2011年4月20日星期三

左丁山怎樣看教材

文章轉錄:

<不讀古文何來能力>:

左丁山讀中學時,有幸碰上一位老師,不按照教育司署之課程範圍教國文,直情叫我地到奶路臣街買本「古文評註」舊書,就教我地「弔古戰場文」、「過秦論」、「鄭伯克段于鄢」、「蘭亭序」、「李陵答蘇武書」、「赤壁賦」等等,背書背到我地死死吓,本國文課本反而係咁意講吓就算,記得讀胡適嘅「差不多先生傳」,佢一邊教,一邊鬧胡適,叫我地讀完就可以忘記,唔駛理。依家諗起,佢邊度有教材、學材呢啲嘢架。

親戚Y係教書 Miss,同佢講起依家啲年青人好似唔識古文,在中學究竟學甚麼? Miss Y 沒好氣咁同左丁山講:「你地班人好鬼 out,又唔知我地教緊乜。現在我地全部要依足教育局課程範圍嚟教書,否則冇得做。教育局明令唔准要學生背書,古文唔教好耐嘞。古文只係在中國文學呢一科有,但新學制推行後,上到中四,選修中國文學嘅學生,十個之中冇一個,好多學校根本停辦中國文學科,啲中國文學教科書死晒啦,邊度有學生買呀。至於必修嘅中國語文科,我地要注重學生九種能力,缺一不可,我地冇教材幫手,跳樓都似!」

撞鬼,甚麼九種能力,唔讀「蘭亭序」、「赤壁賦」,識乜嘢中文呀。 Miss Y 話一定要有教科書商教材先至識教,自己編寫就好唔掂,又係乜原因呢? Miss Y 話:「譬如聆聽能力,要有一位發音清、咬字好,無讀錯字嘅人朗誦一篇文章畀學生聽,我地學校冇專業錄音室嘅設備,錄出嚟嘅效果好差,學生聽得唔清楚就會考試肥佬。但書商會做埋專業錄音碟俾我地,你話幾妥當呢。家長買書係幫我地買埋教材(按:過去教材買書附送),但都係用於學生身上,為佢地好啫!」呢啲道理,家長點會明白。怪書商不如怪教育局班課程專家,將教書、讀書搞到咁鬼複雜,令老師疲於奔命,做到得閒死唔得閒病。但自上星期開始,學校唔准收任何教材、學材嘞, Miss Y 如何是好?佢嘆一口氣:「咪叫學校去買囉。學校冇錢買嘅話,學生最受影響,我地邊度有時間去做教材呀,一科通識已經教死人啦!」 Miss Y 又叫左丁山睇吓四月十日「明報」周日一篇「書商食死貓」,呢篇文章最能講出教師心聲喎,四月十六日「蘋果」評論版嘅韓連山亦啱啫!


*******

讀了左丁山此文,感受良多。我讀中文教中文很多年了,對現在所謂的中文新課程徹底失望。把中文閹割到支離破碎,結果是學生對文化精粹了無所知,行文說話卻又不見流暢精煉。這是死局,是一批不夠班的中文人逢迎不學無術的教局頭頭走出來的死局!
.
.
.

36 則留言:

新鮮人 說...

噢~~"撈"~~~

我都唔知講乜好,
乜依家啲中學中文科真係無古文教架?
點都要有幾課好呀!!
唔係點睇肉蒲團、金瓶梅之類嘅正嘢呀!

匿名 說...

現在每位中小學生每年書費約$3000。
大佬呀,中小學生已經免學費啦。
你地阿仔阿女要受教育,一年$3000書費都唔想俾?!
政府都有書簿津貼(全免或半免),你地班家長負擔唔起,係可以申請津貼嫁,唉......

黑人 說...

讀中文不止是練習語文能力
更是文化傳承
從中學會世界觀和做人道理
自閹了就甚麼都不用講

L L 說...

新鮮:

咁又唔係冇晒文言文,只係學校可以在教育局提供的幾百篇範文裏,自主挑選教授。但問題在舊制會考同新高中考試都不再考課文,你想想唔駛考喎,啲老師會唔會精教,細路會唔會精讀呢?




5:49 :

咁教科書點都係要嘅,我上篇文係講有能力的老師根本唔需要教材。

但有啲科目真係唔需要教科書,像通識就係。




黑人:

我完全認同呀。想當年我讀出師表,庖丁解牛,歸去來辭,六國論,不知幾鍾意。那是非物質的集體回憶同文化認同。自從羅范椒芬個婆娘掌教局,仇視中文中史,於是有班擦鞋仔女幫手閹割,中文中史就咁玩完喇!

