2012年8月10日星期五

從劉翔受傷看陰謀論者的心理狀况:

.
無常識,叻唔切,不懂人性,自我形象太低,甚至自己就是那一種人 ............

劉翔垮了,無論國內、香港,立即有人大發膠論,說劉翔做戲,根本就是唔想跑,所以撞欄。我一睇到這些就眼火爆,做戲?你做俾我睇吖!一個在雲端的尖子,在全世界面前出這樣的醜?會頂得順嗎?

再者,要作假可以選很多方法,要踢欄讓自已有受傷的機會?何不跑至中途放棄,按著大腿肌肉告訴人自己拉傷了。世界紀錄保持者羅布斯就是這樣受傷放棄,劉翔不會蠢到不懂令自己好過點罷!

好了,劉翔要在英國動手術,就證明了他是真受傷,陰謀論者會說那是串謀醫生瞞騙世人嗎?可能會架,哩班人自我形象太低,要語出驚人去肯定自己存在,乜嘢做唔出? John Lennon 就係死在這種人手上,劉翔的聲譽也可以敗在這些人手上。

禮教吃人,原來蠢賤之人更會吃人!


網上圖片:劉翔往醫院做手術途中

劉翔,早日康復!
.
.
.

31 則留言:

魔術師 說...

摘錄自討論區愚民樂君:

有極多腦殘米田共青話劉翔做戲,唔知佢地係唔係細個想逃學唔考試就打斷自己對手既呢.

L L 說...

所以我好鬼慨歎,識寫兩隻字嘅米田共青就可以妖言惑眾,用人地嘅聲譽去做自己嘅祭品,那真是很不該的!

匿名 說...

可能遲d又有組織發起反做假遊行!至弊又有班腦殘人支持!

悲哀!


自由

L L 說...

反做假遊行,反攞唔到金牌唔開心遊行,最後發展到反中國攞金牌遊行,最終就係反回歸反中國遊行!

哩啲就係販民同肥佬黎要做嘅嘢!

the inner space 說...

利用踩低別人來自我抬高可能就是年輕一輩未來社會棟樑的普遍價值觀!

L L 說...

唉,那實在太悲哀了!

年青人性情這樣壞,也是特區政府去中史、去文化情意教育的惡果!

Coffee 說...

見到劉翔今次一開跳又跌倒,好似受了詛咒一樣,佢背負的壓力太大了!本來有希望擺脫上界的夢魘,而家要繼續背負下去,都唔知幾時才可釋放架!我想到佢父母心情,更替佢難過!

L L 說...

畢竟東方人骨架、肌肉密度比不上西方人,太強力度的運動,真是難以負荷的。劉翔的成就,已是異數。

養子方知父母心,兩老的心情,確是很難受的。

蝸牛 說...

「踩低別人來自我抬高」的習性,倒未必關欠缺中史等教育事,因為今次事件中貶低劉翔的陰損說話都有出自國內和香港網民,並非香港獨有現象。

我認為是時下的中國青少年和香港人,很多都太自我感覺良好和自我中心,不再懂謙卑,不懂欣賞別人付出的努力,用自己狹隘眼光下的一把尺量度世事人情,妄下判斷。是家教出問題了。

L L 說...

牛兄:

家教固是,我們以前會背出師表,歸園田居,水調歌頭,會認真讀項脊軒志,也許,驀然回首。自從羅范主理教育,卻取消範文考試,結果教的不認真教,學的不認真學,優美、包容的性情難以內化,結果走出一批不懂包容欣賞,不懂反求諸己的魯莽一代!

蝸牛 說...

劉兄:

說來慚愧,小弟正是「不認真學」的一個,中學時代特別不喜歡中國語文科的某些課文,欣賞古文卻不喜背誦(如今後悔自然來不及),因此我認為兩者沒有必然關係,嘻嘻。

我也挺羨慕中文好的人,中國文學潛移默化理應對人品有益處的;不過以我僅有接觸的同學同事朋友,香港人很多是俗人一個如我,中國文學水平實在丟臉,殖民地教育下中文不被重視。能夠如劉兄般懂得欣賞古文,從先賢學習而修心養性,恐怕不是多數。

新鮮人 說...

我都唔相信佢作假,
那些人有這種法太偏頗,
話人要有真憑實據,
靠估累死人,
同樣,
係咪"汎民"利用這欚會反中呢?
一樣要有真憑實據才好,
否則同那班信口雌黃的人不是一樣水平?

L L 說...

牛兄:

縱使你不愛中文,但過去的科目結構給你的情意影響一定會比現在的大,只是比較隱性而已。我有時與同齡的朋友傾談,大家提到讀過那些文章,就有共鳴了,這就是我們的集體回憶,也就是有比較共通價值觀的原因。




新鮮:

匕已漸現!有條友跟踪你幾條街,未出手老笠你前都仲未係賊。美國駐重兵太平洋,未發炮打中國前都未係侵略者。

魔術師 說...

