2010年6月16日星期三

麻雀就是邪

.
自從兩位同事提早退休後,雀局已是少有。昨天終於齊腳了,在端午節假前來次鑒戰。

打麻雀最講運氣,最邪門,所以我們常說麻雀根本就不是人打的,而是背後有無形的手在推動。若戰情平淡,我們都會笑說背後的兄弟們未開工,但到他們「開工」了,上落變化之大,足以把旺者捧上天,又可以把弱者踩到死!

昨天一開局,我竟打了個三條六骰寶,四圈過後我第一次打骰,竟又開了個三條一骰寶,我們都悚然了。之後我還再打了個三條一,真的嚇人。我們都說,怎麼今次兄弟這麼早就開工!

開局的第一盤,我已經輸了盤十二章包自摩,接著再輸一盤八番,一圈未完已輸了十一底多。相反院長(我們各有暱稱) 已贏了十三底。我心想今次凶多吉少了。

更邪門的由一盤十三么開始。我們是打 Jackpot 制的,若一盤打和,沒有人叫糊,便各拿 20 元放在 jackpot, 若有一人叫糊,那人便毋須付 20元,其餘三人要付 30元;兩人叫糊,其餘兩人各付 40元,三人叫糊,餘下一人獨付 80元。若 jackpot 仍未累積至當日預計鵲局消費,任何人糊出十三番都可以獨佔 jackpot。

打到大概第六圈,Jackpot 已達 610元,按經驗已到了當天消費,我們都說要封存作鵲局費了,但平時負責結賬的短霸竟說還欠 10 元。O.K. 又好,反正家家有求,便繼續開放競爭。誰知那一局偏偏就是短霸出銃十三么給正在輸了十七底的大鱷,大鱷除贏了短霸 768 外,還獨佔 610元 Jackpot.

自那盤之後,大鱷如有神助,邪牌一盤接一盤,真的順到你唔信。終局打來,是大鱷大勝 51 底,短霸大敗 41 底。我嘛,在大鱷的淫威下,幸好糊出了一盤小三元混一色對子及一盤門前清小四喜,結果由開局初輸十一底變倒贏十一底,院長則由開局初贏十三底變倒輸 三十 底 ( sense 到數字的玄機嗎?)。

最令人驚訝的是,結賬時,鵲局消費竟偏偏只是 609 元!
.

13 則留言:

Armadillo 說...

麻雀真係好邪,尤其是係當你輸緊嘅時候。以下情況都唔知試過幾多次:
1. 單吊緊隻牌成世都唔出現,你轉章咩,轉個頭就摸返,順手打出去仲要出埋沖添。
2. 已經自摸上手,準備開牌,點知俾人碰走咗,跟住摸返嚟嗰隻仲要係出沖牌。
3. 隻牌明明對家打都冇事,點知輪到自己打就出沖俾上家。

laulong 說...

係呀,這些情況真係試過好多,又譬如隻出銃牌明明唔係自己摸,點知上家碰完或上完後就自己摸,結果銃埋,真係仰天長歎!

不過順起上黎就差不多次次入章,譬如我鋪小四喜,棟起手得一隻東一隻西一對南,結果俾我摸到東南西各一 kan, 單吊北,枱面我諗唔夠 40隻牌就食門前清,嚇到個個呆晒。

佛爺 說...

我唔係仲衰,有一次開局時,拿本鹹濕雜誌在雀檯掃一下,跟著就講:「我要邪死你地班友!」

至第二局,對家全萬子九章落地,我又講:「你睇我點樣一番截你糊!」結果,竟然攻到對家十二章。

佢竟然自摩喎!我包哂!

跟住我就變咗條死魚咁,無哂癮喇!

原來放「邪」,唔一定邪人地,會自己中邪的!唉!

laulong 說...

kakakaa, 佛爺,你咪以為邪邪得正,將女色帶到麻鵲枱,反傷己身呀!

有輪自己霉過黑炭時,直頭想茹素禁慾閉關呀!

IamMiss無糖 說...

我都試過,由開始輸2百幾,到最後反而1家贏哂,贏返5百幾!麻雀真係好講運氣,有時運氣在,亂打都有大牌糊

肥貓 說...

laulong,

抱歉! 我看不明白你這篇文章, 因為我不懂打麻雀.....反而剛學懂打麻雀的雙親搶著要教我, 令我哭笑不得.

Coffee n Tea 說...

校長的暱稱係...?

laulong 說...

Miss無糖:

多謝留言呀,講打牌令你興致大增哩。打麻雀運氣決定八成,像我們四個當中,院長的牌章最高,但當日由贏變輸,就是一籌莫展!



貓姐:

哈哈,學曉咗就間中陪爸媽打番八圈,也是很好的親子樂呀!



Coffee:

我暱稱? C 朗咯.....

kakakaa, 講笑啫,我係「局長」,原因係我專責統籌。

Desertfox 說...

又再可以留言, 太好了.

打麻将, 很就没玩了, 手癢中.

Coffee n Tea 說...

亞C朗︰

唔爭在講埋「院長」「大鱷」「短霸」的因由呀!:P

想講多幾句,我不打牌的,但我對你這篇玄妙的數字巧合頗感興趣。我在生活中都遇過不少數字玄機,但都是事後如夢初醒的!這玄妙令人慨嘆冥冥之中早有安排!

laulong 說...

Desert:

可惜相隔萬里,唔係打番幾圈都過癮!



Coffee:

「院長」是某文科主任,學養深湛。
「大鱷」最愛著 LACOSTE。
「短霸」逢短途鵲戰多贏。

Desertfox 說...

以我的章法, 应该不是你的对手. 但打打无妨. 我打算年底, 明年初回港. 到时候有机会真的要玩玩.

从我老婆那里学会重庆麻将和四川麻将, 感觉比广东牌更好玩.

laulong 說...

打牌係運氣嘅玩意啫,冇人敢話贏梗架!

一家大細番黎?

香港好興台灣牌啊,不過我冇學。