匿名 說...

古文呢家野,真係唔係人人識欣賞。
有時見黃毓民議員在立會發言時都係滿口古文,我就好想打爆個電視,聽到人好鬼煩。

L L 說...

haha, 嗰條癲狗,噏乜都咁難聽架喇,即係擺明大奸狗卻滿口仁義道德,你話幾惡頂呢!

新鮮人 說...

唔考多數唔會讀啦,
不過話時話,
依家啲人根本唔多睇書,
就算睇都係啲揾錢嘅工具書,
唔好話古文吖,
就算一些通俗的白話文都唔會睇,
看看依家啲所謂年青作家,
(不是指林燕妮、李碧華、金庸哩啲叫做大師級嘅, 他們已經寫得算是很好的了),
不單文筆麻麻,
內容又無里頭,
有啲仲好似我咁不停錯白字,
都可以出書呀,
啲人就係睇埋哩啲白字作家嘅作品,
語文能力點會唔不斷降低吖。
所以連白話文都未識睇嘅人,
仲點會去睇古文呢?

語文能力不單是靠課本上一兩課就能改善,
要平時多看多讀才可以,
不看好的作家的作品,
更不會去看古文,
白話都未得,
古文就更加唔洗諗了。

L L 說...

這都可以計入世代差異上。我細個時冇乜娛樂,唯有睇書咯,三字經千字文三國水滸讀者文摘,睇埋睇埋係有幫助嘅。而家啲細路打機多過乜,唔成為文盲算好彩咯!

咁再加上教育局閹割,學校唔重視,教科書仲驚你唔死,一定俾埋語譯,啲細路一睇就睇語譯喇,結果文言文教學,殘晒 !

Hana 說...

>我上篇文係講有能力的老師根本唔需要教材。

我唔敢認自己有能力,但係我短暫的教書(中史)生涯中真係冇乜用過教材,係咁信口開河講故仔咁教...

largeheadboy 說...

我其實唔係好知依家中文教乜,仲有冇嗰啲榕樹的美髯呀、庖丁解牛呀~

L L 說...

花花:

你肯定是有能力的老師喇!我同你都跳脫,今時今日,我上中史堂都是不帶書的,手 fing fing 就踩入課室架喇!




大頭哥:

嗰啲篇章唔一定要教架喇,更加係乜嘢範文都唔駛考!

婉兒 說...

>>我細個時冇乜娛樂,唯有睇書咯

我小時候也是呢,當然功力不及老師和Hana姐姐了。(我父母不准我玩遊戲機,也不許我看電視……)

讀書的出發點是在考試的話,樂趣全無是肯定的了,更莫論讓學生享受過程。剛剛因緣際會跟一些香港同年的同學聊天,大家都不喜歡中文,都說為了會考而讀中文好痛苦。我很驚訝,能夠上中文課是一種幸福啊,何來討厭?大概是學校專注考試技巧之故。只能對他們說:「在國外住就知道能上中文和中史課是何等幸福的事情呢。」

對了,說起中文,想問問你的意見。吾弟小學未讀完就來了英國住,中文不是很好(尤其是寫作和認字方面,說話也常詞窮),不知道應該怎麼教/幫助他學好中文呢?

阿貓 說...

我的語文能力也是這樣學的,太慶幸自己是舊一輩人,經常遇良師,實在感恩!

L L 說...

婉兒:

令慈令嚴其實做得很好,打機同沉迷電視,正是現今世代低沉的主因。

現在的香港中文課,走上了學第二語言的模式,是應用性的,是功能性的,而不是以往的通過範文作文化傳承,優化性情,及擴闊視野。香港人都用廣州話,便以為自己已懂中文,學來作甚呢,是以視之為苦差。

中國的影響力日增,懂中文是優勢,令弟該學好中文啊。你買些典籍連環圖給他看,像像三國演義,也許會引起他的興趣。





阿貓:

我也是,我生平遇到兩個中文良師,令我對中文產生濃厚興趣,我是非常感激的!

韻味熊貓 說...

校長:

其實香港學中文唔係咁容易,父母都唔會支持,只認為英語才有用。

L L 說...

佛爺:

最大的問題還是教育局走錯了路,用教外語模式教母語是千錯萬錯的。

不考範文,結果學生不會對文化遺產深入鑽研,結果造成這世代的文化斷層,青少年根本無根可認,本就是一個國族社群危機!

匿名 說...

