2012年1月11日星期三

剩男愛剩食,廚餘饗人餘

.
網上照片

愛對聯的 Armadillo 肯定知道這不是一組對聯咯!

「剩男」我之謂也,甚至應該在前面加個老字。「剩食」不用解釋了,吃剩了的食物,杜甫筆下的「朱門酒肉」是也。「厨餘」類近剩食,「人餘」類近剩男,但卻差過剩男,是那些無甚足觀,人世間可有可無之輩。

話說前天參加一位舊同事舊文〈勃起牌紙巾〉為我作秀的師哥 ) 婚宴,散席時,又如常剩下不少食物,包括糕點,糖水,生果。本著不浪費精神,我叫侍應拿膠碗把剩餘的糖水帶走。回頭一看校務處同事那席,十二位走剩兩位,席上的糕點,糖水,生果卻紋風未動。幹甚麼呢?校務處的小姐們就是細食如斯?又歸心似箭如斯?結果這些食物我全帶走了,十二人用的糕點,一大窩糖水,十二個橙,就算加上家裏的兩條化骨龍,也可以食上好幾天了!

聽說香港每天產生 3300多噸厨餘食剩,若能拿到貧窮地區,可以吃飽很多人了,也可減輕香港堆填區的壓力,但朱門酒肉總是去不了凍死骨之處,惟有我這剩男人餘,不辭剩食,為自己多求點口福,為世間多積點陰德而已!


冷知識:

現時本港每天產生約3,300公噸廚餘,其中三份之一源自工商業,其餘源自家居,分別佔都市固體廢物的百分之9及百分26

香港人每年外出用膳的消費額達 3,500億港元,若以港人每周午餐平均花費 150港元計,四成人吃剩三份一食物,等於白花了 45港元,由此推算,全港市民每周浪費 13千多萬港元,足以助養 280多萬名發展中國家兒童一星期。
.
.
.

19 則留言:

Ebenezer 說...

在大陸吃飯,那些大款們要在桌上剩下許多許多才叫有氣派!

Coffee 說...

有啲咁嘅好事?噢,就放工肚餓了,而家勁想食!

L L 說...

Eben:

那就是一個民族格的淪落啊,很可歎!




Coffee:

係咯,食得唔好 side 嘛,當然要勁攞!

largeheadboy 說...

我食晒架通常都
所以我依家都係老剩男架
仲要加多個肥字添~ :p

the inner space 說...

有餘有剩是中國傳統文化觀念
新年給利是也是基於這個觀念
我家經已充滿滿利是有餘有剩
就分些多餘的利是給別人家吧

卡臣 說...

我通常清碟

best actor 說...

在這邊上館子吃剩的東西帶回家十分常見,館子主動幫客人備份,是很自然的事情。

Unknown 說...

我先係剩男~~~~

匿名 說...

出亍食晏我會叫"小飯"

自由

Unknown 說...

所以好怕去喝呀,去中國交流個D!

中國民族既文化傳統係宴客唔能夠失禮, 再諗下中國有幾多人口, 條數計落應該幾可怕! (原來有~60 million tones/year)

Armadillo 說...

哈哈,如果將標題當成對聯嚟睇,的確係對得唔穩妥,因為「剩」字同「餘」字嘅位置對唔上。而校長你就太謙嘞,就算真係剩男,你都肯定係鑽石剩男啦!至於食剩嘢,實在係太浪費!當地球上有人要捱餓,而富裕地區就將大量剩食送去堆填區,真係罪過呀!

雪山飛狐 說...

本来不饿,现在非常想吃东西。

Coffee 說...

校長、Arm︰
浪費的確係罪過!
我不在自己手上造成浪費,有打包的習慣,又例如校長所講的,有時我去飲都是未到曲終人散已離場,未上的食物有他人在食,又最後點都有人打包走,自己就未是浪費的罪人。
這是我的理解,唔知別人的理解咁算不算有罪呢。

我要做個有衣食的人!

韻味熊貓 說...

校長:

這是社會風氣,加拿大是不會有餘食的,人人搶住打包走,檯面一定無得淨。就算婚宴,乜都拿走,汽水糖水都不會留下。

我都係咁做,搶住要!

L L 說...

大頭哥:

肥老剩男?你怎會呢?吃得是福,只要有節制一點就得喇!




inner:

哇!我又要利是!雖然我幾廿歲人都唔面紅架!




卡卡:

清碟係應該嘅,不過若自己煑或外出食,最好都只係預備適合的量就可以。




ba:

那很好,我又聽說澳洲人愛用二手舊物,這又是很環保很珍惜資源的態度。




艾德:

不,你還年輕嘛,如日中天,又怎會剩呢?

L L 說...

小行:

嗯嗯,但師傅幫兩隻化骨龍買飯就多叫加飯,有時我又食埋就慳番餐。




P:

謝謝留言呀!

60 million tons, 哇,很嚇人。不患寡而患不均,怎樣才能損有餘、減浪費以惠不足呢?




Arma:

我係鬼鑽石,有人肯眼尾睄吓我已經會開心十天半月。

嗯,若人人不浪費,將有餘俾啲待助者就好喇!




Desert:

haha, 是不是看到那盆紅豆沙呢 ^^




Coffee:

當然喇,未完席就走當然不算浪費,因為菜都未上桌嘛!

想是平日的態度才最重要,買飯時若一般都食唔哂就叫少飯,自己造飯則夠食就可以,該是應循之路咯!

L L 說...

佛爺:

咁我最啱做加拿大人咯,我未必搶贏你,但肯定搶贏牛牛咯 XDDDD

新鮮人 說...

糕點,生果我都會考慮,
但糖水好難搞,
用膠碗裝又係唔環保,
仲唔知要幾多個,
最好問下有無人食,
無就唔好拿出黎,
費事浪費,
其實擺酒都幾唔環保,
浪費之極,
旅行結婚咪好羅,
唔洗煩,
係d老人家要擺,
唉。。。煩死。

L L 說...

我用咗兩個大膠碗就裝晒成兜紅豆沙,個膠碗仲可以循環再用。

你好事近喇?冇辦法架喇,好似我 N 年前,都係抗拒唔到唔擺酒 :(