2011年7月16日星期六

敲足槓

早前公務員加人工,我們這些跟標準薪級表發薪的津校教師也跟隨上調了。大兒子只愛上網打機,不食人間煙火,對父親加薪不加薪是置若罔聞了,惟獨小兒子心眼銳利,即刻取計數機把我的月薪乘 7.24%,替我按出了個加薪數。

兩個多月來相安無事,暑假開始小兒子就走來出口術,說自己成績有進步,我就意識到他想甚麼了,果然他說要跟他媽去日本旅行,理由是成績有進,而且我又加人工了,自四月以來的 back pay, 剛好夠他們兩兄弟的使費。

呵呵,這小子果然懂敲足槓啊!我揶揄他進步普通咋,而且要去旅行,跟我上大陸體驗一下好過喇!早被他媽媽洗腦的他自然不就範了,又說日本平呀,又說要去 relax, 對中國沒興趣等等。

唉,一生兒女債我是知道的,但我還是要難他,批評他要去的團不好喇,旅行社謀取暴利喇,結果拖沓了兩日,弄得他七上八落的,最後拿了副紙牌跟他鬥大,勝者如願,我是分明讓他的,結果在吆喝聲、歡笑聲中給他如願了。

就讓他兄弟倆陪他母親罷,我自己走我的獨木橋。人家說嫁出去的女是潑出去的水,想不到還在豆丁的兒子都是。
.
.
.
去年昨日:甚麼都不易,一年最易
.

26 則留言:

新鮮人 說...

仔大仔細世,
依家啲細路好細就有自己想法,
想逼都逼唔黎,
順其自然做個民主老豆,
大勢所趨了。

S 說...

兒女始終會長大,要放手,讓他們離開自己身邊,我現在已經開始訓練自己的心理!

L L 說...

新鮮:

依家我就好似政治上所講的阿爺,揸住個經濟權,但佢地要陪佢阿媽,我都由佢咯!




S:

嗯,人生必由之路。我倒想佢地快啲長大,咁我就可以隨緣而住,呵呵,為所欲為 :)

韻味熊貓 說...

最後拿了副紙牌跟他鬥大,勝者如願

校長:

咁都得,簡直笑死我!

naruto 說...

陪阿媽啫,唔係潑出去嘅水

Armadillo 說...

萬般帶不走,唯有親情永在!雖然話一生兒女債,不過你絕對會樂意做一個世上最幸福嘅債仔!

L L 說...

佛爺:

有時諗落我同佢地真係唔似父子,玩得太緊要,佢地愈哩愈唔驚我喇 :(




naruto:

唉,佢兩個唔 buy 我喇,俾佢地個逢中必反嘅阿媽影響晒,所以叫潑出去嘅水咯!




Arma:

嗯,咁我又都算錫佢地嘅,但我諗住還債還到佢地讀完書就唔埋喇,執包袱去做個流浪阿伯!

嘿嘿 說...

故事有不同版本了?新编的?哈哈哈~

匿名 說...

緊係吾buy你,從來勿以罕為貴,日日見住面點都係覺得少見面的呀媽好,而且去日本邊個細路吾buy!就算大人都勁鐘意啦!哈哈,睇開的啦!劉老兄!

布布

L L 說...

嘿嘿:

舊劇本廢置好多年咯,我依家度緊新嘅 ^^




布布:

咁子女錫阿媽都好,我就鍚阿媽錫到不得了,聽講孝順嘅人多數純良,尤其係錫阿媽嗰啲,嗰兩條友 O.K. 架,佢地唔慌會學壞。

Quality Alchemist 說...

可推說日本輻射問題未解決。
安全起見,不如上大陸體驗一下啦!

eric 說...

我就鍾意返大陸旅行喇。每次返香港都會順便去下。

雪山飛狐 說...

这情况, 在我爸朋友当中看到不少. 其实因意见不合而离异,孩子就要开始接受双方洗脑,变成双方影响力的较量.不知道为什么总是父亲占下风.

其实我看你的孩子应该是被社会洗脑.在挪威我所认识的香港人当中都是情愿去日本旅游都不去神州的.

L L 說...

QA:

我都好失敗,以前冇辦法令佢地阿媽接受中國,依家連兩個仔都影響唔到。不過又可以講我都算俾到佢地思想自由咯!




Eric:

除了山東海南島,基本上每個省份自治區我都去過。但近年新景點不斷湧現,我還有很多地方想去呢!




Desert:

孩子畢竟是戀母情意結多一些,更加上他們媽是個支配性很强的人罷!

香港年青人愛先進、乾淨,再加上中國文學中史科式微,返中國就少了誘因喇!

largeheadboy 說...

一係同媽咪去完日本之後你又同佢上大陸喇~

Coffee 說...

有感於一生兒女債!
大部分孩子與母親的情結都很深,這些孩子的性情亦較好,情商不會低去邊。

雪山飛狐 說...

最过分的case是一个从小就跟父母从中国移民了去美国的小女孩, 十多年后居然以不干净为由而拒绝回去过暑假!

中国历史悠久,但可以想象绝大部分人都忽略读历史的意义. 因此不受重视.

但漂亮姐姐一句话很对,了解过去,从而了解现在和未来.

l.minor 說...

哈哈,我張你呢件事與太太分享,佢大讚你呢個老豆非常好呀!

eric 說...

嘩,去過咁多地方,下次返香港真喺要請教一下啦。
日本呢,我淨喺對京都有啲興趣。

匿名 說...

校長:

我姪女都敲左我一棍,都係日本呀!

自由

L L 說...

大頭哥:

唔會喇,佢兩隻嘢怕捱苦。奇怪在以前我在大陸捱苦卻自以為樂,哩啲情懷依家好少咯!




Coffee:

同意。能感激母親的其人多忠純,懷抱感恩是很高的情操!




Desert:

不干淨是一種狀態,我在中國見過最不干淨的地方,我的承受能力又上層樓了,正如特種部隊要經歷最艱苦的考驗,只可惜很多人卻視這種歷煉為畏途!

讀歷史真的很有價值,漂亮姐姐也是讀歷史出身的,她是深明箇中道理!




minor:

謝謝,但我對他們還是比不上我父親之對我,我那人生充滿挫敗的父親對我才是最好的。




Eric:

你若九月十月回來,可以考慮去四川稻城,秋色美到不得了!




小行:

是你過去了大哥的女兒?你要給她更多的愛喇!

Ebenezer 說...

公務員及像你這些跟標準薪級表發薪的人有福了,因為有個金飯碗。

匿名 說...

校長:

係!同母女2人,當散心!散財都散得很開心:(

自由

L L 說...

Eben:

含金量都唔係咁高咋,早幾年都減過薪哩!




小行:

嗯,要咯!要惜弱,小女孩創痛會很深的。

匿名 說...

校長:

我銀包創痛都好深!><

自由

L L 說...

haha, 小行,這個師傅是明白的!