2011年4月17日星期日

教育 ‧ 幾段

關於教材

能教的老師根本不需要教材,不能教的老師有了教材也沒用!




關於名校

名校的教學一定很好,放屁;名校的管理一定很好,放屁。不過,新校能於十年內攀上名校,一定很好;弱校能於十年內攀上名校,更是超好!




關於減班

弱校減班沒問題,好校 (不是名校) 減班確是減少了學生被優教的機會。所以減不減班,可以根據學校的增值數據來決定。
.
.
.

27 則留言:

hollycowplanet 說...

唉!名校变晒質啦!與整个世界整个社会一樣,变了。
我出自名校,引以為榮的。不過名校也有敗類,野鷄学校也有狀元。很依賴个人及家庭教育的。

eric 說...

名校老師質素好參差不齊,好多時學生都喺靠自己自修或補習。

laulong 說...

牛牛:

我也不是一竹篙打一船人,但耳聞目睹,實在太多發生在很多名校裏的混帳事,能名實相符的,反而多在新晉的名校。




Eric:

對,質素高的學生聚在一起,存在良性互動,成績自然好了。大部分傳統名校都因為這樣而長久加冕。

佛爺 說...

校長:

我是讀雞校的,無受過名門薰陶,所以思想好市井!嘻嘻!

laulong 說...

呵呵,佛爺,我仲雞呀,所以我地係雞兄雞弟 :p

Coffee 說...

家長就算知道選校時好校比名校更重要,但一般家長又如何得知其好或不好。例如一個資質平平的學生,家長會很希望佢群埋一堆資優的,期望將其資質扯高啲。所以傳統名校更被趨之若鶩了。

laulong 說...

向好的靠攏,是人之常情,但不正確的是把弱勢學校都定位為辦得差劣的學校,把任教低組別學校的老師都视為庸師,是大錯特錯的。

C.M. 說...

Re: 關於名校

x2!!!

我就響名校出身,教學係點?填鴨過唔填鴨。成績好全靠收到資優學生,中一表現已經醒足九條街,根本唔係靠師資。

新鮮人 說...

什麼是名校?
名校又點定義?
家長又點介定什麼是名校?

分數?
入大學人數?
德育和風氣!????

laulong 說...

CM:

就是。所以光環本就在學生頭上,不是名校老師打造的。

laulong 說...

新鮮:

因為討論教育,就不怕在辦公時間留言了。

名校是著名的學校品牌,建立在公開試成績、校風、入大學率、校友成就等等。

家長看名校,多道聽塗說,人人說好的,追慕的便是名校。至於學校的管浬、教學、文化他們都不甚了了。

說...

能教的老師根本不需要教材,不能教的老師有了教材也沒用!<<
哈哈,同意至極!
當年上劉老師嘅堂
有幾何見佢真係拎住本書講裡面啲內容?
信手拈來
當天的社論新聞,又是教學的好材料了

laulong 說...

萱:

唉,謝謝你的嘉言。

我都好慚愧,未能做得更好!

l.minor 說...

近幾年認識咗一d新朋友,有d是名校出身,知道佢地唔係當時最讀得書果一批,但交際能力,腦筋卻是與我讀雞校的有分別...

laulong 說...

分別在他們高啲,還是低啲?

我中一至中五都是雞校,但成績比我差的同學很多今天都好有成就,社經地位比我高很多,好明顯他們有其他的好素質,而這些,是與成績無關的。

匿名 說...

名校不願減班......
是為學生,還是為老師......
是為名,還是為利......
誰知曉......

largeheadboy 說...

係喇,當年除咗語文科,我讀書嗰陣真係好少用到教科書,每日書包都只是幾本筆記簿和一些流行讀物~

laulong 說...

9:37:

直資不需減班,只官津要。官立及津貼絕對不是一盆生意,不減班,可能只保住幾個職位。

不過,若參加教育局自願優化班級計劃(即減班),可保留因減班而超額的老師六年,計及自然流失,其實人力不會有甚麼壓力。




大頭哥:

太重視教材,只是教匠才需要。能教的老所師,腦袋就是教材。

l.minor 說...

哈哈,我寫得唔清唔楚

其實我想話果幾位名校出身的朋友,在組織以及表達方面都比較起幾位讀普通學校的人(包括我)優勝,我估計可能是當年我讀書時,名校在培養學生組織及表達方便有點不同(我不清楚現在情況了)

又或者我認識的幾位,剛巧都是在組織以及表達方面有素質,又更或者我本身是低素質,哈哈

laulong 說...

minor:

我相信是後者居多。但也不排除他們在學校裏多參加演辯,而培養了這種優越能力。

名校要名,是樂於參加這些比賽的。

匿名 說...

