2012年9月27日星期四

地鐵異象之:這女人真臭

.
網上圖片
真係頂唔順!

是昨天的事。一個四十來歲的在職師奶罷,進了地鐵後就坐在我旁邊,一直聲音不低的在講電話,那惡臭的口氣就不斷的襲來。

我瞄見對面僅有一個空位,很想轉過去,但遲疑間被人坐了,車廂瞬間擠滿人,結果我要忍受那該是腸道淤塞湧出來勁過坑渠的惡臭,直到我到站轉車。

期間我要挪前身體,盡量側身面向逆風位,但地鐵開停間的湍流總是把惡臭帶過來,唉,她的老公子女點忍她的呢?同事朋友客戶點忍她的呢?她自己不知道嗎?沒人提點她嗎?

這樣對待自己的親友,公平嗎?人間送臭,實在太不應該!
.
.
.
去年今日:再無一個司徒華
.
.
.

26 則留言:

匿名 說...

我遇到個精神病的, 因擾~ 我也找人傾訴了. 可能這是找陌生人傾訴的一個很好的借口吧.

匿名 說...

哈哈! 这就是与虚幻世界的两極分别了!

匿名 說...

我想當時既情景等同坐喺一個爆完堆的屎坑內!
我情願走到老遠企都唔坐!

P.s. 我好衰,一路睇一路笑!

自由

the inner space 說...

通常這個情況顯示,這位口臭姐是長期 chain smoker too,更甚於腸道淤塞,和懶惰不勤換姨媽巾,劉朗兄不是常抽煙的吧!

Armadillo 說...

哈哈,古人話「其臭如蘭」,咁咪幻想吓隔籬係一朵迎風盛放嘅超大蘭花囉!

卡臣 說...

立即逃走

Coffee 說...

哈哈哈~~
一睇笑死了,不過我都曾想寫關於這情況的,因為都遇過類似人,有啲人嘅口氣真係臭到無倫,可以講係災難性惡臭,有時甚至冇張口,用鼻呼吸都聞到!我以前係地鐡遇過一變態佬,特登用口呼出好惡臭嘅氣,點解特登?因為我一聞到時微側臉留意下咩人時,佢冇用口呼氣了,等我轉返臉時,佢又呼過,超變態咯,於是我成個人坐出啲!

曾想寫篇這樣的,因為我一直很好奇到底人知唔知自己有惡臭口氣呢?和侶伴一起時會點呢?

Jessica Chan 說...

應該速逃喇!估唔到你咁認得。
(我就認唔住......笑咗)

海龜 說...

牙周病

l.minor 說...

可能是呼吸道有毛病,要去睇醫生攪攪佢

韻味熊貓 說...

吾!會唔會她的口氣,是用來製造防狼噴霧的原材料呢?

蝸牛 說...

可能正是找老公的絕橋!看誰有忍耐力不站起來。

新鮮人 說...

不是腸胃就是牙齒有問題,
佢再唔搞搞佢,
遲早出大事,
腸癌、牙週病等等都有可能!

L L 說...

7:04匿名:

唔明??




牛牛:

個師奶都唔好樣噃,我下車時瞄了佢一眼,滿面凹凸洞,看上來就該有病!



小行:

我想走架,但又好似好 hurt 佢 (好似我有篇文寫有條友見我坐佢後面就走) ,而且心存僥幸,諗住佢會好快收線,好快落車,點知捱到我落車!




inner:

哇,冇咁離譜掛?咁煙臭都好惡頂,我捱唔住嘅另一種臭!

L L 說...

Arma:

唔得!真係幻想唔到!哎吔,我忘了公事包裏有口罩呀,自己戴咗都可以隔一隔!!




卡卡:

我心存僥幸咯,諗住佢會好快落車!




Coffee:

你遇到條友咁鬼變態?唔講嘢都聞到口臭我都遇過,睇戲咯,喺後边喺咁傳過來。




J:

我嘅長處,同短處都係忍得,唉!

L L 說...

海龜:

都有可能,但從胃腸傳出來似啲,係混雜咗嘅糞臭味!




minor:

要中西醫並進,去除濕喇,仲要洗腸!




佛爺:

但佢個样?除非嗰隻狼又盲又鼻塞 XDDDD

L L 說...

牛兄:

能不站起來,真是珍禽配異獸咯!




新鮮:

腸塞都大鑊架,唉,啲人就係不重視腸道健康!

naruto 說...

口臭都阻唔到佢不停講電話囉,呢D咪師奶囉

新鮮人 說...

係架,
肚塞或大便不暢都大劑 ,
不如叫佢去大腸水療啦,
通下d便便,
把口就唔會咁臭啦。

L L 說...

naruto:

師奶心態係我傾電話關你鬼事牙?我口臭關你鬼事牙?大聲大氣,完全自我中心就係師奶嘅名字!




新鮮:

佢唔識照顧自己架喇,唉,我再一次為佢老公難過,哩個逐臭之夫,真係難為佢!

魔術師 說...

//唉,我再一次為佢老公難過,哩個逐臭之夫,真係難為佢!

可能人地「臭在溫柔鄉」呢!

L L 說...

唉,唔掂,點溫柔都係假,那比死更難受!

火女 說...

佢老公仔女真係慘呀!! 日日都對住.....

爸爸都係頂一程啫!

L L 說...

唉,你網爸都度秒如時,只在祈求她快啲收線,或者落車 :(

匿名 說...

LOL....

你咁好忍耐力
有次有個滿身酒氣的人走來坐我鄰座
我立刻起身
寧願唔坐囉

有些氣味真惡頂

^oo^

L L 說...

haha, 諗住佢會傾一陣啫,點知唔停口,即係好似等巴士咁,以為好快到,點知等極都唔到,唉!