2009年1月5日星期一

那年飄雪二

桃山滑雪場。近山腳處的雪還不算深,山上還可以。生平第一次滑雪,雞手鴨腳!


坐吊車上山,沿途的感覺就是靜。沒有風聲、鳥聲、虫聲,仿如置身太虛的靜寂!


那年二十八,在剛過去的暑假獨個兒漫遊日本二十九日。可以孭起三四十磅的行囊走漫長的路。現在,那敢言勇!
.
.
.

51 則留言:

Denzel Leung 說...

劉朗兄,
如有興趣再起行,請通知...謝謝^^!

卡臣 說...

你86年玩滑雪?
我86年玩滑板都成日跌
唉~~

Mag 說...

laulong..

86年??我得十幾歲,
都唔知做緊嘜呀!!哈哈哈...

我都係早幾年先有機會見到雪呢!!
你於年青時到過那麼多地方,
好羡慕呀!!!!

自由行 說...

師傳:

你對 xike 波鞋得喎! cool 呀!!

>孭起三四十磅的行囊走漫長的路。現在,那敢言勇!
而家直情唔好攪我! 拖o急都仲可以.

>如有興趣再起行,請通知...謝謝^^!
我又報名!!

聶秀康 說...

laulong
第一次滑雪就上山?勁啊/
一個人去日本28日,好羨慕...相信祇有教育界才有這樣的暑假呀。一定好開心又多見聞了。

巴黎旅客 說...

You look like 20 in the picture!
Memory of a Long vacation...

篤篤篤撐 說...

那年二十五,在失戀後獨個兒漫遊歐洲六十日。可以孭起三四十磅的行囊走漫長的路。現在,那敢言勇!

SillyCat~ 說...

>如有興趣再起行,請通知...謝謝^^!
我又報名!! X2

laulong 說...

Denzel,小行,阿 Cat:

現在時間比較緊絀,責任也多了,不像年輕時好以隨時去,又可以隨時去遠。

有機會結伴而行,當相告!



卡卡:

我咪仲慚愧,滑板唔識玩,嚴格講係未玩過!

laulong 說...

阿 Mag:

你十幾歲實俾人追到索氣喇!

我也很珍惜自己的遊歷,我的回憶很美好很多!



阿聶:

遲啲 post 日本相呀!

laulong 說...

巴黎:

那精壯的日子卻往矣,但無憂無慮的遊歷,我真的享受!



篤撐:

哇,60 日,一定好深刻喇。那情傷,來自一個很美的人兒,對嗎?

自由行 說...

>有機會結伴而行,當相告!
到時退休可以約埋參加老人團! 仲可以打幾圈防止老人痴呆..哈哈~

laulong 說...

打幾圈,依家都得!

最近冇乜錢駛!

自由行 說...

我呢排唔同你打! 我黑到...開"幹"又俾人食, 仲要同上家搶食糊...唉...學廣告話齋"真係搵食艱難"!

自由行 說...

校長:

成日放埋d舊貨(相仔), 有無d 新意d呀????
你上次又話有露點相架..

laulong 說...

哈哈,俾人搶槓咁慘?你嗰時叫糊未,未叫糊就有 95% 理由唔去開槓!

我個死樣點見得人吖,貼新相咪盞趕客!

露點相?章子怡牙?我以前有張露點嘅,都係 N 年前嘅舊相!

自由行 說...

師傳呀師傳:

>嗰時叫糊未,未叫糊就有 95% 理由唔去開槓!

但係唔開槓, 呢世都唔無糊叫. 因為係暗槓. 唉....
仲有, 最近o個次連絕將o個隻都出俾人, 你話我係咪黑仔.
好在我地打得好好好細, 細到無人同我地打, 所以我地係鐵膽. 我亦只會同佢地玩.

佚名 說...

爺爺身壯力健,去爬喜瑪拉亞都無難度啊!

聶秀康 說...

開(木台)...台灣牌 o岩 冇? 上海牌都ok 架.

laulong 說...

小行:

暗槓都俾人搶?係十三么至可以咁搶噃!

