2008年9月24日星期三

誰問了

.

如霧起時是鄭愁予寫給一個漂亮女孩的詩歌。詩人曾當海員,腦裏盡是海上美麗珍奇的事物,但當擁著女友,再美麗的東西不已都在戀人身上嗎?



我在網上找到一段分析,稍加增刪修訂如下:



海上的景色與女孩的面容豔態互為虛實,相映成趣,其中意象的交射互補,靈活而生動。例如首段,就航海而言,耳環是虛,它所暗示的 船上鳴號是實;髮叢、睫毛、噓息也都是虛,所暗示的霧與風才是實。你甚至可以想象詩人擁著女孩,輕輕呵吻她的眼簾。



中段用赤道之橫與子午線之縱來引出女孩的的紅唇,及因思念而下的淚。末段的編貝、晚雲當然是指女孩的皓齒與臉上紅暈。不敢輕易近航的珊瑚 的礁區則借喻女孩的心,甚或形容更性感地帶...



所有珍奇女孩都有了,所以當她問到海上的事兒,詩人仰天笑了!
.
.
.

74 則留言:

自由行 說...

原來寓意咁深, 唔得你解一解, 真係唔知!
我諗詩中提及的女仔, 收到呢首詩, 一定好開心!!

佚名 說...

爺爺:
航海人要與女孩分離嗎?
航海人很溫柔呢^^

巴黎旅客 說...

二十二顆星,是詩人當時的年紀,大海與女孩,同是深不可測吧,多麼詩情畫意....

卡臣 說...

校長

你張相似....賭神呀
型!

laulong 說...

小行:

唉,大師作品,收到的誰不開心!

laulong 說...

小佚:

不,是見面,擁抱,温存!

是,很温柔。溫柔從來最好!

laulong 說...

巴黎:

是呀,鄭愁予作這詩的二十二歲,風華正茂!

女人心,海底針,渺不可測,有時也妙不可言!

laulong 說...

卡卡:

最近打牌輸多贏少,賭神?似賭'史'多啲!

匿名 說...

Norman,鄭愁予,你我之所共愛.今日引如霧起時,是有所寄?

shizuoka2002 說...

雲煙兄:

我中學個中文老師一講如霧起時,我地叫好嘢!

Daniel.

laulong 說...

吾兄:

我們都喜歡 :我打江南走過...

都喜歡:畢竟日子如針,曳著先濃後淡的彩線...

都喜歡:趁夜色,我傳下悲戚的將軍令,自琴絃...

嗯,吾兄,確有所寄...

laulong 說...

Daniel:

你的中文老師,有情人呀!

佚名 說...

爺爺:
不,是見面,擁抱,温存!
是,很温柔。溫柔從來最好!
-->0.0哦~原來係咁...者係我d中文水平有待改進啊!!

那他們的見面也很纏綿呢!

wa~爺爺邊個收花咁好啊??

自由行 說...

佚名:

梗係唔係我同你呀!! 哈哈哈

laulong 說...

哈哈,兩個小妹妹,人地病嘛。

如果我病,你兩個送唔送花呀?

自由行 說...

師傳:

>如果你病,你兩個送唔送花呀?

第一; 你好小病(你講既), 可以慳番
第二; 送都送實際d既野俾你...燕窩岩唔岩呀, 劉生?? 哈哈哈

佚名 說...

行姐:
第一; 你好小病(你講既), 可以慳番
第二; 送都送實際d既野俾你...燕窩岩唔岩呀, 劉生?? 哈哈哈
-->認同啊!花又唔食得既...kaka:p
燕窩有用d!!養顏啊!

laulong 說...

燕窩女人嘢,唔啱,送十全大補酒喇,鹿茸鹿尾羓喇...

男人唔補好易老呀,陰功!

laulong 說...

小佚:

爺爺老喇,唔補揾唔到新嫲嫲呀!

佚名 說...

