早前公務員加人工，我們這些跟標準薪級表發薪的津校教師也跟隨上調了。大兒子只愛上網打機，不食人間煙火，對父親加薪不加薪是置若罔聞了，惟獨小兒子心眼銳利，即刻取計數機把我的月薪乘 7.24%，替我按出了個加薪數。
兩個多月來相安無事，暑假開始小兒子就走來出口術，說自己成績有進步，我就意識到他想甚麼了，果然他說要跟他媽去日本旅行，理由是成績有進，而且我又加人工了，自四月以來的 back pay, 剛好夠他們兩兄弟的使費。
呵呵，這小子果然懂敲足槓啊！我揶揄他進步普通咋，而且要去旅行，跟我上大陸體驗一下好過喇！早被他媽媽洗腦的他自然不就範了，又說日本平呀，又說要去 relax, 對中國沒興趣等等。
唉，一生兒女債我是知道的，但我還是要難他，批評他要去的團不好喇，旅行社謀取暴利喇，結果拖沓了兩日，弄得他七上八落的，最後拿了副紙牌跟他鬥大，勝者如願，我是分明讓他的，結果在吆喝聲、歡笑聲中給他如願了。
就讓他兄弟倆陪他母親罷，我自己走我的獨木橋。人家說嫁出去的女是潑出去的水，想不到還在豆丁的兒子都是。
.
.
.
去年昨日：甚麼都不易，一年最易
.
26 則留言:
仔大仔細世,
依家啲細路好細就有自己想法,
想逼都逼唔黎,
順其自然做個民主老豆,
大勢所趨了。
兒女始終會長大，要放手，讓他們離開自己身邊，我現在已經開始訓練自己的心理！
新鮮：
依家我就好似政治上所講的阿爺，揸住個經濟權，但佢地要陪佢阿媽，我都由佢咯！
S：
嗯，人生必由之路。我倒想佢地快啲長大，咁我就可以隨緣而住，呵呵，為所欲為 :)
「最後拿了副紙牌跟他鬥大，勝者如願 」
校長：
咁都得，簡直笑死我！
陪阿媽啫，唔係潑出去嘅水
萬般帶不走，唯有親情永在！雖然話一生兒女債，不過你絕對會樂意做一個世上最幸福嘅債仔！
佛爺：
有時諗落我同佢地真係唔似父子，玩得太緊要，佢地愈哩愈唔驚我喇 :(
naruto：
唉，佢兩個唔 buy 我喇，俾佢地個逢中必反嘅阿媽影響晒，所以叫潑出去嘅水咯！
Arma：
嗯，咁我又都算錫佢地嘅，但我諗住還債還到佢地讀完書就唔埋喇，執包袱去做個流浪阿伯！
故事有不同版本了？新编的？哈哈哈~
緊係吾buy你，從來勿以罕為貴，日日見住面點都係覺得少見面的呀媽好，而且去日本邊個細路吾buy！就算大人都勁鐘意啦！哈哈，睇開的啦！劉老兄！
布布
嘿嘿：
舊劇本廢置好多年咯，我依家度緊新嘅 ^^
布布：
咁子女錫阿媽都好，我就鍚阿媽錫到不得了，聽講孝順嘅人多數純良，尤其係錫阿媽嗰啲，嗰兩條友 O.K. 架，佢地唔慌會學壞。
可推說日本輻射問題未解決。
安全起見，不如上大陸體驗一下啦！
我就鍾意返大陸旅行喇。每次返香港都會順便去下。
这情况, 在我爸朋友当中看到不少. 其实因意见不合而离异,孩子就要开始接受双方洗脑,变成双方影响力的较量.不知道为什么总是父亲占下风.
其实我看你的孩子应该是被社会洗脑.在挪威我所认识的香港人当中都是情愿去日本旅游都不去神州的.
QA：
我都好失敗，以前冇辦法令佢地阿媽接受中國，依家連兩個仔都影響唔到。不過又可以講我都算俾到佢地思想自由咯！
Eric：
除了山東海南島，基本上每個省份自治區我都去過。但近年新景點不斷湧現，我還有很多地方想去呢！
Desert：
孩子畢竟是戀母情意結多一些，更加上他們媽是個支配性很强的人罷！
香港年青人愛先進、乾淨，再加上中國文學中史科式微，返中國就少了誘因喇！
一係同媽咪去完日本之後你又同佢上大陸喇~
有感於一生兒女債！
大部分孩子與母親的情結都很深，這些孩子的性情亦較好，情商不會低去邊。
最过分的case是一个从小就跟父母从中国移民了去美国的小女孩, 十多年后居然以不干净为由而拒绝回去过暑假!
中国历史悠久,但可以想象绝大部分人都忽略读历史的意义. 因此不受重视.
但漂亮姐姐一句话很对,了解过去,从而了解现在和未来.
哈哈,我張你呢件事與太太分享,佢大讚你呢個老豆非常好呀!
嘩，去過咁多地方，下次返香港真喺要請教一下啦。
日本呢，我淨喺對京都有啲興趣。
校長：
我姪女都敲左我一棍，都係日本呀!
自由
大頭哥：
唔會喇，佢兩隻嘢怕捱苦。奇怪在以前我在大陸捱苦卻自以為樂，哩啲情懷依家好少咯！
Coffee：
同意。能感激母親的其人多忠純，懷抱感恩是很高的情操！
Desert：
不干淨是一種狀態，我在中國見過最不干淨的地方，我的承受能力又上層樓了，正如特種部隊要經歷最艱苦的考驗，只可惜很多人卻視這種歷煉為畏途！
讀歷史真的很有價值，漂亮姐姐也是讀歷史出身的，她是深明箇中道理！
minor：
謝謝，但我對他們還是比不上我父親之對我，我那人生充滿挫敗的父親對我才是最好的。
Eric：
你若九月十月回來，可以考慮去四川稻城，秋色美到不得了！
小行：
是你過去了大哥的女兒？你要給她更多的愛喇！
公務員及像你這些跟標準薪級表發薪的人有福了，因為有個金飯碗。
校長：
係！同母女2人，當散心！散財都散得很開心：（
自由
Eben：
含金量都唔係咁高咋，早幾年都減過薪哩！
小行：
嗯，要咯！要惜弱，小女孩創痛會很深的。
校長：
我銀包創痛都好深！＞＜
自由
haha, 小行，這個師傅是明白的！
發佈留言