2012年1月6日星期五

現實是照得人勁灰的鏡

.
辦公室那諂媚之鏡

年紀大了,逐漸抗拒照鏡,怕見鏡中自己臃腫的身形與疲敝的面孔。然而怕照鏡卻不能不照鏡,看看頭髮是不是要剪了,鬚是不是要剃了,眼角是否抹得乾淨了,潤膚膏是否都已塗得化開了......

要照鏡,學校裏是太方便了,我辦公室裏就有一面,是家裏用不著搬來的。另外教師厠所都有鏡,而厠所幾層樓都有,洗手時望鏡又是順理成章,所以要不照也不行了。

先不說自己辦公室的鏡,六樓教師厠是我每天必到的,早上回校途中看免費報弄得指頭都黑了,回校放下了公事包就去洗手。因為光線的角度問題,這面鏡照得人最誠實,就像諍友,把我的缺點都全顯示出來了:面上的路軌愈發縱橫,白髮已逐步蠶食黑土,皮膚如久旱的農田日見乾瘠,在在都叫人很不爽的。

但回到辦公室又是另一種情狀,窗外的光減輕了人工光源的單一和霸道,來得較柔和,鏡中自己的一些缺點竟然消失無蹤,從厠所回到辦公室才半分鐘步程,面容感覺竟然大不同:老殘,未至於;老殘,未至於;老殘,未至於,哈哈,真是神奇恩典!

當然這是自欺欺人了,但人生四苦之「老」是太沉重了,容我在厠所給諍友之鏡鞭撻後,回辦公室給諂媚之鏡撫慰一下,才不致令自己在不容易的教學環境裏,艱難展步。
.
.
.
去年今日:手機隨拍世侄女
.
.

30 則留言:

Ebenezer 說...

你厠所那面鏡是照不出你那份成熟的魅力的,別信它!

L L 說...

我都想唔信,但真係好鬼真實咯!

naruto 說...

光d暗d,光嘅方向,塊鏡質地都好大影響架

卡臣 說...

你邊老呀!型就真

匿名 說...

哈哈! 笑死, 今晚在我Blog回你。

the inner space 說...

》》鏡子就像諍友,把我的缺點都全顯示出來了:面上的路軌愈發縱橫,白髮已逐步蠶食黑土,皮膚如久旱的農田日見乾瘠,在在都叫人很不爽的。


可見兄台髮線還未向後移動成M狀,可喜可賀!

S 說...

我正在嘗試接受自然老去的自己 ...

IamMiss無糖 說...

老另一面是: 人生閱歷更豐富
老可以是令人欣賞的,不用怕老阿

匿名 說...

保持心境青春咪得囉!
茶少(仲記得我這位路人甲嗎?)

匿名 說...

校長:

你keep成咁都話老?我地真大鑊!

自由

韻味熊貓 說...

校長:

別經常在自我壓抑吧!有一句說話,叫什麼 ..... 進一步,海闊天空!退一步,走投無路!嘻嘻!

Armadillo 說...

哈哈,頂光真係大忌嚟架,頭髮稀疏、電車路、大眼袋、肥肚腩呢啲老餅特徵即刻無所遁形!所以而家影相,我都會盡量加閃燈補光,效果好好多架!

Coffee 說...

你講咋喎,我哋都睇唔到全相。

凱宇 說...

我现在也不敢照镜子,对自己超没自信的说,我长大过后可能不敢装水看水面了。。。。。。

佚名 說...

爺爺咁strong邊會老架!!
係呢度預祝爺爺生辰快樂~~

L L 說...

naruto:

係呀,尤其係鏡嘅質素,有啲鏡照得人好好睇,有啲相反,真係名副其實嘅魔鏡!




卡卡:

型就唔駛 crop 咗個面去咯 :(




牛牛:

我個心眞係唔老,個樣就真係老喇!




inner:

答案係:我提都唔敢提髮線 :(

L L 說...

S:

我都要咁樣,但怨又似是必然咯,不過我相信,怨怨吓就唔會怨架喇,因為習慣咗咯!




無糖:

你哩句最能夠安慰師傅咯,謝謝 :)




茶少:

梗係記得喇!

咁我心境尚算青春,我同啲仔玩打交,真係唔似50幾嘅老爸!




小行:

但臉上嘅風霜真係冇得抹走咯,依家就要靠那面諂媚之鏡喇!




佛爺:

進一步,冇咗過胸;退一步,跌落個窿 ...

哈哈,冇偈呢!

L L 說...

Arma:

嗯嗯,知道喇,仲有影右73面好過左73面,haha, 老咗嘅可獻世面積大減!




Coffee:

仲睇全相?係咪想減肥先?睇咗扣喉都慳番喇!




Tan:

謝謝光臨啊!年輕是最大本錢,你甚麽都比我富裕好多啊 :)




小佚:

謝謝你呀,你真有爺爺心!爺爺手機剛才寫不到中文,所以用蕃文匆匆作覆,不要見怪啊!

佚名 說...

點會呢,記住爺爺生日係應該ga ma

L L 說...

呵呵,真係乖孫,抵錫!

eric 說...

最近我都發覺腦筋冇以前轉得快囉,淨喺嗰樣仲可以呃吓人嘅。

L L 說...

Eric:

腦筋該冇退化得咁快,可能係你放完大假仲未恢復狀態, warm up 咗就會番晒黎喇!

匿名 說...

唉!我罪 我罪 我罪重罪!在此,我"狠"請所有兄弟姊妹,補祝校長:"生日快樂!"

364日也記得,到365日忘記了!只因你快我13小時。昨夜,多倫多星期日1月8号零晨2点15分忽然被周公踢醒,叫牛牛未到香港時間1月9号12点前來自守!!!!

不老不老,長生不老!

L L 說...

呵呵,牛牛,何足掛齒啊!

L L 說...

但我還是要謝你,長生不老難,但大家皆長久就好了!

嘿嘿 說...

生老病死每个过程都有唠叨之言,惟有死了就没话好说了!哈哈哈~~~

匿名 說...

喂!想長生不老一D都唔難,時時去睇戲。刚看完Sherlock Holmes 2,充满幻想,故事情節佈景制作也值得回味,好過Mission Impossible 4 百陪。

L L 說...

嘿嘿:

大家都好運咯,kekee, 冇死冇死!




牛牛:

我都覺得 MI 好多漏洞,Sherlock Holmes 2 好睇過佢!

匿名 說...

預祝/補祝生日快樂,M字永遠遠離你!

自由

L L 說...

謝謝小行,我要 Money 嗰個 M XDDD