爺爺:
燕窩女人嘢,唔啱,送十全大補酒喇,鹿茸鹿尾羓喇...
男人唔補好易老呀,陰功!
爺爺老喇,唔補揾唔到新嫲嫲呀!

-->三生牌鹿尾羓酒!...我屋企有一支,冬天就快到可以進補啦!!

爺爺「羓」係咁寫ga?點解我打唔到呢個字既><

自由行 說...

>男人唔補好易老呀,陰功!
你食多多補品都無用, 最有效既方法, 你快快快搵番個女人呀..包保你年輕最少十零廿年呀!

燕窩唔o岩你, 咁你留番俾我咯..唔好o徒麻!

laulong 說...

小佚:

個字庫應該有個噃。你爺爺係死硬派,係都要用手寫板!

你肯定係三生牌,唔係三鹿牌。如果唔係,我死俾你睇!

laulong 說...

小行:

揾個女人,話咁易牙?唔係嫌我窮就嫌老,唔係嫌我老就嫌我土。

仲年輕?變咗老來嬌喇!我都係叠埋心水去老人院做看更,可以24小時足不出户呀!

自由行 說...

師傳:

>揾個女人,話咁易牙?
你要求高o麻..降低o下d要求呀!


>唔係嫌我窮就嫌老,唔係嫌我老就嫌我土。
嘩..你窮? 咁我叫乜呀??

佚名 說...

行姐:
燕窩唔o岩你, 咁你留番俾我咯..唔好o徒麻!
-->獨食難肥啊!行姐分d來好wow!!

爺爺:
個字庫應該有個噃。你爺爺係死硬派,係都要用手寫板!
-->打緊九方,搵唔到:P
羓...倉頡就打到啦~

你肯定係三生牌,唔係三鹿牌。如果唔係,我死俾你睇!
-->係三生啊!
嘜爺爺鐘意三鹿牌ga?出聲ma!!等我即刻去搶購啊!應該有好多存貨ga...:p

laulong 說...

騎騎,兩位小朋友,你爺爺師傅今日心情好,去飲架啡 lu.

嗰的三生牌呀鹿尾羓呀,今晚至食喇,拜拜!

巴黎旅客 說...

飲咖啡,代表精力充沛。
穩陣起見,暫時唔好加奶。

佚名 說...

爺爺:
騎騎,兩位小朋友,你爺爺師傅今日心情好,去飲架啡 lu.
-->咖啡唔好成日飲,對身體唔好ga!
不過日中飲下都唔錯~我都好鐘意飲咖啡^^~

嗰的三生牌呀鹿尾羓呀,今晚至食喇,拜拜!
-->哈哈!好啊!

佚名 說...

巴黎:
飲咖啡,代表精力充沛。
穩陣起見,暫時唔好加奶。
-->加奶有咩唔好處ga?

laulong 說...

唔得架,巴黎,我飲唔到齋啡。我始終喜歡那陣奶味!

laulong 說...

小佚:

驚啲奶加咗三聚氰胺嘛。嘩,你爺爺如果乃嘢就慘喇,幾十歲人,粒石都唔知點樣排出來!

巴黎旅客 說...

或者我習慣了喝特濃咖啡,覺得奶,會掩蓋咖啡原味。
而且加了奶的咖啡,會很heavy。

加上近來奶製品...

匿名 說...

Norman,還有:這次我離開你,是風是雨是夜晚,你笑了笑,我擺一擺手,一條寂寞的路便展向兩頭了...

laulong 說...

小行:

窮...窮,你師傳窮風流嘛!hea hea,你師傳好慘架,兩條化骨龍!

laulong 說...

巴黎:

咁又係道理喎,有時飲完咖啡都覺得有啲膩,尤其係 refill 之後。下次試吓唔落奶飲兩啖先。

佚名 說...

