2010年8月19日星期四

做幾天孤獨老人

.
照片攝於1980年秋,與師妹虛擬同寐遊澳門的那年
.

孩子跟他們媽媽到星馬玩了,屋子裏有幾天寧靜。不愛看電視的我自然不會把機開著,那無聊的電視劇低智對白休想入我耳際,藝人的花邊新聞誰戀上誰誰拋棄誰更加與我何干?

還有立法會那班瘋漢醜婦人戲子佬都放緊假逍遙快活去了,沒有裏應,外面那班自詡良心份子自然又偃旗息鼓了。結果乜鬼社會議題都大事化小,小事化成了一條 ... 毛。原來暑假好和諧,我直頭好似慢慢揾番以前嘅香港。

耳根清靜這幾天下班後將百無聊賴,最宜靜靜看書,可惜已過月中,最新的攝影雜誌早已看完。假期又較難組班鵲戰,於是提早體驗了,那老來唔知做乜好的空白歲月。

睇怕維園的長凳,都要提早預個位給我了!
.

20 則留言:

Ebenezer 說...

獨守空幃,寂寞難耐?點算?!

L L 說...

點鬼知!香港有冇一條街叫花街?冇就去花墟行吓咯!

嘿嘿 說...

香港的夜晚不会难熬吧?难得放假无人管,这不是extra 的 Happy Birthday 吗!?呵呵呵~~~

Coffee 說...

果位牆頭草人兄是誰?難道是大俠?

L L 說...

嘿嘿:

其實我冇人管都好多年喇,只是平時夜晚,兩個化骨龍耐唔耐入黎房搞吓我,真係唔駛怕寂寞。哩幾日就唔同咯,聲都唔聲吓囉!




Coffee:

係一個百無聊賴孤獨嘅中老年男人,我用 24 mm 超廣角拍,所以佢唔意識我影到佢!

肥貓 說...

如你所言, 香港最近真的和諧和清靜了許多, 不過就快開會啦!!!

>> 其實我冇人管都好多年喇

係咪想人管吓呀?

HollyCow 說...

好啊,早早体验一下,未来不会觉得惊喜寂寞!

L L 說...

貓姐:

唔想俾人管,但有人關顧就幾好。調番轉頭,我都知道唔應該去管人,除了健康死生之事,一切該由她去。




牛牛:

是惊怕寂寞罷,我唔惊嘅,我試過四五日旅程不曾說過一句廣東話,即係完全無伴,但有美景為伴。

韻味熊貓 說...

校長:

攝影發燒友才會用超廣角鏡的,你也是一名發燒友吧?

匿名 說...

校長:

快d 揾個伴呀!!!


自由

匿名 說...

校長:

一係你話'亞sir 請食飯',我諗。。應該有幾廿人排隊等住陪你!!

自由

L L 說...

佛爺:

30年前發過燒,依家經已免疫。那年頭,標準鏡中距鏡廣角鏡增距鏡濾鏡脚架閃燈乜都齊,依家就一部 Prosumer 搞掂,都唔知係退步定進步!




小行:

師傅這幾天以清風為伴,打後,似有還無,似無還有...

kekee, 係咪好玄哩?

L L 說...

哇,小行你仲想濯師傅一筆,我俾嗰兩隻化骨龍濯咗我皮幾嘢去旅行喇!請食飯喎,請飲汽水都無錢呀!

匿名 說...

校長即係校長,玄到呢。。。。
但你都唔夠天光既金句咁玄。
睇黎我都要返去讀返書先得。

至於。。。駛成皮俾兩個仔去星馬,
校長你真係一個有米既好爸爸呀!!

自由

韻味熊貓 說...

校長:

玩下Photoshop喇!包你覺得好似夜夜笙歌咁,寂寞遠離你!嘻嘻!

L L 說...

小行:

天矇光嘅金句係乜?

我有鬼米咩,真係仙都唔仙吓,今晚都係捱麵包咋!




佛爺:

我依家用緊低檔次嘅 Photobucket, 功能真係有限,但又的唔起心肝用個複雜嘅 :(

匿名 說...

校長:

天光又名金句皇,本人覺得最玄0個句:'我唔會空肚食早餐!!'
無記錯 the8都有講過!
校長。。你又明唔明呢??解黎聽下好喎!

自由

L L 說...

哦,天矇光先生!

>>我唔會空肚食早餐

哩句有好多解釋,可以係瞓前食到飽飽,或者半夜起身食粒魚蛋,又或者食早餐前拍幾粒藥丸,灌半杯水,咁咪唔空肚咯!

甚至衰啲嘅,起床前跟快樂小姐執番劑,各自餵飽了才食早餐,喺意義上飽咗就唔算空肚喇!

匿名 說...

呢個解釋...十個趣!!
最正係半夜起身食魚旦. 好有鬼上身feel, 應節呀!

自由

L L 說...

哈哈,哩兩晚咪半夜起身呀吓!