該是最近太累了，渾渾噩噩的，昨天晚上想用 USB 線為手提電話充電，怎知拿錯了，把該接到電話的插頭伸到電腦的 USB 口去，到發覺時，想抽回，已經太遲了，伏的一聲，整個電腦即時死機，無聲無畫，像大腦中槍一樣，一點抽搐都沒有，就徹底死亡。
打後就怎樣都開不到機了，電腦才買兩年，竟如斯薄命？
於是整晚失落，像因為自己的一次不檢點，就失去了臥榻上長擁著入睡的伴侶一樣，很內疚，很自責。
無奈之下只有翻箱倒篋，找回保用證與單據，幸好保用期尚有兩天才過，便打算拿去維修。今天把電腦帶回校，準備放學後送到維修中心去。午後心血來潮，把電腦拿出來再試一次，意外地竟又開到機了，一切如常，像昨晚的猝死完全沒發生過一樣。
從此我知道，要令一台電腦即時癱瘓實在容易， USB 插口就是它的死穴。但電腦又似乎有自我修復功能，你不理它，過了一個晚上，它又可以對你和顏悅色了，像之前的風波，早已煙消雲散！
.
.
.
24 則留言:
咁好運
恭喜哂
haha, 真係好彩再試一試，唔係去到維修處一開機，原來無事，就該煨咯！
應該唔好理開唔開到都叫佢檢查下, 有野趁未過保養期快d換.不過其實保養期同死期都差不多,現在的電子產品一夠保養期就死, 都唔知裡面係唔係裝咗自動死亡裝置...
係咁架啦，保用期內會無事，一過左就有事架啦喎
"你不理它，過了一個晚上，它又可以對你和顏悅色了，像之前的風波，早已煙消雲散！"
係咩！人得唔得？
要唔要襯未過保養期,
check吓好啲呢?
要快d backup多d呀！
不過應該唔會咁兒戲就壞架喎？
南蠻人：
你似乎喜歡這名字多一點罷！
產品過了保養就死，是要消費者不停購物，正是資本主義之義！
naruto：
今次都係我有唔小心嘅！
牛牛：
若果性情時刻變幻不定並非好事，最好就是不要常發脾氣，吵完之後縱使第二天冇事，也是好惡頂的。
新鮮：
唔得喇，一整就起碼三五七日，冇咗部腦真係做唔到好多嘢，個心囉囉攣，周身唔聚財！
minor：
要喇，真係要keep 住 back up，唔係一個不小心部腦永生咗，就大鑊！
校長：
你個故事好科幻！好似打極唔死既異形人！哈哈。。
自由
小行：
師傅都覺得最近自己神化咗， short short 地 :p
有时的确是酱侥幸，偏偏有时不……
嘿嘿：
今次真係好彩，最好好彩埋下次六合彩 XDDD
嘻嘻，係咪有啲似女人“發皮四”？
現在的電子產品全都很快就壞啊，我們家的電腦用了六年，天天都是半死狀態的．真好啊，修好了．USB真的很容易中招－不單是電腦，手機用USB連接電腦同樣容易死掉，我試過幾次了，屢試不爽呢．><
會有咁嘅事架？插錯 usb 部腦就會瓜架喇？
電腦還好，有些東西你不理它就只會衰壞下去~
校長：
電腦火牛有電子保護電路的，小衝擊，佢會唔采你一會；大衝撞，佢至會離開你。不過咁，電子保護電路，一般復元快過女人，唔需要等一晚。
你個case就好似我公司的用家一樣, 電腦壞了要生要死, 其實只要shut down部腦, 不要立即開機, 等十分鍾通常電腦就會 "重生".
S：
似呀，不過女人還是在不發皮四時才可愛 :p
婉兒：
USB 就是一個口嘛，禍從口出，病從口入，真是沒錯的！
大頭哥：
我諗用金属一觸及 USB 的內部，電路就會打柴卦？而且有可能關正負極嘅事卦？我都烏啄啄！
佛爺：
果然厲害，一語道破，真係電腦同網絡達人！
貓姐：
今次就係慶賀重生，如果唔係，就要做一排冇腦人咯！
可愛的女人間中發下小脾氣更可愛:P
咁既然一早講咗係可愛嘅女人咯，咁佢嘅小脾氣都係值得領受嘅！
無計喇，鬼叫佢可愛咩！
啊！唔係！為免誤導女讀者以為發小脾氣可愛，唔係！唔係！我唔係想講發脾氣可愛，基本上發脾氣已不可愛的！
因為發脾氣係對方沒有做錯甚麼，只是女生在使性兒而已，那不可愛！不可愛！所以我可能想講︰可愛女人間唔中向男人扭下計更可愛！
哦，扭計啫，扭吓計散發吓女生對男生嘅思慕，都係情趣嘅！
laulong, 做咩你經常去我既網誌度溜覽呢, 我都冇再更新好耐架啦.
基本上喺我個 blog list 到，我個個都去架！
發佈留言