爺爺&巴黎:
驚啲奶加咗三聚氰胺嘛。嘩,你爺爺如果乃嘢就慘喇,幾十歲人,粒石都唔知點樣排出來!
-->我都覺得加左奶既咖啡好飲d...仲滑口好多tim ar

我都驚啊!有石啊!係咪雀巢有事啊?

laulong 說...

吾兄:

唉,幾個月前就係:

這次她離開我,是風是雨是夜晚呀!

應晒景!

laulong 說...

係呀,小佚,不過都係大陸做嘅雀巢,好痛心呀!

匿名 說...

噢,Norman,勾起你的唔開心事...
來,飲杯...

巴黎旅客 說...


有時候温柔有時候憂鬱
像睛天像雨季

我也敬 流浪 一杯!

佚名 說...

爺爺:
係呀,小佚,不過都係大陸做嘅雀巢,好痛心呀!
-->有咩心痛事??
死啦!我成日飲雀巢、食雀巢...嗚~爺爺我就快死啦...嗚~

laulong 說...

哈哈,吾兄,無嘢好耐喇,咁啱攞嚟講吓啫。我依家都送花俾另一個咯...


巴黎,最近的夜又真係幾溫柔噃!


來,吾兄,巴黎,一起乾了!

laulong 說...

小佚:

國內製品接二連三出事,人心欠善,小孩子們更身受其害,能不痛心!

乖孫,唔駛死,就算中招,大人都較輕易排出,或以聲波打散。孩童就棘手喇!

你唔會有事嘅,你唔似小朋友一日食幾次嘛!

佚名 說...

爺爺:
國內製品接二連三出事,人心欠善,小孩子們更身受其害,能不痛心!

乖孫,唔駛死,就算中招,大人都較輕易排出,或以聲波打散。孩童就棘手喇!

你唔會有事嘅,你唔似小朋友一日食幾次嘛!
-->哦~!0.0...
國內商人非常無良啊!輕視人命!!

自由行 說...

咖啡我好小飲, 因為我會訓唔到!
而家朝朝都要飲凍央, 我懷疑我已經上左癮~

有幾慘呀? 捱多幾年, 岩岩你退休, d化骨龍養番你轉頭呀! 再過多幾年, 抱孫添呀!

Carole 說...

師兄
多謝你照顧小師妹
仲有我已經脫咗4隻牙
今個weekend會加rubberband

巴黎旅客 說...

想問自由,凍央係乜野嚟架?
我知,我大鄉里....

卡臣 說...

巴黎

我代答
凍鴦:咖啡+奶茶+冰


劉朗
我都敬你一杯

laulong 說...

小佚:

無良有無良因,中國道德教育真空數十年呀!

laulong 說...

小行:

都冇諗過將來啲仔會養我,養兒防老唔 work 架喇。

交咗咁多稅,第日等我花天酒地, funn 晒的公積金然後攞綜援。等佢抽稅抽得咁過癮吖拿!

laulong 說...

師妹:

你同巴黎相認拿,你地名副其實法國朋友啊!

唔駛驚,你師兄啲牙仲少過你!

rubberband 好喎,新科技!應該仲可以擦大餐呀!

laulong 說...

巴黎:

朝早唔好飲咁多凍野!

haha, 你同師妹 reunion, 我哋大把酒飲咯!

laulong 說...

卡卡:

壽星仔,來,飲勝,飲到頭擰擰...

自由行 說...

巴黎:

卡臣已經代答左呀!
凍央係香港特色, 其他地方唔會有.
大鄉里? o個個係我呀! 你見識廣博,唔好謙呀!!

補祝你生日快樂!

巴黎旅客 說...

多謝妳呀自由!

香港特色,我漸漸投入這兒的生活....追趕那時間的洞。

巴黎旅客 說...

流浪:
得閒揾埋你師妹一齊飲杯。佢未必知道係我,我地係舊生會只見過兩三次,等我打電話俾佢!

易風 說...