咁真係黑咯!

但照計唔槓都可以叫糊嗰噃!




小佚:

喜瑪拉亞山梗唔得喇,hehe, 除非喺喜瑪拉亞山山腳!




阿聶:

我淨係識廣東牌咋!

咦,整番個 blog 友鵲會都好喎!

篤撐實嚟哩!

laulong 說...

哎吔,頂唔順。怕晒啲來歷不明。我又要唔俾匿名留言喇,怕有毒,累到啲 blog 友!

自由行 說...

師傳:

>暗槓都俾人搶?係十三么至可以咁搶噃!
我本身有3隻(在牌內), 摸到第4隻, 一開, 俾人搶. 我問番一齊打d人, 結論係唔開無得叫糊. (我唔識點攪, 因為多左隻牌...教下我呀!)

>但照計唔槓都可以叫糊嗰噃!
點攪????????

>喜瑪拉亞山山腳!
據聞都唔易. 曾經有人約行ABC, 但好貴同要行好多日.

>我又要唔俾匿名留言喇!
嘩嘩嘩..好在我早入黎攪攪震, 唔係想入黎都入唔到.

篤篤篤撐 說...

靚唔靚都唔係最重要, 重要既係重傷!!!當時條ROUTE, 係依佢一年前歐遊既ROUTE而行, 想想一年前佢在某個SPOT做過乜, 仲要揹著60筒FILM,一日影一筒,
係話幾O甘....ON 99呢!!!

話時話, 真係好靚, 當時CU校花, 俾佢個助教搶左...嗚~~~~~~~
所以我奉勸年輕人, 人干1要讀多D書, 入大學溝女AR~~~

laulong 說...

喂,小行,你地 d 麻鵲例有 d 怪喎,同一般既唔同!

我諗你哩鋪都係要信吓師傅!

唔開槓叫唔到糊係冇可能嘅,你地應該睇錯咗!

laulong 說...

篤撐:

唉,真陰功!

我以前有個預科同學,又係勁靚。我嗰陣追唔到,諗住入中大仲有時間吖。點知又係俾個 tutor 媾咗。冇行喇,點知十幾年後見到個 tutor 喺街拖住老婆同仔,個老婆唔係我個靚同學喎,妖!

篤篤篤撐 說...

校長,
我果個仲慘,
個女仔結果嫁左比tutor,
唔夠5年, 個tutor偷食,
結果女仔insist離婚...

可惜當時我已經結左婚....

laulong 說...

妖,乜啲 tutor 咁乸衰架!

唔通真係 "負心每是讀書人"。越讀得書多越負心?

人世間姻緣,忽然邂逅,忽然寂滅,回頭已是百年身呀!

你俾條淫漢攔途截劫,條友又唔好好對待你曾愛的人,真係要殺千刀呀!

自由行 說...

>唔開槓叫唔到糊係冇可能嘅,你地應該睇錯咗!

你摸隻牌番黎, 係槓牌, 如果打男一隻出去, 咪永遠單吊西?????????

呢個迷到而家我都唔明.

laulong 說...

哈哈,小行,假設吓:

你手上有四隻牌:

[二萬] [二萬] [二萬] [三萬]

即係叫三飛:一,三,四萬

再摸隻 [二萬] 番黎,你打番出去,依然叫 一,三,四萬。

若你開槓二萬,就淨番一隻 [三萬]
,即係單吊三萬。咁你話應唔應該開槓喇?

海火火女 說...

你對 xike 波鞋得喎! cool 呀!!x2

海火火女 說...

行姐:

係呀, 打隻[二萬]出去咪得囉!

你仲可以keep住果幾隻, 等d人苦等! 哈哈...

(不過其實我打牌好渣:p)

laulong 說...

女女:

嗰對鞋我真係好珍惜。穿破了,扔之前還帮它拍過照!

唉,佢應該循環轉世幾勻咯!

laulong 說...

哈哈,女女,如果 blog 友鵲會真係成,揾你進貢啲俾網爸呀!

自由行 說...