試下從學生、家長及社會角度去諗。
家長認為古文重要嗎?
你將來嘅老闆認為古文重要嗎?
學生自己,認為古文重要嗎?
文化遺產,
有幾多人真係認為佢地好重要呢?
唔係想潑古文泠水,
而係想用一個實際少少嘅角度去睇古文呢樣野。
電子時代,科技一日億萬里,
科技帶給人類新紀元,
人類的靈魂就愈來愈給蠶食。
物質主義同拜金主義同縱慾主義,
更叫人類靈魂被封鎖。
古文,同藝術,甚或同睇漫畫書或砌模型或彈琴或唱歌或運動或拍拖戀愛結婚生仔等等一樣,
當局者會好迷的。
卻不是人人津津樂道。
有一樣好奇怪的發現,BAND ONE 學生既中文科合格率通常低過英文科合格率的。
有幾位朋友的子女都是中一二的優質生,讀名校,都唔鍾意讀中文,問佢地點解,好多都話好悶......(其實我讀中學時都有佢地嘅感覺,我唔鍾意古文,唔鍾意背文,唔鍾意範文,但我鍾意作文,最後中文A唔到,不過C到。)
(依家嘅中文,走嘅係實用路線。)
(如果要學生學古文,真係要個學生對中國文化有好濃厚嘅興趣先得,勉強佢地,教同學嘅都唔會有幸福,只有辛苦。)

柒加伍 說...

教育局走錯了路?依家政府要聽民意呀。啲嘢唔妥當就鬧政府囖,啲老師、家長和政客唔會鬧自己架,又好快就唔記係自己迫政府做嘅。

L L 說...

4:31 :

英國人覺得莎士比亞重要嗎?法國人認為大仲馬重要嗎?德國人之於席勒?俄國人之於托爾斯泰...

文言只是一種載體,背後是一個個優秀的靈魂與經驗,而文言本身也是極精煉的語言,絕對有學的價值。多讀古文可以令作文通順精煉,是公認事實,不愛古文者是不能領略的。

讀中文沉悶,讀中文痛苦?不知道英國人學英文是否會一樣?




柒加伍:

謝謝留言。教育局這方的課班程改動肯定不是聽民意,只是幾個寡頭無知佬 and 婆自把自為。

韻味熊貓 說...

匿名4:31:

我讀中國語文、中國文學和中國歷史,直至中五畢業。我是一個十分懶惰的學生,但這些基礎古文教育,是有潛移默化的作用,我離開學校後,對自己修補失去了的語文能力,是有幫助的。

我在加拿大求學時,也是要讀加拿大文學和英國文學的,更要讀莎士比亞那些莫名其妙的英文,才考進大學。校長說得無錯的,英語國家的學生,也要讀莎士比亞的古英文,不只是讀現代英語。

我的英文水平也不好,但至少一些基礎教育,教我可以應付基本書寫要求。

L L 說...

謝謝佛爺的提供。

文言有三千年歷史,裏面記載了不少偉人睿思雋語,白話文只行了近一百年,積累無論如何是不及文言文的。

不讀文言文,實在是一個很大很大損失。

韻味熊貓 說...

校長:

講中文悶,是說不通的。我覺得中文比英文靈活得多,組合也千變萬化。

我有一次無意看了一些文言文的鹹故,嚇一跳!從無想過文言文寫床第之樂會如此精彩,幾句已包含很多意境。

英語國家很重視莎士比亞的,因為他可鞏固學生的語文基礎,但日常生活,根本不會用到莎翁的語法。猶如文言文,平日不會用到,但卻可建立語文基礎!

L L 說...

佛爺以學英文的經驗去比較說明文言文的價值,確是很值得參考的。

覺得學中文悶是因為本身已懂看懂說,但看得準確,說得精煉,寫得明白,卻是非用心學習不能臻其至。能看到中文之難,才有可能真正掌握這語文的奧義。

韻味熊貓 說...

校長:

你這句「文言有三千年歷史,裏面記載了不少偉人睿思雋語,白話文只行了近一百年,積累無論如何是不及文言文的。」教我念起另一相仿的事實。

我是修讀心理學的。現代心理學只有一百多年歷史,那麼,我們只需要從佛洛伊德開始讀便足夠了,對嗎?

事實並非如此,而是整個西方歷史也要略知,尤其是基督教發展史。從四世紀基督教被羅馬殘王列為國教,六世紀開始有修道院,西方開始實施神職人員禁慾。到黑暗時代,1150年基督教分裂成羅馬天主教和希臘東正教,1534年馬丁.路德創立基督教。對立教派互指對方為異端,引發連串宗教戰爭,而最重要的:什麼是精神病?信了異端?