小班教學咪好囉!
點解係要縮班呢!

想畢業於名校,就要學生自己爭氣,令到讀緊嘅變成名校。

肥媽

richmapoorma 說...

同意!

laulong 說...

肥媽:

教育局的看法是:沒有證據顯示小班教學的質素會優於大班。

其實都是有了結論才請一些洋專家來砌些論證,得啖笑!

至於要自己爭氣,我同意架,但同樣重要的是,校長老師都爭氣!




richma:

嗯,謝謝撐場 :p

匿名 說...

只要學生沒有行為問題,
就算是五十人一班,
老師都不會吃力的,
最多只是改簿會辛苦些。
若然學生大部份是SEN,hyper active果D,
就算係小班到一對一,個老師都可以好容易咁俾個學生玩到在一小時內即時虛脫。
小班教學保證質素?!
先決條件是要班學生唔好係SEN。
近十多年,SEN的學生好似越來越多,
發生咩事,教SEN的老師,
上一堂課,心血小D都好快死得。
係咪D學生細個時食左D有問題奶粉......

突然有感而發(下白日夢)......

有時見到D SEN學生,
好想叫佢地唔好係課室上堂,
見佢地好多都坐唔定,
又無耐性,又唔聽道理,
真係好想好想叫佢地去操場跑圈,
跑到佢地個個死死下,
睇下佢地仲會唔會成日係課室走來走去無時停.....

路人甲

laulong 說...

路人甲:

我最怕改簿,那是教學生涯裏不能不做,但又非常損耗生命的工作。我曾試過教四班中文,每次作文就有 160篇,每那年頭我每篇都精改,一篇用上十分鐘等閒事,改一班作文就要近六至七小時,改四班就要24至28小時,這還要計定工不停做,但怎可能呢,改吓抖吓結要三十幾小時,真係想死!

還有其他呢,課後練習、綜合練習、測驗考試,批改真是最磨人的!

SEN 就更不用說了,根本就不應該放到主流學校去,我曾寫過一些,有空可以參考一下:

http://lau-long.blogspot.com/2010/01/blog-post_28.html


http://lau-long.blogspot.com/2010/01/sen.html

匿名 說...

果D作文,下放俾TA同你改......
你咪可以輕鬆下囉,不過個TA就慘D咁解啦......(當係佢做正教前嘅一種磨練吧)

SEN嘅學生,大多數係一群負EQ的學生,
佢地應該係在非正規學校接受輔導式或治療或自療式教育,例如佢地可以自由選擇只是在學校由朝到晚做自己野,睇公仔書又好,聽歌仔又好,打鼓又好,咩都好,俾D自由空間佢地去半開放式地只接觸下少部分人群,(因為有D SEN係唔可以同別人太親近,人多嘅地方佢地愈容易受唔住刺激而出現行為問題),可能對學生對學校對社會都好D。

EMB,可唔可以開多D特殊中心去專門招呼呢班學生呢?
唔係歧視問題,而係對症下藥嘅問題。
主流學校根本唔係SEN學生學習嘅合適地方。

正常少少嘅學生根本三句之後就唔會同老師再糾纏下去的,因為佢地最想係要準時放學,醒目少少果D會好快同老師合作,乖乖就範扮死狗為求老師快D放人,呢類學生雖然有D世界仔FEEL,不過就好有合作性,起碼唔會折磨自己同別人先......

香港嘅教師,要自求多福,先可在教育界站得住腳。
學生,正常果D,其實好易教。

SEN果D,就可以一個打你十個,

EMB,唔該幫幫忙,正視SEN對主流學校的隱性及潛藏破壞力,唔該幫幫忙啦......

EMB,你地唔肯小班,又唔肯抽走D SEN,
又要得閒搞下三三四,老師唔係鐵甲萬能俠呀......

寫多左添......

不過,話時話,劉兄你就絕對係屬於功力深厚銅皮鐵骨打不死果一群,拜服拜服......


路人甲

laulong 說...

冇喇,依家我冇教中文喇,行政工作多咗,再難兼顧超高的批改量。而且我地都唔准叫 TA 幫手批改,我地相信哩啲係老師必須承擔嘅工作。

你對教育 SEN 學生的建議很準確,據知星加坡就用學校分流分式去處理。最重要的理念是要保障一般學童的學習機會,把 SEN 放得主流學校,只會拖慢學習進度,對一般學童造成困擾,同時對 SEN 學生也沒好處。

至於我的銅皮鐵骨,見笑了。只是因為除了預科及大學,我中小學都是雞校,見慣了惡人黑社會爛仔,所以就容易處理那些較頑劣學生了 :)