凍鴦?「茶走」好d喎!嘿嘿!唔知有幾多人識呢;)

自由行 說...

病既時侯, 我會叫"可力走糖",你地知道係乜嗎???

巴黎旅客 說...

你地唔好蝦我喎!講埋d方言!
「茶走」、"可力走糖" ?
究竟セ嚟架?

laulong 說...

巴黎:

師妹對啲酒好熟識,哈哈,揾埋三兩知己品吓酒,正呀!


邪王:

「茶走」?奶茶走糖囉。不過我都係要落啲糖,少少都好!


小行:

「可力走糖」咪好立克唔落糖囉!


巴黎:

唔駛驚,有我哩個塘西阿伯喺度,佢地恰唔到你!

自由行 說...

巴黎 & 師傳:

哎呀! 諗住print 埋order 先覆, 點知俾你答左先! 我點敢蝦你呀! 你係我支盲婆竹麻!

>「可力走糖」咪好立克唔落糖囉!
岩一半,最最最重要係落煉奶, 香好多!
不過我試過去茶餐廳叫"熱可力走糖", 個伙記夠膽死同我講, "熱既我地唔同你落糖, 你自己落呀"!

Carole 說...


我估小妮同巴黎都比我熟

佚名 說...

爺爺:
無良有無良因,中國道德教育真空數十年呀!
-->嗯!文革後遺症??

「茶走」?奶茶走糖囉。不過我都係要落啲糖,少少都好!
-->嘜唔係走煉奶?轉淡奶咩???
奶茶都係加煉奶好飲d~~
熱可力、熱阿華田同熱朱古力我都唔加糖既~~

行姐:
唔係wow...有時熱飲好甜ga!!但有時熱飲d伙記加好少粉,好似水咁好難飲啊!!!!

卡臣 說...

咁小朋友鴛鴦係乜?

laulong 說...

小行:

咪蝦師傳啦,其實 「可力」唔落煉奶就叫「走甜」,而不是 「走糖」!



師妹:

你謙喇。不過又奇怪,點解我識啲網友中,女嘅飲酒仲叻過男嘅呢?



小伕:

我都反復諗過哩個問題,最初我寫都係「走甜」,而不是 「走糖」。但依家啲奶茶都係落花奶,而不是落煉奶架喇,咪改番做「走糖」咯!



卡卡:

「小朋友鴛鴦」係華田加可力,係咪?

佚名 說...

爺爺:
我都反復諗過哩個問題,最初我寫都係「走甜」,而不是 「走糖」。但依家啲奶茶都係落花奶,而不是落煉奶架喇,咪改番做「走糖」咯!
-->唔係啊!都有d茶餐廳有得揀煉奶ga!
花奶香,煉奶加花奶好似仲好食...不過我未試過:P

小朋友鴛鴦--->可能岩我><

laulong 說...

乖孫:

小朋友鴛鴦梗係啱你喇, Blogger 之中你最細嘛!

佚名 說...

爺爺:
小朋友鴛鴦梗係啱你喇, Blogger 之中你最細嘛!
-->咁咪係小朋友鴛鴦???啊?

卡臣 說...

「小朋友鴛鴦」=華田+可力
答對呀
好嘢

自由行 說...

「小朋友鴛鴦」飲完會唔會肚痀?
個味會唔會好怪?

laulong 說...

哈哈,唔係「小朋友鴛鴦」,係「小鴛鴦」。

小佚,小行,快啲去揾另一半,組織「小鴛鴦」啦喂!

卡卡就時時都鴛鴦戲水架啦,我哩個塘西阿伯就去公園睇啲水鳥玩吓,發吓啲鴛鴦蝴蝶夢咯!

自由行 說...

>小行,快啲去揾另一半,組織「小鴛鴦」啦喂!

哈哈! 承你貴言!!

laulong 說...

騎騎,努力!

自由行 說...

努力? 呢方面我好被動!