師傳:

梗係唔開呀! 哎呀...上次既情況, 我都唔記得o左, 總之一開槓俾人搶仲要加多一番..頂!
之但係...以上次既形勢, 我打..咪又俾人食.
不如你整番本"雀林秘笈"過我, 以彌補當年教d唔教d, 攪到我自學爭d"走火入魔"! 哈哈
之後攪到我唔敢再開槓...有陰影!

火女:
我都係好渣, 半途出家!

對波鞋轉完世, 去到呢個年代祇該好值錢咯!

laulong 說...

小行:

開暗槓冇得搶,除咗十三么。

你嘅情况一係就一早碰咗 [二萬] 落地,換句話說,再摸第四隻 [二萬] 番黎開明槓。

明槓當然可以搶,仲會當人地自摸加一番。個問題係你打番隻 [二萬] 出去,人地食就唔駛俾人地加一番嘛!

我有時都係咁,橫掂自己未叫糊,又覺得隻牌有可能人地叫緊,而手上其他牌打出去仲可能輸更大嘅牌俾其餘兩家,惟有死死氣打隻牌出去,唔槓!盡量減少損失!

篤篤篤撐 說...

一開槓俾人搶仲要加多一番
>>>頂乜鬼丫,
我上次開槓, 比人搶左去食13夭, 仲要全沖ar, 陰功....

自由行 說...

師傳:

最近o個次, 摸d牌唔入將,為左減小損失, 上次我好多棄糊. 仍地谷我都谷唔起!
所以近排都唔打住..黑仔呀!

自由行 說...

我都係全沖呀! 同是天涯出沖人.

laulong 說...

篤撐:

哈哈,哩味嘢我都過。個同事開暗槓俾我搶食十三么,要俾 1152 ,我仲擸埋個 jackpot, total 兜咗千幾銀,好和味。

不過個同事就以後唔搔我地咯!



小行:

依家興打全冲架喇。上次同班保守派舊同事打出沖,帶咗二千文去,吓,連埋啲散銀,輸淨個一文俾我刮沙喎,你話邪唔邪。

去打牌時撞見個師姑呀,應晒!

聶秀康 說...

原來開緊台...

Singer/ 歌手 說...

TO 篤牚AND LAULONG

我果個仲慘,
個女仔結果嫁左比tutor,
唔夠5年, 個tutor偷食,
結果女仔insist離婚..

<---咁多TUTOR 情緣呀, 我都試過呢!!! 不過, 冇左咪算囉, 我依家好好!

自由行 說...

>不過個同事就以後唔搔我地咯!

你係咪寸人呀?? 不過佢都無乜牌品.我地打咁耐未試過打到發難.

我都鍾意打全沖, 公平d o麻.

自由行 說...

師傳:

講正經先!! 仲有10分鐘, 頂唔順呀...唱左先~ @@
Happy Birthday la
祝你越黎越型, 逢打(麻雀)必勝, 同二夢甜甜蜜蜜, 身體健康(仲有你媽媽)!!

laulong 說...

咔咔,阿聶,過嚟打四圈吖!



歌手:

唓,啲 tutor 冇嘢做架,專媾女。所以嗰時我唔係咁鍾意佢地。

不過靚女 tutor 另計!

laulong 說...

小行:

謝謝你呀!更代我母親多謝你!

你真係我最乖嘅學生!

聶秀康 說...

Happy Brithday !!!
All the best wishes from the bottom of my heart!

褔如東海 雀台常勝
鏡頭銳利 作品風行

幾時擺壽酒打反廿圈!!

laulong 說...

阿聶:

祝福真到肉,多謝你!

壽酒唔擺喇,不如整次團年或春茗,打番八圈。

自由行 說...

>壽酒唔擺喇,不如整次團年或春茗,打番八圈。


有無利是收先?????????

laulong 說...

小行:

你輸十底八底俾我,我俾封大利是俾你又點話!

自由行 說...

整十底八底蘿白糕俾你, 你俾封大利是我???

laulong 說...

好吖,整嚟呀,睇吓邊個蝕底!