2011年10月23日星期日

奪命金的小疵



銀行職員向投資者翻來覆去講解產品風險,好冗贅,令人納悶,但也不排除是杜琪峯刻意如此,要觀眾產生代入的感覺。

姜皓文被普通話黑鱷用水晶尖刺插中時,很明顯是心臟左下方,後來在車上,尖刺卻插在心臟的右上方。是因為原先位置太低了,坐在車上會看不見,減少了戲劇效果,所以上移了。那很荒謬呀,也就是不認真處。

再者,尖刺透身而過,姜皓文實在不可能再駕駛,到尖刺上移了,位置洞穿肺部,也是會很快死亡的,根本捱不了這麽久。而且姜不趕快把自己送到醫院,而留在車上看恒指升跌等死,實在悖於人情!

是要讓劉青雲可以回來看見姜皓文已死嘛,近千萬可以袋袋平安(怎麼個袋都係咁細?鈔票多了倍幾噃),咪夾硬來咯!

但話得說回來,〈奪命金〉這電影還是好看的,很黑色的幽默,而且拍得很香港。劉青雲,盧海鵬演技入神,欣賞這兩個戲骨已值回票價!
.
.
.
去年昨日:脹爆!.
.

16 則留言:

SKII 說...

銀行職員向投資者翻來覆去講解產品風險,好冗贅,令人納悶-> 我還沒看此電影,但杜其峰應該只是在諷刺自雷曼事件之後,監管機構要求股票行和銀行加入的 sell practice 和條款,真的好悶的呀,我試過買一隻我已經持有咗幾年的基金,要從頭做評估,又要簽多好多野,攪足半個鐘,多鬼餘!

laulong 說...

因為個個都唔想孭鑊,個個都要責任遠離自己,利益就繼續擁有。

就好像新高中通識科嘅 IES (獨立專題探究),教育局怕啲學生買報告,設計咗 N 咁多個關卡同文件,做到啲老師嘔,實際上又冇鬼用,哩啲就係推卸責任嘅腦殘行為!

佛爺 說...

校長:

其實講咁詳盡都無用架!D人蝕佐錢,一樣鬼殺咁嘈!一樣話自己被人呃架!嘻嘻!

l.minor 說...

嘩~講劇情?我當睇唔到先

Ebenezer 說...

似乎個個都讚套戲wor

laulong 說...

佛爺:

電影裏的蘇杏旋就是這樣的人,嫌適合她風險的產品回報低,但銀行為咗業績,員工為咗飯碗,又確實做了違心事。一個要打,一個願捱,好慨歎的。




minor:

噢噢,對不起喔,不過電影都是值得看的。




Eben:

哩齣港產片值得支持!

Armadillo 說...

有才無貌,喺香港根本就冇可能紅得起,劉青雲都算係一個異數喇!

laulong 說...

咁佢都好過張家輝咯,嗰條友無才無貌,但又娶到靚老婆兼做埋影帝,真係服得佢好緊要!

熱血宅男 說...

奪命金及那些年是必看之作

laulong 說...

嗯,那些年這幾天就要去睇了 :)

卡臣 說...

香港導演在國際知名的:一個是王家衛,一個是杜sir

laulong 說...

王家衛太高喇,我下里巴人!杜sir 好嘢呀!

五珍 (Jan Ng) 說...

少看電影的我,就不太懂看出這些破綻。

laulong 說...

這是我的職業病:金精火眼咁 目及 住啲細路,睇佢地有冇犯規,自此就好眼力了 :p

火女 說...

我都覺套戲真係好香港! 其他國家的人可能會較少共鳴呢...

laulong 說...

嗯,也就是香港電影少有能跨國界的原因,你看〈作死不離 3 兄弟〉,裏面的人生價值觀刻劃,是超城市的!