2012年5月17日星期四

眼睛紅利



生平最愛看美的事物,美景、美人、美事。自從幾年前開始乘巴士地鐵上班後,每天都會見到一兩位同車同途的 漂亮女生。但撞鬼,這年多來,這些同途美女一個一個的消失了。現在,早上那四五十分鐘車程,早已是淡泊如水,再無一個可觀的面容!

唉,我想是我的「眼晴紅利」早已消失了。還是命運告訴我,打後眼晴只能專注在不知道那一位女生身上?我人生能欣賞的最後最終極的美!
.
.
.

18 則留言:

the inner space 說...

是兄台的標準提升高了吧!

新鮮人 說...

是你要求愈來愈高嗎?
還是世道有變,
今日的所謂美,
已不入你法眼了?

卡臣 說...

好嘢在前面,唔好灰心

naruto 說...

你都好呀,我係怪師奶磁石

Jessica Chan 說...

你早幾日不是在階梯遇見了嗎?
還不知足.......

laulong 說...

inner:

那有?唉,依家見到嘅,唔係面上爆緊瘡嘅高中妹,就係好鬼趣致嘅小學肥妹仔,冇喇,揾個省鏡少少都無!




新鮮:

我边夠膽眼角高吖,幾廿歲人,賞心悅目嘅標準已經比以前做仔時低了一點咯!




卡卡:

多謝安慰,在你面前就肯定係咯!




naruto:

怪師奶?點怪法架?

點都好,你都係師奶殺手喎,吸咗埋黎至慢慢殺 XDDD




Jessica:

嗰個係晏晝,唔係朝頭早,而且驚鴻一瞥,唔似朝早嗰啲日日見住,見開有感情呀!

hollycowplanet 說...

唉! 完全是我罪過罪過吧! 遇過牛牛如此高人, 还存美人看得上眼咩!!!!!:))))))

laulong 說...

就是!所以牛牛你是多麼叫人的又愛又恨 XDDD

佛爺 說...

校長:

香港好過多倫多很多。多倫多想搵個輕過二百磅的鬼妹睇下都無。下世投胎,我一定學法文,兼而投胎去滿地河,那裡的法國妹,正到漏油呀!穿衣服也穿細一碼,簡直玲瓏剔透。嘻嘻!

不過咁,佢地開車好狼,鬧到我呆了。勝在我唔識聽法文。原來街道指示牌全是不懂的語文時,人的反應也遲鈍了很多。

hollycowplanet 說...

彿彿爺爺,唔叫你彿彿都唔得! 法国妹最冇腦,正到漏油你个頭。

朗朗:唔駛又愛又恨,愛就夠啦 XXXDDDDDD

laulong 說...

佛爺:

衣服细一碼,環保又慳家,值得提倡呀 XDDD




牛牛:

有時女人冇腦,好好架!

都係又愛又恨,係廣東話嘛,恨到不得了啊,呵呵呵~~~

l.minor 說...

眼角高咗呀?

匿名 說...

校長唔好要求咁高,小學肥妹仔都有可愛之處!

自由

laulong 說...

minor:

沒喇,係眼角運冇咗喇 :(




小行:

小學肥妹仔圓碌碌,真的很趣致,係我孫女就好喇 :p

匿名 說...

女MISS呢?
好耐無來過的茶少

laulong 說...

呵呵,茶少好嗎?

靚女 MISS 有架,但喺學校唔方便喺咁望嘛 XDDD

SKII 說...

紅利,也許在你不經意時會回來...這令我想起中七那年一件事,考完 GCE 之後,有一男生來搭訕(這樣的事那年發生了多過一次),但這人告訴我,其實從七年前起的連續五年(即中一到中五),一直看到我,但後來我不見了(因為我轉了校念預科,他當然不知道),這次考試既然遇上,雖然唐突一點也要搭訕!所以...

不要鬆懈耶,也許轉一個彎,隨時再遇上!^_^

laulong 說...

紅利,在不經意時會回來...

最希望咁!不過我還是只站在遠處欣賞,形穢的人怎有膽量去撩繞甚麼?唉,廉頗已老,只悅目,就已賞心。