2010年8月3日星期二

提早說桃

.
今次旅程,寧波是尾站。回港前一天到奉化溪口的蔣介石故居參觀。不知是團費太低還是安排出了問題,我們只能在宅院門外大道閒逛瀏覽,沒票進入宅內參觀。

這當然是無聊了,還有半小時集合,便走到附近擺賣桃子的攤檔看看。桃子有兩種,紅紅較好看的較平,反而偏青的較貴。原來偏青的是地道奉化桃。我兩種都買了,走了六七分鐘回頭路到廁所洗淨,一嚐奉化桃,哇,不得了,清甜到極點,而且汁液淋漓,沿手腕手肘滴到跟前土地都濕了。

連忙又走六七分鐘路到攤檔,買了廿多個回港,今天晚上把最後一個吃完了。剛巧 the8 又貼了小環桃的文,便提早把奉化桃子作個介紹。


這桃賣相不佳,但真的好吃。每次打開冰箱,拿了桃子後總是急不及待便啃下去,活像急色鬼。今天吃最後一個了,想想吃完了便不再有,便乖乖的拿相機出來拍個留念照。
.

18 則留言:

the8 說...

嗚......冇喇冇喇最後一個都食埋我份手信冇喇!

校長你連皮食桃的麼?

L L 說...

the8:

下次下次.....不過如果係食物又驚俾你兩隻寶貝小狗謀咗呢!

我一般連皮食架,我知唔係咁好,但真係好似美色當前,又係情到濃時,仲剝?等唔切喇....

嘿嘿 說...

还好记得拍照,让我们望桃止慾!呵呵~

BAND 5 仔 說...

得你介紹, 下次要留意一下.

半個月前, 去咗和歌山, 當地的桃也出名, 在當地買, 比香港sogo平, 但都500yen, 折合港幣45蚊一個, 以我貧苦學生, 真係肉痛, 點知食落, 又唔覺好得過大陸水蜜桃噃, 真係唔值咁貴, 所以, 外國嘢未必一定好, 國產嘢卻往往有驚喜.

L L 說...

嘿嘿:

這桃真掂,雖無禁果之形,卻有禁果之實,引得我哩!




Band 5 仔:

日本桃貴到嚇死人,我幾次徘徊日式百貨超市架出,始終捨不得買,幸好你提點一下。不過奉化桃似乎未引入香港 :(

肥貓 說...

laulong,

我由細到大食親桃都會肚瀉, 特別是中國那些類似蟠桃的物體, 反而食桃駁梨就沒事

L L 說...

貓姐:

你試吓批咗皮至食,睇吓會唔會瀉,你有可能係受唔到帶少少絨毛的皮!

韻味熊貓 說...

那是否那些桃產量很少,所以無出口?

L L 說...

相信是罷。更兼寧波又是新開發的旅遊城市,特產知的人還不多,希望遲些有商人能引入罷,這桃子真的正正正正正!

嘿嘿 說...

奉化桃要出口,价钱一定要卖得高,因为当地都吃得完,哪还有剩余出口,除非新开发新种植。

近水楼台的港商可以以开发投资啊!快!

L L 說...

就是了,嘿嘿。我不是商人,做不到這東西。但只要讓外面的市場知道了,擴大種植,甚至改良品種都可以做。

在溪口攤檔買個好的奉化桃大概要 6 元港幣,到農場入貨運到香港稍加包裝推廣,賣貴兩三成不難。殺低日本桃更易如反掌!

嘿嘿 說...

的确是商机!

Ebenezer 說...

聽你講到咁正,口水都流埋添!

L L 說...

嘿嘿:

我真係好想有商人引入呢!




Ebenezer:

kakaa, 揾個假期飛寧波,去溪口食個夠!

匿名 說...

你講到我想即刻食一個呀!
話時話, 今年街市好少水蜜桃賣!!!

自由

L L 說...

小行:

街市水蜜桃十次有七八次唔曉熟,好令人失望。

來年若有機會再去寧波,大手入貨派街坊!

匿名 說...

校長:

大乜鬼手入貨,香港人最捨得食,直情傾個獨家代理返黎,到時個個爭住塞錢俾你駛呀。。。哈哈

實情到時我地可以blog友價食靓野。。hehe(又發夢)

自由

L L 說...

小行:

我鬼係做生意材料吖,叫 Hana 諗諗佢。到時我都以 blog 友友情價擦餐飽!