2009年1月21日星期三

思念重回

.
最後一天考試,卷卻改不了很多,因為案頭需要處理的文件太多了:跟進融合教育,編排公開試監考,甚至設計教師聯誼比賽規則,時間就這樣燒個殆盡。

五時多離校,走十分鐘的路到地鐵站,步進車廂裏。找了座位,便拿出報紙來啃:奥巴馬上任了,沒甚麼,我從來沒有膚色間別,是黑是白是黃做美國總統都沒所謂,反而走了個混帳布殊,卻足以額手稱慶。這小丑能走進白宮,不啻是選舉制度的最大諷刺!

到北角站,走過橙紅色的管道,轉到往將軍澳的列車。轟隆聲中,我忽然想起了這首歌,我甚至輕輕的哼唱著:



是的,這確是我十分喜愛的歌! 去年的大概這段日子,我也常聽,倏忽便也一年,轉眼間,又是急景殘年的歲暮時節!
.
.
.

36 則留言:

小瓶子 說...

首歌的melody 几好.

laulong 說...

小瓶子:

之前聽過這歌嗎?

篤篤篤撐 說...

我聽過ar~~

卡臣 說...

咁又一年

聶秀康 說...

玉女含苞啊!看這戲時我應該未夠十歲,但也感受到戀愛的悲苦溫馨,最尾那幕是男女主角在機場吻別呢!男主角叫Jermery也是插曲的名字.

eric 說...

淡淡哀愁。
這首曲我也聽過。

eric 說...

"甚至設計教師聯誼比賽規則"

聽起來很有趣。什麼樣的比賽?

laulong 說...

趕住出發,答咗 Eric 先。

係弟王大賽呀!今日教研日,下午教師聯誼。最衰唔打得麻鵲!

自由行 說...

師傳:

>>>甚至設計教師聯誼比賽規則
呢d唔駛你諗呀! 俾細既做咪得!

>>最衰唔打得麻鵲!
咁有乜好做呀? 唔係茶聚呀???

篤篤篤撐 說...

係弟王大賽呀!
>>>O甘你既規則係十蚊隻OR 5蚊隻AR ?

eric 說...

打幾圈衛生麻雀都唔得?

自由行 說...

eric:

校長打既麻雀, 一d都唔衛生, 乜野十三么$1152架!!

Desertfox 說...

校长,
以长命百岁的标准, 你还有起码半个世纪的时间呢. cheer up.

我有一些朋友觉得在这个时候OBAMA走马上任是有一点浪费了他. 如果是太平盛世的时候, 他可以做的事情应该可以更多.

laulong 說...

篤撐:

哩首歌真係正,情深意切!




卡卡:

歲月如流,真的感慨!




阿聶:

你記性真好。影片內容我差不多已全忘記!但歌卻長在我意中!

laulong 說...

Eric:

首歌真的動聽,感覺相近的還有 interlude, 但還是以這首好!

因為喺童軍中心,所以冇麻鵲打!




小行:

阿頭乜鬼都揾我。所以我話佢唔識用人咯!

都有嘢做嘅,有廿人鑿弟,有啲改卷,有啲行山,有啲燒烤,有啲打球,有啲閒聊....

我打啲牌唔算大喇,廿幾三十年前都係打 100 元底,不過依家打到五辣!

laulong 說...

篤撐:

唔玩錢架!但阿頭捐咗獎品出嚟!結果佢第三,我第四。我都擸番包糖!





Desert:

多謝你,大家咁話,你仲要耐啲,Cheer !

OBAMA 係人才。但能否做一個好總统真係要睇時勢。又或者,逆流更見他的實力!

小瓶子 說...

老实说, 我未听过吖....

我细个时, 是四大天皇时代哦. 当时还未懂的听英文歌, 我都知道这很肤浅....

巴黎旅客 說...

很動聽的舊歌,聽不厭呢,
反而忘記了電影內容。

時光飛逝
然而生命中的美好事物
流浪
你一定遇過了
也願新歲
帶給你更豐盛的體驗。

eric 說...

好耐都冇打牌囉,我以前打一兩毫子。。。而家俾你哋撩起條根添。

eric 說...

電影好像是兩小無猜的愛情故事,後來因家事而分手。。我也記不清。

shizuoka2002 說...

雲煙兄:

空姐Elaine最新文章有精彩的辯論,也過來參予一下吧~~~~~~:)

Daniel.

佚名 說...

爺爺:
我又係呢一日考完試
呢首歌我未聽過啊!

Mag 說...

laulong..

以前曾經聽過呢首歌!!
不知道歌的名字呢!!
好鐘意呢類歌曲,但又唔知歌名,
有你的推介真好......
亦看到"聶秀康"提及這輯戲,
令我好奇都想看看..

還有我的電腦已修理好了,
有時間再黎我Blog坐坐啦!!!
thanks...

laulong 說...

小瓶:

音樂無分東西古今,未聽過是因為你較年輕而已。正如我沒聽過二十世紀二三十年代的歌一樣。

Bottle 仔,在我心目中,你係好叻架!




巴黎:

多謝你!我幾+歲人,真係經歷好多。甜過苦過,翻湧過平靜過,總覺此生不枉。如今心境平緩,波瀾不驚,跟你愉悅的心情一樣足取,一樣可貴!

laulong 說...

Eric:

近來我也打少了牌,手常痕呢!

齣戲阿聶還記得清楚,真虧佢!




Daniel:

最近稍忙,有空當過去八吓!

laulong 說...

小佚:

考完試喇!你閉關一排,很有紀律啊!祝願成績美好!




阿 Mag:

係呀,總覺得舊嘅都好,可能係先入為主。

假期剛開始,時間會多番啲!

咦,新年你要派利是喎,你這樣年輕,新派利是?

篤篤篤撐 說...

祝牛年發大達, 萬事如意 !!

巴黎旅客 說...

流浪
恭賀新禧
健康快樂!

laulong 說...

篤撐,巴黎:

也願你們新年如意!

Hana 說...

校長,祝牛年好運隨身!合家平安!越活越年輕!

南蠻人 說...

做老師真辛苦。我妹妹也是教師,她也做得很辛勞。很佩服你們的魄力。希望你牛年龍精虎猛,好應付你的學生。

eric 說...

恭祝劉兄新年如意身心愉快.

卡臣 說...

祝工作愉快, 身體健康呀!

laulong 說...

Hana:

>>牛年好運隨身!合家平安!越活越年輕!

大家都係,你仲要愈來愈靚,永遠要人驚艷!




Sava:

哦,令妹也是教師嗎?這真是一行難為的工作。

牛年喇,望你花團錦簇,心想事成!

laulong 說...

Eric:

也願你種出情花,過一個甜蜜的牛年!




卡卡:

新一年你 figure 更完美,fiction 更精釆!

mona 說...

恭祝牛年進步 身體健康 想點就點~
and 教安