把事情推遲一點做。
星期日天還沒亮，就送孩子們到機場，他們跟媽媽到英國探親玩樂去了。這幾天的獨居生活又是另一種體驗，若不看電視，家裏就不聞一點人聲。好靜，沒有詢問，不用回答，心裏可以想很多東西，也可以幹平時不會做的活，譬如孩子不在家了，洗床單被鋪就是最好機會。
過兩天我也北上了，張家界，芙蓉鎮，鳳凰古城，還有日全食。希望都精彩！
很喜歡的照。一位教學助理正要吹蠟燭許願，我卻剛好闖入要交付工作，快門正好拍下這一剎。 .
.
.
25 則留言:
祝旅途愉快！(艷遇？)
我要手信！(幾厚面皮！)
鳳凰古鎮好臭，排水系統做得唔好，總有千奇咪買銀飾，全部係假野。
祝玩得勁開心!
順風
師傳:
>>也可以幹平時不會做的活，譬如孩子不在家了，洗床單被鋪就是最好機會。
唔好話我知...成年無洗過喎???????
好鬼師奶呀你!!
仲有..影多d靚相, 玩得開心d.
我卻剛好闖入要交付工作. 並說:
" 吹吹吹,
吹第二樣又唔見你o甘叻?
快 xD吹完去洗廁所AR!!!!"
KAKAKAKA
wa~爺爺仲有兩日~好快到
快d拾野先得la！
这次无缘相聚, 忘明年再见.
暑期活動展開...國內都幾熱記得帶點平安藥看門口,旅途愉快！
郎兄
難得獨處
自由呀！
旅行的地方
全是歷史名城
好好享受假期！
過幾天
我也再次出發。
祝放假快樂...等你靚相^^!
北上消遣尋樂，確是人生一大快事！
玩時玩，記住帶袋（因為大陸都有膠袋稅）。
爸爸,
都係果句, 玩得開心D, 小心D~!
(唔知手信我有冇呢~~~?)
Hana：
多謝你呀，但幾廿歲人仲有艷遇？冇嘞呱！
有啱嘅手信一定買，只要你嫌棄。
oz：
謝謝！我是舊中國通，但已 out 晒，及你呀、Hana等對中國的認識了。
邪王：
易風、聶風、順風....我地有我地密碼。
聽日又出天下喇，闊別久矣，你該粉墨登場！
小行：
哈哈，梗唔係平時冇洗喇，只過依家洗最方便。
你師傅好 man 嘅嘢又得噃，担抬維修油漆殺虫打交兇人都掂，kekee, 我雌雄同體。
篤篤：
haha, 俾你笑死。我唔會咁講架，為咗食蛋糕，我會話：吹咗先喇，唔緊要架。食完蛋晚糕再 brief 喇。
咁我咪有蛋糕食咯。
小佚：
未執呀。爺爺去慣晒，好快執好架喇！
Desert：
下次再聚，可能在挪威或者重慶呢！
你們吃得開心呀！
3妹妹：
多謝提醒。到處熱辣辣，所以上山都好！
巴黎：
係呀，一個人在家，那感覺也不俗！
你又要出發，今次萍踪那裏？
Denzel：
撞吓手神喇希望。諗起武夷山之旅，咁又一年！
Ebenezer：
啊，差點忘了。我帶埋惠康、百佳上去喇！
女女：
多謝你！網爸會架喇！
有好嘢網爸會買俾乖女呢！
你執行李執到熟晒, 好快手!
我執野就越黎越慢, hea 住執. 亦都好怕執行李.
行姐：
下次叫爺爺幫你執
睇下爺爺可唔可以係9秒.9執好先
laulong,
相片中的你笑得很燦爛!!
我也去過張家界, 山巒美極, 可以坐在茶室慢慢欣賞日落, 記得當日一坐坐了五小時, 一路看天子山山景, 一路黯然落淚, 因為我是因為失戀才去張家界旅行, 那次真是點辜負了眼前美景!
趁暑假玩得開心呀~
小行：
怕還怕，但諗落有得玩噃，心情又唔同！
其實最緊要係可以行開吓，離開工作環境。
小佚：
9.9 秒？咁爺爺又冇咁快！
執嘢要自己黎架，其實都係一種生活訓練！
貓姐：
笑得燦爛可能係因為知道有餅食呢！
貓姐，傷心事過去了，要去想喇。眼前快樂才最真實！
歌手：
你都係呀！
住旅途愉快，影多d靚相!!
typo, 祝*
玩得盡情點!
laulong..
就是無預備之下,
拍的照片是最自然的呢!!
有時一個人在家也是一種享受呢!!
祝你北上玩得開心d啦!!
記得拍多d靚相返黎喎!!
Ingrid：
回來了呀。今次旅行滿意的相不多。不及去年武功山之行的感覺！
Richma：
你出院了，真好！稍後造訪！
Mag：
拍照真的講緣。記得去年武功山之行，能捉摸到的感覺很多，今次卻枯澀。
也許秋天才真是拍照的季節。
發佈留言