2011年6月16日星期四

一年一度雀歸來

網上照片

雖不至於一年一次,但真是打少了很多,是因為雀腳星散,退休的退了,忙於賺錢的賺錢去了,要組班實在困難。總不能走去雞記打呀,跟三唔識七的人打麻雀,見到美少婦會分心,見到臭檔男會嘔心,打的又是雞鴨鵝搶食糊的,那有興頭!

記得去年昨日,有幸組到班了,結果打出個極邪門的戰果。今年的前天,又這麽巧組到班了,但賽情卻沒有去年的峰迴路轉,可堪一記的只是糊了舖開槓自摸海底撈月小三元混一式么九對對糊 (共 20 番罷,若計海底撈月則是 21番了) ,結果轉負為勝。若非前一鋪抽水總額剛達是晚開支總數,否則jackpot 都掃埋,都咪話唔和味!

回家後把戰果記下,看看我們的雀盟紀錄,我是近 18 戰 17 勝,不錯了,只是打牌的機會愈來愈少,最終可能由心癢癢變得心如止水,那就真是無可奈何花落去,最終唔理雀歸來了!
.
.
.
去年今日:麻雀就是邪
.

10 則留言:

Ebenezer 說...

打麻雀好啊,可以防止老人癡呆呀。

L L 說...

係呀,我對住副麻雀就會好儆醒,又會估嗰三個對手嘅牌同策略,都幾用腦架!

匿名 說...

校長:

羸左麻雀,請食飯請食飯!!

自由

L L 說...

haha, 又嚟?記住數先記住數先 ^^

新鮮人 說...

食到奇牌真係好過癮,
三日三夜都回味呀!

以前同朋友打麻雀,
其中一家食了某人一舖十三么,
贏家慶起上黎仲要捉住輸家影返張相,
激到輸家火都黎,
點知第二舖輸家立刻又食返贏家一舖十三么喎,
佢又想捉返住剛才個贏家(變輸家)影相,
先前贏了那個朋友當然死都唔制,
係雀房追來走去唔肯影,
你都咪話唔搞笑。

匿名 說...

見到美少婦會分心,見到臭檔男會嘔心!
hahahaha!

C.M. 說...

都係果句... 睇唔出你係雀精! =p

而我,就係香噴噴既... 魚腩

嘿嘿 說...

我碰!我碰!我碰!碰!碰!

我不会打,但是最爱碰!

呵呵~

韻味熊貓 說...

我好少打麻雀,好傷神,頂唔順,成日做魚腩!

L L 說...

新鮮:呵呵,連續互銃十三么,真係幾經典喎!



牛牛:都未講遇到老千呀,分分鐘輸到要賣身 (冇人買,kaka, 你梗係咁講喇 XDD )



CM:曾幾何時,我都係超級魚腩!近三十年前試過八圈輸咗我 1/4 月糧,真係想喊!



嘿嘿:真係不會打?要學喇,學咗之後碰得更起勁架 :p



佛爺:初學就個個魚腩喇,上咗手,上埋身,就去食人哋魚腩喇喂 ^^