2010年12月7日星期二

台灣購物之公仔篇

自細就喜歡公仔,較大就愛看公仔書,這興趣一直維持至今。這次去台灣,兩隻年紀已不算小的化骨龍嚷著要老豆買手信。又好,反正睇公仔買公仔是我的所好。去到景點購物點,我都特別留意,結果發現了像 the8 的公仔,又有神似我那蠱蠱惑惑小兒子的小黑炭頭。而第一個頗靚仔瀟灑的我希望我大兒子係咯,可惜佢仍然不肯修身,睇黎正向肥版宅男進發,真要氣死我這個二打六老豆!












小時候玩夜光珠,有一顆就已如獲至寶,眨眼間迄今已久違了近半世紀,想不到今次在台灣可以買到。回港後,我說要拿一兩個送人,兩隻化骨龍即喊打喊殺。唉,就範,下次有見到好的,買了就藏起來送人,免得俾哩兩條友打腳骨!
.
.
.
去年今日:校長賭馬
.

23 則留言:

largeheadboy 說...

看見你地父子關係咁好真係好替你地開心

以前細個有夜光珠仔,我地會用嚟穿條頸鏈架~

Coffee n Tea 說...

第一個靚!!

Madamoiselle Petite*婉兒 說...

夜光珠!上次去澳門買過回來玩,但是怎麼我的夜光珠不會發光?難道要吸光?

可惜佢仍然不肯修身→點解呢?瘦些少不是比較容易買衣服嗎?哈哈,可能他需要一個明確的目標-像我之前臨去prom都要減肥啦....

匿名 說...

校長:

估唔到你鍾意這玩意!狗狗、樹熊和其他,隻隻造型都好可愛!

你大仔再大d 追女仔時,就會自動自覺修身架呀!

自由

肥貓 說...

喜歡公仔的人都是有一份童真, 你兒子也喜歡嗎?

如果兩父子同一時間喜歡同一個公仔, 會唔會 "打過".

Ebenezer 說...

那個佩刀的,是否似你^^

新鮮人 說...

能夠把自己的興趣保持下來很難得,
不管是宅男還是宅佬,
自己開心家人又開心已經很好了。

sun 說...

幾時有台灣靚女相睇??

佛爺 說...

校長:

童心未泯乎!

Carrie 說...

好喜歡那隻koala!

laulong 說...

大頭仔:

我同兩個仔成日互窒,仲不時玩講手,不過哩年零我開始有唔夠砌嘅感覺 :(




Coffee:

你個小朋友靚仔多了,這公仔應襯佢 :p




婉兒:

要架,要吸光,你將之放在光源下一會,吸了光後放在暗處才會發光。

個肥仔鍾意打機,所以死得!我以前就鍾意打波,要打得好,又愛新潮,所以唔肥,唉佢就係冇哩種目標!




小行:

佢中一二時直頭有女同學主動追,我仲曾經喺佢地學完跆拳後揸車送個女人番屋企,唉,俱往矣,我依家驚佢做齋公呀!




貓姐

佢地都喜歡架!

haha, 我地打交唔講理由架,行過睥兩睥就砌起上黎架喇 :p

laulong 說...

Eben:

我又真係喜歡刀架,不過嗰個梗唔係我喇,我哪有他的線條呢,你看他的三角肌,哇...




新鮮:

咁又真係開心嘅,的公仔造形線條真係好正,只可惜屋企唔方便放啲女嘅^^




Sun:

冇呀,冇影到台灣靚女,驚俾人打呀。有時喺街都見到一個半個,但又真係唔多喎,舉机更加冇咯,要你失望喇!




佛爺:

kekee, 我好鬼貪玩,成日喺屋企撩是鬥非,揾日靜雞雞 tar 左啲公仔,睇吓佢地有乜反應先,冇反應就留番黎送人^^




Carrie:

係因為牠的神態戇戇的 :p

在美濃客家村買的,你跟老公到台灣時可留意一下 :)

Coffee n Tea 說...

校長︰

我的小朋友樣衰衰的!:p
咦!我貼過我那頑童的貓樣出來嗎?

l.minor 說...

哈哈!原全無諗過你會鍾意睇公仔書(文人無理由鍾意睇公仔書嘅),重會買公仔做手信...

唔肯修身,哈,未有目標所以唔修身住囉!遲下你可能同阿仔講:做咩攪到咁瘦呀!心痛死!

laulong 說...

Coffee:

你以前有張 Profile pic 係一個小朋友黎,我以為嗰個就係喇!




minor:

我好細個睇財叔、老夫子,大個啲睇龍虎門、中華英雄、依家仲追緊天下。以前冇嘢睇,連女仔睇嘅十三點都殺埋呢^^

個肥仔唔駛慌會咯,細膽仔,點會追女吖,唔追女,唔慌會修身咯,呵呵!

Coffee n Tea 說...

哈哈..哈哈..
果個?!
校長,請留意我更新網誌:)

Mag 說...

laulong..

你真是一個好爸爸呢!!
會細心揀公仔比兒子,
他們有你這個爸爸,
實在太幸福了!!

laulong 說...

吓? Coffee, 唔通嗰個係你細個時?

laulong 說...

Mag:

其實我不是好爸爸,只能算是好貪玩的爸爸。我跟其他爸爸不同,只在我不會在家裏建立和行使父親的絕對權威。

他們兩個,所得到的其實比我父親給我的少,這,我是有歉疚的。

Coffee n Tea 說...

貼了,明日開估!

校長晚安!

嘿嘿 說...

还玩公仔?哈哈哈~ 岂不是老顽童一个? 嘿嘿嘿~

laulong 說...

haha, Coffee, 看到了,錯以為了 :p

laulong 說...

嘿嘿:

我係呀,我還懂得左右互搏,但最怕蜜蜂,也敵不過楊兄弟的黯然消魂拳 :p