2010年12月6日星期一

他們的八舊,我的一舊

在義大皇冠住了一晚,第二天吃了個無比豐富的早餐。台灣呀,美食真的叫人停不了嘴,晚上的夜市,早上的自助,不胖起上來幾稀矣!

嘆完早餐,回房間去了,執拾後把行李拖到大堂去,卻看見幾個來自不同國家的猛男,穿戴了設計服,卻露出了那壯碩的身體,哇,健美到不得了。原來高雄正在搞甚麼男模特比賽,這幾個大概是得獎者罷。

大堂裏有另一個港團在等著,佔大多數的女團友們就更加雀躍了,紛紛與他們拍照。我們的團人少,平均年紀也比較大,最初大家都沒甚麼反應,後來被鬧哄哄的氣氛傳染了,陸續有團友走過去要求合照。他們也很友善,來者不拒。於是我也過去了,結果是他們的八舊,把我的那一舊影得如何的漏 bau, 呵呵,歲月,我是早已認命的了!

.

16 則留言:

肥貓 說...

我要攞呢幅相比貓生睇, 等佢警醒一下!!

largeheadboy 說...

驟眼睇都唔係爭好遠啫~

laulong 說...

貓姐:

其實也不需要八舊的,健康啲,slim 啲就可以了!




大頭仔:

呵呵,我有著衫遮掩嘛,還有狂縮肚呢,爭啲氣都透唔到!

Coffee n Tea 說...

可唔可以數下邊八舊呀?

PS︰校長果晚唔係全身只穿孖煙通衝出去嘅咩?咁啱見到啲肌肉男,百忙中都抽空一起影張半裸照架!咩?哦!乜原來校長是PS高手?懂在照片上為自己加回衣物,佩服佩服!

laulong 說...

kaka,你睇吓攞住澳洲旗的那個,八舊清清楚楚呀!

邊有咁手快吖,我也連 PS 都冇呀,高鬼高馬咩!

其實行埋去真係自卑架 :(

SKII 說...

嘩!男版“無頭東宮”!?

其實我作為女讀者,想講唔係好識欣賞果“八舊”,“八舊水”我就知係乜! :-P

laulong 說...

哈哈,原本唔想做東宮架,但那幾天實在吃得太肥喇,變了發水麵包!

至於八舊,唔鍾意就六舊都好喎!

係喇,那張相執了,係好咗喎 :p

HollyCow 說...

唸極都唔明,乜傢伙要同呢幾个傢伙影相呢?影完又喊.....歲月!呸!

laulong 說...

kaka, 牛牛罵的是!

人影我又影咯。至於你說的情況,就像一個阿伯一頭栽在少女的青春上,過後又更覺得後悔咯 :(

Ebenezer 說...

校長,唔怕,有得整架,hehe^^

佛爺 說...

校長:

八舊唔合我呀!有無阿里山的姑娘呀?

匿名 說...

校長:

我愛八舊水多d !:p


自由

laulong 說...

Eben:

整成八舊,之前我都睇過報道,但整咗八舊其他地方依然鬆 pau pau, 好怪雞呀!




佛爺:

唔知點解,喺台灣見唔到太多靚女噃,不過體態美的卻不少 ^^




小行:

kaka, 睇黎我都係攞八舊水容易,要那嗰八舊要等下世咯!

l.minor 說...

我見不到什麼四舊,八舊,只見到四個猛男!

其實你隔離果個都唔算太fit,係左手邊那個實在太fit

the8 說...

校長唔駛自卑,班鬼佬過多幾年脫髮咖喇...佢哋去到你個年紀出埋老人斑添呀!

laulong 說...

minor:

咁即係我都係?呵呵係就好吖!

我左手邊嗰個真係好勁,我見到啲女士同佢影相,直頭答晒糖 :p




the8:

kaka, 你點知我冇脫髮同老人斑?先嗰排有個中國仔帶咗個老人面具上機,個面具就係倒我模架!

喂,我好關心你粒瘡!