強者自有強者的矜持,敗也要敗得轟烈,詐死詐傷這些弱者行為,強者是不屑為的。

所以只要某人一開口講埋呢啲陰謀論嘢,就會被人知道佢係一個失敗者(或者,起碼不是一個慣於獨當一面的人)。

問題就係,點解社會對呢種失敗者心態不以為然?究竟又有幾多人奉這些失敗者心態為金科玉律?

蝸牛 說...

劉兄:

那倒也是。
我其實愛中文的,只是當時不愛「讀」中文課文而已。

L L 說...

魔術師:

社會上平凡者畢竟佔大多數,這些人會以揶揄成功者去令自己好過和覺得有價值,這群人確是不少的,而且會互撐以壯聲勢。




牛兄:

現在中文科全走第二語言的教學套路,學生根本可以完全無視範文,是很殘缺的。

新鮮人 說...

人心千變萬化,
好多東西都會變,
人心、國際形勢....
我們看到一些東西就估計想做什麼,
劉翔事件就係劉翔事件,
為什麼硬是要說那群人和"凡民"一定有關呢?
他們只是偏頗,
未必和政治有關,
點解一定話佢哋有關呢?
咁諗法同佢哋係都話劉翔作假一樣,
偏頗無証據,
水平一樣低!,
世界就是充滿這種思想方法的人,
所以才會亂上加亂,
五十步笑百步,
大家都無資格駡別人!

the inner space 說...

但學習英文在香港也沒有誦諗英文範文的傳統噃!


想問問身處外國的朋友,在英語國家學英國文學的學生和普通學生,有沒有要誦讀莎士比亞迪更斯等等大文豪的名著呢?


我自少小就被母親教念口王,念唐詩,念古文,哈哈哈哈哈!到如今,也不過只是不求甚解,每有會意必欣然忘食!

L L 說...

新鮮:

你一定沒看蘋果日報的頭版報道和副刊鋪天蓋地的副刊文章了。

我不作補充了。

L L 說...

inner:

就係咯,學第二語文重在文法,理解同運用能力,就正係香港人學英文的方法,依家用喺學自己嘅母語中文。

我早前睇過一位英文專家,佢話喺英國唔會咁教英文,即係唔會用第二語文的教學法去教母語。至於要否要誦讀莎士比亞,我諗要掛,學語文要內化,必經背誦,唔背誦都要深研。

蝸牛 說...

劉兄:

這兩天東方出手了,可有留意?

L L 說...

我比較留意佢報道白鴿黨同公文袋班阿頭啲中飽私囊嘢,是這些嗎?

蝸牛 說...

就是這些。

L L 說...

嗯,揭人陰私,搶佔道德高地的原來都是卑鄙小人,回看他們義正詞嚴的模樣實在可笑可恨!

蝸牛 說...

他們質疑梁振英和陳茂波的「誠信」,真是一百步笑三十步。
生果報完全不報律師黨的新聞,有沒有人自我審查,妨礙新聞自由呢?

L L 說...

生果報最終都有講吓,但都係講何矮龜同李永呃如何推搪。

唉,哩份報紙根本就唔係報紙,選擇性報道,歪曲事實,洗讀者腦乜都做齊,記協個肥婆聲都唔聲喇,真係成堆垃圾!

蝸牛 說...

真係成班垃圾!
佢連報新聞講海豚都可以最後加一句:「洗腦國民教育的指引開宗明義指學生要「背靠祖國」才有出路,海豚任勞任役的背後,也許就是明日香港人的寫照。」咁樣叫報新聞,佢不如賣白粉話賣河粉,個編輯同記者唔好去死!

L L 說...

哈哈,嗰個王家文我以前讚過,睇佢依篇又一個人沉淪喇!

爛果報係有策略地蠱惑人心,只係香港太多蠢人俾佢洗咗腦,尤其嗰班叫學民思嘲嘅0靚仔!

eric 說...

我喺加拿大讀過grade 12(中六)英文,如果考試要攞好成績,都要背一啲啲莎士比亞,同埋一啲重要嘅詩詞,如果唔背考試時點引文答題呢?上堂又點同老師同學討論呢(慢慢查書蚊都瞓啦)。
不過唔記得好多囉,唔喺母語,都喺爭啲啲嘅。

講開生果報,我而家淨喺(好膚淺咁)睇介紹飲飲食食去旅行買電子產品嘅嘢。正經香港中國新聞通常都喺睇日月報(由細睇開),不過有人又話已經變哂質喎...

蝸牛 說...

香港真係太多人被佢洗咗腦,嗰啲洗咗腦嘅人講獨立思考先好笑,依家我對住呢啲人都費事講咯。
連中國太過人訪港中大學生會都要去抗議,呢個社會痴咗一半喇。

L L 說...

Eric:

由你們去講外國的語文教育最可信。一個國家或地區不重視她的民族文化情意教育,我未之見也,但特區政府卻優為之,令人慨歎!

我睇爛果,都係睇佢生活資訊報道,至於日月報,都係有所為而為,客觀公正,愈黎愈唔覺咯!




牛兄:

讀書讀到咁 muddle 真係你可笑。哩種思維即係去參加婚宴就鬧對新人為甚麼不低頭哀悼死去嘅親人,而喺度笑喺度叫,喺度大魚大肉!