2012年6月13日星期三

合該有肥事

.
網上圖片
我是個很易胖的人,兩個星期前的辦學團體週年晚宴,只尋常食,第二天上磅就已重了四磅。再加上我的 廚餘男 發功,只剩下來的芒果布甸就取了兩盒,還有鮑魚呀伊麵呀雞呀,結果消耗了幾天才功德完滿,超甜的布甸超高熱量的伊麵,令體重漲速降慢,留下了惱人的肚皮。

瘦無重至,胖不單行。早前我跟 30年前的舊生晚飯,飯後餐廳送上一張免費茶餐券。券放在公事包裏多天,上星期四拿出來看,快過期了,就抽時間去吃。殊不知那是指定餐款的,不是西多士就是炸雞腿!唉,真有點暈,鼓脹的肚皮要參與思考了,結果選了西多士。更糟糕的是,要享用這免費餐,得要點一樣付費食物,根本不太餓的我結果選了最便宜的小布甸,唉,又是甜!

隔一天的週末,又要赴另一位校友邀約的珠海澳門兩天遊,這些標榜美食的短線團,不是坐車就是吃,餐餐大魚大肉,還要早午晚三餐吃齊。兩天下來,吃的可以等同我一星期的食量,回香港上磅,竟然又重了四磅半!拖著行李回家時,孩子第一句問我,就是:做乜肚腩咁大?

合該有肥事,卡路里熱量就是接踵而來,可以抗拒嗎?學期尾了,謝師、餞行、敘舊宴自多,看來這場抗肥戰真的很惡打!


唉,別忘了還有端午節!
.
.
.
相關文章:多食損壽

                :只想大家好
.
.
.
去年今日:在病的邊緣上
.
.
.

16 則留言:

菲菲 說...

食得是福,食完再算~ 哈哈!

陽光的戀人 說...

這麼易肥, 又一例子說明肥瘦跟先天因素有關, 剛看過蔡瀾一篇文章, 他帶團去日本團中一位大食女團友, 大食得令人吃驚, 卻並非胖女人.

匿名 說...

校長:

你不嬲減肥有一手,好快又搣甩架呀!
仲有獨食易肥,鮑魚下次留返俾我呀!哈哈

自由

五珍 說...

校長,建議你多菜少肉呀﹗大魚大肉真是難消受啊。

匿名 說...

唉! 減肥已經唔係女人專利了! 去澳門除左食, 还有什么? 我从不刻意減肥, 但因遺傳血糖高, 近日医生恐嚇我, 唔戒口就要我打胰島素, 所以跟了一个糖尿病人的diet plan, 一星期減了5磅,但血糖冇低到, 真氣死! 超失落!

the inner space 說...

可能兄台命格要增肥才發達到叭叭聲,give it a TRY!

L L 說...

菲菲:

咁食得仲表示自己身體還可,因為要戒口控食就亮紅燈咯。




漫漫:

照計吸入多少熱量,消耗多少熱量,有剩餘就會積累脂肪,那女人會不會平時少吃,又或者有很容易燃燒脂肪的運動呢?




小行:

師傅怕老咗就意志都薄弱埋。

至於嗰晚,呵呵,啲鮑魚仲唔係片嗰種,喺一隻隻嗰啲呀 XDDD




珍:

係,平時我不怎樣吃肉,尤其夜晚嗰餐,簡單到不得了。不過我又不喜吃菜,只愛生果,還有番薯,呵呵,後者好正!




牛牛:

去澳門仲有賭咯,不過今次斗零都冇賭。

少晒甜食又真係好寡,不過減咗磅始终好啲‧你睇我嗰兩篇相關文章,高卡路里飲食真係害處多多架。

L L 說...

inner:

哇,聽晚6000萬 mark six 呀,好,聽你講,多留脂肪一晚,中咗再減肥 XDDD

卡臣 說...

食咗想講啦

Jessica Chan 說...

少吃多滋味,多吃壞肚皮。
睇嚟校長要忍下口喇!

L L 說...

卡卡:

係「食咗至講喇」?

很家食咗喇,唔係我都唔驶內疚 :(




Jessica:

要喇要喇,星期一已開始,現在已减了一點。

largeheadboy 說...

郁多啲唔好成日坐囉
不過我都係識得話人唔識話自己~

韻味熊貓 說...

校長:

有無去義順食雙皮奶呀?澳門真係好多好野食。我以前在澳門騎單車周圍去,好熟環境,所以從無參加旅行團。

L L 說...

大頭哥:

我都叫做行得多架喇,每日上下班去食晏加埋都有四五十分鐘步行,以前揸車就真係少好多喇!




佛爺:

今次冇去呀,因為時間比較緊張。今次去主要睇水舞間,再去埋珠海幾個景點,叫做 hea 吓咁咯。

the inner space 說...

週四的六合彩延遲到今晚週六才攪珠!
有時間有錢就買多幾注機會必然大增!

L L 說...

呵呵,早買了 XDDD