照片攝於1980年秋，與師妹虛擬同寐遊澳門的那年.
孩子跟他們媽媽到星馬玩了，屋子裏有幾天寧靜。不愛看電視的我自然不會把機開著，那無聊的電視劇低智對白休想入我耳際，藝人的花邊新聞誰戀上誰誰拋棄誰更加與我何干？
還有立法會那班瘋漢醜婦人戲子佬都放緊假逍遙快活去了，沒有裏應，外面那班自詡良心份子自然又偃旗息鼓了。結果乜鬼社會議題都大事化小，小事化成了一條 ... 毛。原來暑假好和諧，我直頭好似慢慢揾番以前嘅香港。
耳根清靜這幾天下班後將百無聊賴，最宜靜靜看書，可惜已過月中，最新的攝影雜誌早已看完。假期又較難組班鵲戰，於是提早體驗了，那老來唔知做乜好的空白歲月。
睇怕維園的長凳，都要提早預個位給我了！
.
20 則留言:
獨守空幃，寂寞難耐？點算？！
點鬼知！香港有冇一條街叫花街？冇就去花墟行吓咯！
香港的夜晚不会难熬吧？难得放假无人管，这不是extra 的 Happy Birthday 吗！？呵呵呵~~~
果位牆頭草人兄是誰？難道是大俠？
嘿嘿：
其實我冇人管都好多年喇，只是平時夜晚，兩個化骨龍耐唔耐入黎房搞吓我，真係唔駛怕寂寞。哩幾日就唔同咯，聲都唔聲吓囉！
Coffee：
係一個百無聊賴孤獨嘅中老年男人，我用 24 mm 超廣角拍，所以佢唔意識我影到佢！
如你所言, 香港最近真的和諧和清靜了許多, 不過就快開會啦!!!
>> 其實我冇人管都好多年喇
係咪想人管吓呀?
好啊，早早体验一下，未来不会觉得惊喜寂寞！
貓姐：
唔想俾人管，但有人關顧就幾好。調番轉頭，我都知道唔應該去管人，除了健康死生之事，一切該由她去。
牛牛：
是惊怕寂寞罷，我唔惊嘅，我試過四五日旅程不曾說過一句廣東話，即係完全無伴，但有美景為伴。
校長：
攝影發燒友才會用超廣角鏡的，你也是一名發燒友吧？
校長：
快d 揾個伴呀！！！
自由
校長：
一係你話'亞sir 請食飯'，我諗。。應該有幾廿人排隊等住陪你！！
自由
佛爺：
30年前發過燒，依家經已免疫。那年頭，標準鏡中距鏡廣角鏡增距鏡濾鏡脚架閃燈乜都齊，依家就一部 Prosumer 搞掂，都唔知係退步定進步！
小行：
師傅這幾天以清風為伴，打後，似有還無，似無還有...
kekee, 係咪好玄哩？
哇，小行你仲想濯師傅一筆，我俾嗰兩隻化骨龍濯咗我皮幾嘢去旅行喇！請食飯喎，請飲汽水都無錢呀！
校長即係校長，玄到呢。。。。
但你都唔夠天光既金句咁玄。
睇黎我都要返去讀返書先得。
至於。。。駛成皮俾兩個仔去星馬，
校長你真係一個有米既好爸爸呀！！
自由
校長：
玩下Photoshop喇！包你覺得好似夜夜笙歌咁，寂寞遠離你！嘻嘻！
小行：
天矇光嘅金句係乜？
我有鬼米咩，真係仙都唔仙吓，今晚都係捱麵包咋！
佛爺：
我依家用緊低檔次嘅 Photobucket, 功能真係有限，但又的唔起心肝用個複雜嘅 :(
校長：
天光又名金句皇，本人覺得最玄0個句：'我唔會空肚食早餐！！'
無記錯 the8都有講過！
校長。。你又明唔明呢？？解黎聽下好喎！
自由
哦，天矇光先生！
>>我唔會空肚食早餐
哩句有好多解釋，可以係瞓前食到飽飽，或者半夜起身食粒魚蛋，又或者食早餐前拍幾粒藥丸，灌半杯水，咁咪唔空肚咯！
甚至衰啲嘅，起床前跟快樂小姐執番劑，各自餵飽了才食早餐，喺意義上飽咗就唔算空肚喇！
呢個解釋...十個趣!!
最正係半夜起身食魚旦. 好有鬼上身feel, 應節呀!
自由
哈哈，哩兩晚咪半夜起身呀吓！
發佈留言