十四五世紀開始的文藝復興,人的思想從教廷轉至個人心性。工業革命,教會地位開始受到動搖,被壓制了千多年的同性戀者也開始抬起頭來。至十九世紀末保守封閉的維多利亞時代,佛洛伊德敢於打破時代枷鎖,提出性的原動力,才展開了現代心理學的大門。

如你的堅定見解,文言文有三千年歷史,內裡的寶藏,是不能抹掉的,它是白話文發展的基石。學習白話文,也不能只從五四新文學運動開始。

L L 說...

嗯,引西方心理學發展的前述,佛爺令我知得更多!

是的,在牆後伸出一隻手臂,我們可以想象手臂後還有整個身軀,文言文就是這個身軀。要知道一個人,你總不能說看到手臂就可以了。

用學外語的方法學母語,只重傳意功能而不及民族精神與靈魂,是愚不可及的。

匿名 說...

語文的基本功能是溝通。(不過,我估你地未必同意。)
你們幾位仁兄卻將語文傳譯成古文,歷史,文化,文學,民族精神,靈魂,係唔係捉錯用神呀。
你地愈講愈多,原本簡簡單單嘅東西,俾你地講到......有無攪錯左D咩呀......
你地對語文嘅見解,恕我不感苟同喎。

瞎子 說...

劉兄,復活節快樂~

點解要攪d咁嘢,緊係特登兼有原因啦!

瞎子 說...

如果一個民族,要消滅另一個民族,又要唔顯眼,非暴力,有咩辦法最好?

韻味熊貓 說...

校長:

在牆後伸出一隻手臂,我們可以想象手臂後還有整個身軀,文言文就是這個身軀。要知道一個人,你總不能說看到手臂就可以了。 」這個比喻十分精闢,我非常認同。

美國這一代的中學生輟學率,已經高過他們父母親的一代,教育家擔心下一兩代會變成怎麼樣!這種自由主義教育方式,用在中學裡,是否行得通呢?

另外,西方是受基督教義影響,而中國是受儒家思想熏陶,根本很難相提並論。

L L 說...

8:19 :

白話文要教,但文言文有很高的價值,不能偏廢,但觀之現在的中文教育,肯定是離棄文言文,結果是年青學子思想蒼白,文化承傳出現斷層。

我沒有做過調查,但我相信世界上大部分國家都不會用教外語的方式去教母語的。




瞎子兄:

復活節快樂呀!

非暴力方非去消滅一個民族,當然是挑去這民族的文化根源了。學子們不知己身民族的歷史、文化,於是沒了歸屬感,向心力。呵呵,這招很毒。

審諸近年一些 80 後的偏激躁狂,沒有了中國詩教之溫柔敦厚,似乎真有其自啊!




佛爺:

極端的自由主義就是放縱,極端的工具論就是蒼白,只可惜為政者太膚淺了,結果讓社會更走平庸!

Midnight Singer/ 午夜歌手 說...

校長見解果然獨到精辟!
唉,這就是本港語文教師的悲哀呀!
中文英文都考所謂應用, 冇範圍嘛, 上課的便不用聽了,考試便不用溫習了. 佢地腦海裡甚麼也沒有.
所以呢一代的小朋友, SUBJECT KNOWLEDGE欠奉, 乜野都講有用冇用行先.
讀文言文有咩用, 讀莎士比亞有咩用...
有D野嘅存在,不是因為有用/冇用. 每樣野本身都有價值掛...@@
救命!!!!!!!!!!

L L 說...

歌手:

這就是我們精英局長的視野!爛開心,以為不背書是教育的真諦,於是取消範文考試,結果人人上讀本堂只虛應故事,文章內的思想、情緒、世界觀又怎能入腦呢?

現在的 80後,90後這樣瘋,不考範文的中文新課程要負很大責任!

若缺齋老人 說...

我細個時我阿麻正係拿住本《古文評註》,講文學講歷史就咁可以講成日,仲要時時唔知講左去邊;

我把口又衰,講到豫讓擊趙襄子、轉頭趙襄子就病死左時問"係咪豫讓識巫術?

L L 說...

呵呵,齋老,唔怪得你咁鬼叻,出入古今,鞭僻入裡,就係因為你嫲嫲嘅啟蒙呀!

嗰啲只把母語視作工具的人,永遠不能去到你的層次!

Midnight Singer/ 午夜歌手 說...

我是80後呀...
80後唔係最有問題嗰一代人..不過都有好多BOSS 頂班80後唔順呀...
你問我, 90後... 我作為80後...都想死.
你就好啦,未必輪到你管90後...
我,作為老師都頂90後唔順, 日後的人作為佢地嘅老闆,簡直係冇眼睇呀!!!!!

L L 說...

haha, 因住 90 後黎揼你呀 ^^