今次旅程，寧波是尾站。回港前一天到奉化溪口的蔣介石故居參觀。不知是團費太低還是安排出了問題，我們只能在宅院門外大道閒逛瀏覽，沒票進入宅內參觀。
這當然是無聊了，還有半小時集合，便走到附近擺賣桃子的攤檔看看。桃子有兩種，紅紅較好看的較平，反而偏青的較貴。原來偏青的是地道奉化桃。我兩種都買了，走了六七分鐘回頭路到廁所洗淨，一嚐奉化桃，哇，不得了，清甜到極點，而且汁液淋漓，沿手腕手肘滴到跟前土地都濕了。
連忙又走六七分鐘路到攤檔，買了廿多個回港，今天晚上把最後一個吃完了。剛巧 the8 又貼了小環桃的文，便提早把奉化桃子作個介紹。
這桃賣相不佳，但真的好吃。每次打開冰箱，拿了桃子後總是急不及待便啃下去，活像急色鬼。今天吃最後一個了，想想吃完了便不再有，便乖乖的拿相機出來拍個留念照。
.
18 則留言:
嗚......冇喇冇喇最後一個都食埋我份手信冇喇!
校長你連皮食桃的麼?
the8：
下次下次.....不過如果係食物又驚俾你兩隻寶貝小狗謀咗呢！
我一般連皮食架，我知唔係咁好，但真係好似美色當前，又係情到濃時，仲剝？等唔切喇....
还好记得拍照，让我们望桃止慾！呵呵~
得你介紹, 下次要留意一下.
半個月前, 去咗和歌山, 當地的桃也出名, 在當地買, 比香港sogo平, 但都500yen, 折合港幣45蚊一個, 以我貧苦學生, 真係肉痛, 點知食落, 又唔覺好得過大陸水蜜桃噃, 真係唔值咁貴, 所以, 外國嘢未必一定好, 國產嘢卻往往有驚喜.
嘿嘿：
這桃真掂，雖無禁果之形，卻有禁果之實，引得我哩！
Band 5 仔：
日本桃貴到嚇死人，我幾次徘徊日式百貨超市架出，始終捨不得買，幸好你提點一下。不過奉化桃似乎未引入香港 :(
laulong,
我由細到大食親桃都會肚瀉, 特別是中國那些類似蟠桃的物體, 反而食桃駁梨就沒事
貓姐：
你試吓批咗皮至食，睇吓會唔會瀉，你有可能係受唔到帶少少絨毛的皮！
那是否那些桃產量很少，所以無出口？
相信是罷。更兼寧波又是新開發的旅遊城市，特產知的人還不多，希望遲些有商人能引入罷，這桃子真的正正正正正！
奉化桃要出口，价钱一定要卖得高，因为当地都吃得完，哪还有剩余出口，除非新开发新种植。
近水楼台的港商可以以开发投资啊！快！
就是了，嘿嘿。我不是商人，做不到這東西。但只要讓外面的市場知道了，擴大種植，甚至改良品種都可以做。
在溪口攤檔買個好的奉化桃大概要 6 元港幣，到農場入貨運到香港稍加包裝推廣，賣貴兩三成不難。殺低日本桃更易如反掌！
的确是商机！
聽你講到咁正,口水都流埋添!
嘿嘿：
我真係好想有商人引入呢！
Ebenezer：
kakaa, 揾個假期飛寧波，去溪口食個夠！
你講到我想即刻食一個呀!
話時話, 今年街市好少水蜜桃賣!!!
自由
小行：
街市水蜜桃十次有七八次唔曉熟，好令人失望。
來年若有機會再去寧波，大手入貨派街坊！
校長：
大乜鬼手入貨，香港人最捨得食，直情傾個獨家代理返黎，到時個個爭住塞錢俾你駛呀。。。哈哈
實情到時我地可以blog友價食靓野。。hehe(又發夢)
自由
小行：
我鬼係做生意材料吖，叫 Hana 諗諗佢。到時我都以 blog 友友情價擦餐飽！
發佈留言