2013年11月1日星期五

咪玩喇,仲「門生」!

 .
香港傳媒水平下降,不單在編採角度,價值取態,還在於文字水平與識見。今日的報章報道,一宗仇殺打鬥事件,竟然間仍有報章用「門生」一詞去形容涉嫌黑社會份子,把那種大佬與手下的關係,美化成名門正派的傳承,真是思想麻痺了,又是文字詞窮了!

不可以用「手下」嗎,「黨羽」嗎?甚至像星島日報般用「爪牙」,都比把犯罪者形容為正派學術、藝術或武術機構的「門生」好。

好改喇,大佬,我真係頂唔順!


明報把門生一詞放標題,叫人慨歎這份所謂高公信力,高質素報章

文滙都唔掂,用引號括住門生一詞都冇用

星島最掂,用「爪牙」來形容,俾個 Like



.
.
去年今日:贏咗等於輸咗
.
.
.

12 則留言:

新鮮人 說...

寫稿那幾個人好明顯係睇古惑仔,韋家輝套"門徒"等長大架啦。

匿名 說...

現在的報紙,但求標題吸引,哪會理會用字了。
那些手下,叫他們做爪牙好了,門生是泛指學生吧,對嗎?
如能互通,那校長豈不是很多爪牙?


可可

Desertfox 說...

思想停留在98年古惑仔年代

Ebenezer 說...

哈哈,校長教過咁多人,一定有唔少爪牙、黨羽啦^^

laulong 說...

新鮮:

肯定係喇,又佢地覺得咁樣好有型,真係好膚淺!

laulong 說...

可可:

門生是徒弟,咁老師嘅徒弟就係學生咯!但我冇爪牙架,我是一隻獨來獨住的狼 XDD

laulong 說...

Desert:

在那個文化浸大,唉,傳媒教壞人,真架!




laulong 說...

Eben:

有都變晒大佬,或者已經俾人冧咗喇!

佛爺 說...

校長:

明報真是每況愈下,報告新聞都用過濾器,去菁存蕪。

順便一提王維基事件。多倫多中文電台有一位女士打電話上去,發表過頗為獨特的意見。該名女士的廣東話有口音,但卻十分流利。她說全中國十四億人口,只有數十個電視台。而王維基計劃二、三年就建十多條頻道,兼而分拆出去比其他人做。香港只有七百多萬人,王維基的雄心,會做成惡性競爭,兩下散手會將香港的免費電視台全部玩殘。

多倫多星島日報的週刊,對王維基事件講得頗為中肯,認為此事有人趁機「抽水」,煽動民眾謀取私利。

the inner space 說...

校長八一年畢業,至今頭尾廿三年多,何止桃李滿門,連徒孫都有了 。。。。六十大壽擺二百圍都坐滿桌子。

若有,徒兒和徒孫又是教書的就更加厲害 。。。。multiplier effect geometric progression 幾何級數的乘法效應!

阿叔林尚義演戲扮神父都有名句喇 。。。。

laulong 說...

佛爺:

煽動民眾肯定係,嗰班販民唯恐天下不亂,政府有得插仲唔插咩。班死友講乜鬼公義同核心價值吖,美國全球偷聽,班奄鶉聲都唔聲喇!

市民的要求很簡單,多個免費台,多些選擇,中間的計算同顧慮他們不會想的。




inner:

唔敢講喇,還好啲學生對我還是顧念的,保持聯絡啲學生最早要數 82年教的那批。

唔係講笑架,我 82年教的那一班,真係有曳仔把長刀放書包底回校,後來佢過咗荷蘭揾食。我最記得佢曾經同我講話好忌我 XDDD

匿名 說...

明報!