2011年4月7日星期四

腦死亡

該是最近太累了,渾渾噩噩的,昨天晚上想用 USB 線為手提電話充電,怎知拿錯了,把該接到電話的插頭伸到電腦的 USB 口去,到發覺時,想抽回,已經太遲了,伏的一聲,整個電腦即時死機,無聲無畫,像大腦中槍一樣,一點抽搐都沒有,就徹底死亡。

打後就怎樣都開不到機了,電腦才買兩年,竟如斯薄命?

於是整晚失落,像因為自己的一次不檢點,就失去了臥榻上長擁著入睡的伴侶一樣,很內疚,很自責。

無奈之下只有翻箱倒篋,找回保用證與單據,幸好保用期尚有兩天才過,便打算拿去維修。今天把電腦帶回校,準備放學後送到維修中心去。午後心血來潮,把電腦拿出來再試一次,意外地竟又開到機了,一切如常,像昨晚的猝死完全沒發生過一樣。

從此我知道,要令一台電腦即時癱瘓實在容易, USB 插口就是它的死穴。但電腦又似乎有自我修復功能,你不理它,過了一個晚上,它又可以對你和顏悅色了,像之前的風波,早已煙消雲散!
.
.
.

24 則留言:

卡臣 說...

咁好運
恭喜哂

laulong 說...

haha, 真係好彩再試一試,唔係去到維修處一開機,原來無事,就該煨咯!

南蠻人 說...

應該唔好理開唔開到都叫佢檢查下, 有野趁未過保養期快d換.不過其實保養期同死期都差不多,現在的電子產品一夠保養期就死, 都唔知裡面係唔係裝咗自動死亡裝置...

naruto 說...

係咁架啦,保用期內會無事,一過左就有事架啦喎

hollycowplanet 說...

"你不理它,過了一個晚上,它又可以對你和顏悅色了,像之前的風波,早已煙消雲散!"

係咩!人得唔得?

新鮮人 說...

要唔要襯未過保養期,
check吓好啲呢?

l.minor 說...

要快d backup多d呀!
不過應該唔會咁兒戲就壞架喎?

laulong 說...

南蠻人:

你似乎喜歡這名字多一點罷!

產品過了保養就死,是要消費者不停購物,正是資本主義之義!




naruto:

今次都係我有唔小心嘅!




牛牛:

若果性情時刻變幻不定並非好事,最好就是不要常發脾氣,吵完之後縱使第二天冇事,也是好惡頂的。




新鮮:

唔得喇,一整就起碼三五七日,冇咗部腦真係做唔到好多嘢,個心囉囉攣,周身唔聚財!




minor:

要喇,真係要keep 住 back up,唔係一個不小心部腦永生咗,就大鑊!

匿名 說...

校長:

你個故事好科幻!好似打極唔死既異形人!哈哈。。

自由

laulong 說...

小行:

師傅都覺得最近自己神化咗, short short 地 :p

嘿嘿 說...

有时的确是酱侥幸,偏偏有时不……

laulong 說...

嘿嘿:

今次真係好彩,最好好彩埋下次六合彩 XDDD

SKII 說...

嘻嘻,係咪有啲似女人“發皮四”?

Madamoiselle Petite*婉兒 說...

現在的電子產品全都很快就壞啊,我們家的電腦用了六年,天天都是半死狀態的.真好啊,修好了.USB真的很容易中招-不單是電腦,手機用USB連接電腦同樣容易死掉,我試過幾次了,屢試不爽呢.><

largeheadboy 說...

會有咁嘅事架?插錯 usb 部腦就會瓜架喇?

電腦還好,有些東西你不理它就只會衰壞下去~

佛爺 說...

校長:

電腦火牛有電子保護電路的,小衝擊,佢會唔采你一會;大衝撞,佢至會離開你。不過咁,電子保護電路,一般復元快過女人,唔需要等一晚。

肥貓 說...

你個case就好似我公司的用家一樣, 電腦壞了要生要死, 其實只要shut down部腦, 不要立即開機, 等十分鍾通常電腦就會 "重生".

laulong 說...

S:

似呀,不過女人還是在不發皮四時才可愛 :p




婉兒:

USB 就是一個口嘛,禍從口出,病從口入,真是沒錯的!




大頭哥:

我諗用金属一觸及 USB 的內部,電路就會打柴卦?而且有可能關正負極嘅事卦?我都烏啄啄!




佛爺:

果然厲害,一語道破,真係電腦同網絡達人!




貓姐:

今次就係慶賀重生,如果唔係,就要做一排冇腦人咯!

Coffee 說...

可愛的女人間中發下小脾氣更可愛:P

laulong 說...

咁既然一早講咗係可愛嘅女人咯,咁佢嘅小脾氣都係值得領受嘅!

無計喇,鬼叫佢可愛咩!

Coffee 說...

啊!唔係!為免誤導女讀者以為發小脾氣可愛,唔係!唔係!我唔係想講發脾氣可愛,基本上發脾氣已不可愛的!

因為發脾氣係對方沒有做錯甚麼,只是女生在使性兒而已,那不可愛!不可愛!所以我可能想講︰可愛女人間唔中向男人扭下計更可愛!

laulong 說...

哦,扭計啫,扭吓計散發吓女生對男生嘅思慕,都係情趣嘅!

舞了 說...

laulong, 做咩你經常去我既網誌度溜覽呢, 我都冇再更新好耐架啦.

laulong 說...

基本上喺我個 blog list 到,我個個都去架!