2011年10月14日星期五

擲之以犬矢,回之以狗糞

網上照片

香江議事堂的醜劇鬧劇,真是層出不窮。

癲狗一句政治亂倫,就觸動了特狗的神經了,於是明罵對方粗暴,暗諷對方黑社會。其實癲狗被人指控黑社會,已非首次。賭神議員就曾經被癲狗揶揄監躉後,反罵對方黑社會。上至特狗中至議員,都暗諷明指癲狗為黑社會,那麽衙門反黑組是不是應該對黃議員調查一下呢?

若真的為黑社會而坐議事堂,香港真是無奇不有,又創世界紀錄了!

話說回來,癲狗撒嘢,自然愈撒愈臭,今次在新議事堂射第一泡尿,接著一堆奇臭無比的糞便擲向特狗。一向被人奉承慣的特狗自然按捺不住,鐵青著臉就還擊了,誰知扔回去的只是出自不同腸道的另一堆犬矢而已。

癲狗垃圾,特狗何嘗不垃圾!林閹人千夫所指,特狗卻仍委以香江第一把手,可見這特狗政治家真的另有一套,就是自大兼傲慢,一心跟民意對著幹。林閹人有否如民煮派所指的過犯,我沒有深究,但此人真的是才幹低下兼面目可憎,唯一可取是那條舔得上司舒服的粗長爛舌罷了!

香江政治被這一群紅臉廢人黑臉爛人搞得一團糟,阿爺真係冇眼睇。鄧小平港人治港真係失著,貽笑國際不重要,最要命是香港成為西方政治滲透大陸的橋頭堡,成群漢奸在明在暗不斷顛覆,港人只有失運,國家只有添煩!

癲狗可以上位,特狗可以上位,可見香港的政治官僚體制都有病!矢糞橫飛,醜態畢呈,香港已成為一個國際笑話。原來文明,規則,包容,法治,早已隨回歸日起逐寸消亡!
.
.
.

11 則留言:

新鮮人 說...

唔好成日用什麼"國際笑柄,笑話"啦,
香港豆丁咁細,
有丁屎咁多知名度喳,
鬼得閒理我地籠裏雞亙鬥咩?
不如留意下美國班富貴想通過打擊中國不公平貿的議案啦,
班紅毛鬼又話我地津貼企業,
搞到佢地d野無人買呀,
佢地又唔睇係佢地的國民收入高我地幾多,
仲係咁狂印銀紙當還錢,
搞到全球經濟一鑊粥,
早前仲係咁逼人買美債,
依家仲搞埋我地d人仔,
你話佢地 扑街唔扑街丫?

哩單野仲大鑊仲激氣啦,
但係又唔見有人講,
講那兩隻狗把鬼咩!

laulong 說...

新鮮:

有人睇架,起碼英國美國台灣星加坡都及住香港。英美要用香港做跳板攪亂中國,台灣要香港衰,去證明一國兩制失敗,星加坡樂見香港沉淪好去搶資金。

臨近大選美國佬打貿易戰,打中國牌就必然架喇,鬧美國佬要嘅,但啲家狗都不能放過!

laulong 說...

6:53 幼稚虫匿名:

吹呀吹讓這風吹....XDDD

Coffee 說...

我覺得你呢個版面背景再加上版面上同一幀照,好特別!幾好睇!

laulong 說...

嗯,我就係鍾意試吓哩樣試吓嗰樣 :)

Armadillo 說...

哈哈,本來我都想講呢單嘢,點知俾你飲咗頭啖湯添!其實黑社會之說已經了無新意,壹仔都唔知講過幾多次!不過曾陰權又真係衝動咗啲,唔係話佢唔應該反擊,而係佢一向口齒唔伶俐,講到口窒窒,不如唔講好過啦!

海龜 說...

黃不黑都不會嚇到勞醫生失意立法會時入去佢個黨即入即出
之前西環核心都有人酒後網上破口大罵米國全世界駐最多外交人員喺度
林既是公公,未必升到去特首,都要一嘗萬人之下吧

laulong 說...

Arma:

同黃癲狗一齊喺城寨長大嘅社團阿頭就愛國,哩條癱疸就叛國,真係一樣米出唔到一樣人!

至於特狗,佢俾人刷慣,又係低質素人,自然扔包狗矢出黎咯!




海龜:

差啲唔記得個勞醫生,haha, 書生仔爭啲俾黃癲狗賣咗喇!

至於閹人,我真係好憎见到佢個樣。

Ebenezer 說...

曾特首咁勞氣做乜?

下次學下無間道2啲劇情,每當見隻狗吠嘅時間,就笑笑口俾個電話佢,俾黃生同佢在深圳個仔傾兩句囉。

Ebenezer 說...

始終,狗搞屎都係不雅,都會令人不安作嘔,我建議你俾d警告大家先好

laulong 說...

Eben:

勞氣因為佢 EQ 實在太低!這平庸的小人物能登上高位,實在是政治與人生的大諷剌!

那圖片?呵呵,好的,我也覺得跟上一篇的玫瑰圖落差太遠!