 |
| 辦公室那諂媚之鏡 |
年紀大了，逐漸抗拒照鏡，怕見鏡中自己臃腫的身形與疲敝的面孔。然而怕照鏡卻不能不照鏡，看看頭髮是不是要剪了，鬚是不是要剃了，眼角是否抹得乾淨了，潤膚膏是否都已塗得化開了......
要照鏡，學校裏是太方便了，我辦公室裏就有一面，是家裏用不著搬來的。另外教師厠所都有鏡，而厠所幾層樓都有，洗手時望鏡又是順理成章，所以要不照也不行了。
先不說自己辦公室的鏡，六樓教師厠是我每天必到的，早上回校途中看免費報弄得指頭都黑了，回校放下了公事包就去洗手。因為光線的角度問題，這面鏡照得人最誠實，就像諍友，把我的缺點都全顯示出來了：面上的路軌愈發縱橫，白髮已逐步蠶食黑土，皮膚如久旱的農田日見乾瘠，在在都叫人很不爽的。
但回到辦公室又是另一種情狀，窗外的光減輕了人工光源的單一和霸道，來得較柔和，鏡中自己的一些缺點竟然消失無蹤，從厠所回到辦公室才半分鐘步程，面容感覺竟然大不同：老殘，未至於；老殘，未至於；老殘，未至於，哈哈，真是神奇恩典！
30 則留言:
你厠所那面鏡是照不出你那份成熟的魅力的，別信它！
我都想唔信，但真係好鬼真實咯！
光d暗d，光嘅方向，塊鏡質地都好大影響架
你邊老呀！型就真
哈哈! 笑死, 今晚在我Blog回你。
》》鏡子就像諍友，把我的缺點都全顯示出來了：面上的路軌愈發縱橫，白髮已逐步蠶食黑土，皮膚如久旱的農田日見乾瘠，在在都叫人很不爽的。
可見兄台髮線還未向後移動成M狀，可喜可賀!
我正在嘗試接受自然老去的自己 ...
老另一面是: 人生閱歷更豐富
老可以是令人欣賞的，不用怕老阿
保持心境青春咪得囉！
茶少(仲記得我這位路人甲嗎？)
校長：
你keep成咁都話老？我地真大鑊！
自由
校長：
別經常在自我壓抑吧！有一句說話，叫什麼 ..... 進一步，海闊天空！退一步，走投無路！嘻嘻！
哈哈，頂光真係大忌嚟架，頭髮稀疏、電車路、大眼袋、肥肚腩呢啲老餅特徵即刻無所遁形！所以而家影相，我都會盡量加閃燈補光，效果好好多架！
你講咋喎，我哋都睇唔到全相。
我现在也不敢照镜子，对自己超没自信的说，我长大过后可能不敢装水看水面了。。。。。。
爺爺咁strong邊會老架！！
係呢度預祝爺爺生辰快樂~~
naruto：
係呀，尤其係鏡嘅質素，有啲鏡照得人好好睇，有啲相反，真係名副其實嘅魔鏡！
卡卡：
型就唔駛 crop 咗個面去咯 :(
牛牛：
我個心眞係唔老，個樣就真係老喇！
inner：
答案係：我提都唔敢提髮線 :(
S：
我都要咁樣，但怨又似是必然咯，不過我相信，怨怨吓就唔會怨架喇，因為習慣咗咯！
無糖：
你哩句最能夠安慰師傅咯，謝謝 :)
茶少：
梗係記得喇！
咁我心境尚算青春，我同啲仔玩打交，真係唔似50幾嘅老爸！
小行：
但臉上嘅風霜真係冇得抹走咯，依家就要靠那面諂媚之鏡喇！
佛爺：
進一步，冇咗過胸；退一步，跌落個窿 ...
哈哈，冇偈呢！
Arma：
嗯嗯，知道喇，仲有影右73面好過左73面，haha, 老咗嘅可獻世面積大減！
Coffee：
仲睇全相？係咪想減肥先？睇咗扣喉都慳番喇！
Tan：
謝謝光臨啊！年輕是最大本錢，你甚麽都比我富裕好多啊 :)
小佚：
謝謝你呀，你真有爺爺心！爺爺手機剛才寫不到中文，所以用蕃文匆匆作覆，不要見怪啊！
點會呢，記住爺爺生日係應該ga ma
呵呵，真係乖孫，抵錫！
最近我都發覺腦筋冇以前轉得快囉，淨喺嗰樣仲可以呃吓人嘅。
Eric：
腦筋該冇退化得咁快，可能係你放完大假仲未恢復狀態， warm up 咗就會番晒黎喇！
唉！我罪 我罪 我罪重罪！在此，我"狠"請所有兄弟姊妹，補祝校長:"生日快樂！"
364日也記得，到365日忘記了！只因你快我13小時。昨夜，多倫多星期日1月8号零晨2点15分忽然被周公踢醒，叫牛牛未到香港時間1月9号12点前來自守！！！！
不老不老，長生不老！
呵呵，牛牛，何足掛齒啊！
但我還是要謝你，長生不老難，但大家皆長久就好了！
生老病死每个过程都有唠叨之言，惟有死了就没话好说了！哈哈哈~~~
喂!想長生不老一D都唔難，時時去睇戲。刚看完Sherlock Holmes 2，充满幻想，故事情節佈景制作也值得回味，好過Mission Impossible 4 百陪。
嘿嘿：
大家都好運咯，kekee, 冇死冇死！
牛牛：
我都覺得 MI 好多漏洞，Sherlock Holmes 2 好睇過佢！
預祝／補祝生日快樂，M字永遠遠離你！
自由
謝謝小行，我要 Money 嗰個 M XDDD
發佈留言